.
متى يجي العريس ؟؟؟؟؟؟
أمه أمه المحي أمل
يمه تراها هي إلي ما تحاوشني
أقل وذابكنه
أمل كل ماقلت لها حاوشيني تقول بعدين
والله يمه إنها تكذب إنكسر ظهري وأنا أحاوشها
آقل إن الله يصلحكن وكان
ماقد سويتنه ضيعه وأنهيتوهن كما الخلق
حليل ذي بياخذكنه
والله إني آنا اللي باخذه
الله يقصُر عمرك والله ماتاخذينه ماياخذه غيري
أقل شنهو إلي إلا بتاخذينه إنت وهي
العريس ذا هرَج فينا
ومنهو قال لكم أن حد هرج فيكنه
إنتيه حوب قلتي حليل ذي بياخذكن
أقل الله يرد عليكنه عقولكنه والله لحقتن صنق المدان
إفلحي إفتحي الباب ذيه أبوك
بسرعه تناولي منه المقاضي لايضيق ويحذف بها
السلام عليكم
وعليكم السلام إرحب يابو عمر
الله يعطيك العافية
الله يعافيك
هيا افلح غير وانحن بنجهز العشا
هيا بسرعه جهزنه العشا أبوكن تعبان وبيتعشى وينام
يمه هوه ماهلا إنحن نشتغل هويه أخوانا مايساعدونا
ماعاد إلا هي
أقل رشقنه ضيعتكنه وبسرعه
يمه كل الناس جابوا شغالات ماهلا أنحن بعد ماجبنا شغاله
وذى أسوي بالشغاله
يمه تريحنا تنظف وتكنس وتغسل
وأنحن وذي نسوي
أنحن نرتاح شويه من الشغل بنساعدها ولكن ماهوب كما ذلحين
كل شي فوق روسنا
أقل أسكتنا ماعاد إلا هي البيت مليان عزيب
واجيب وحده تخدم عليهن لاوالله ماتعديه واحده
هيا بسرعه أبوكن في الصالة ودينا العشا
وذابك إنت والبنات تتحاترنا كنكنه جارات ماهلا تاتناحرنه
مابهن شي ماهلا ياتشاورنه وشن يغسل المواعين
حقت العشا
أقل رحن واصعقن لأخوانكن علشان يتعشون
يمه شافونا وأنحن نحضر العشا يعني لازم نصعق لهم
إيييوه أصعقن لنا وذا وراكنه
ياولد عيب عليك تكلم أختك كذيه
ماتشوفها يابه ماتبغى حتى تصعق لنا علعشا
صادقه فيكم هنه من الصبح مع أمكم
ينظفنه ويطبخنه ويغسلنهه فوق ذيه الهدم
وأنتم ماهلا تتبطحون من مكان لمكان
أقل خل تيه الهروج عنك وخل السفان يتعشون
والله مايضيع السفان غير إنتنه يالنسوان
والله إللي يسمعك يقل معك عشرة
تهرج معهم ماهلا إثنين
ولا كانوا إثنين ندلعهم يقولون إشبع ذراك وأحسن أدبه
أقل إسم الله على سفاني ماهم مدلعين
أم عمر لاخلصتي العشا أبغاك في هرجه
إبشر ذلحن أجي
هيا بسرعه كفتنه المواعين والمطبخ
بغدي ألمح أبوكنه وذا يبغى
ها يابو عمر خير إن شاء الله
خير ووذآبك خرعتي
لا لكن من يوم دخلت وأنته مسهم
لا مافيه شي لكن فيه عرسان جو لأمل وسعاد
الله يبشرك بالخير
علمني منهم
سسسفان أخي محمد .. ماجد وعبدالله
والله إنهم نعم الأولاد
مودبين وأمهم طيبه وأبوهم ولد حلال
هيا شاوري البنات وردي عليه
إبشر ولايهمك
أقل والله مايكنس المطبخ غير إنتيه
ياسلام هوه تدورين لي الضيعه الصعبة وتعطينيها
وذابكن ماهلا تاتضاربنه
أقل إستحين وامزين لاحد يسمعكن والله إني أخاف ماتسرينه وتعودنه
بطيبكنه فوق روسكنه يوم تنكحنه
والله يوم ننكح لنجملك ونخلي راسك في العالي
بس وين هم العرسان
كل يوم تقولينه لنا وما شفنا حبه
خلاص تراينهم جوا ويبغون رايكم
وشنهم اللي جو
العرسان هرجوا آبوكنه
يمه بالله عليك لاتتشيدقين بنا
والله إني ما أتشيدق بكنه
عمك محمد كلم أبوكنه اليوم
يبغاكنه لأولاده ماجد وعبدالله
هاه وذابكنه سكتنه
آقل وين حشت السنتكنه اللي يسمعكنه
قبل شويه يقل ذوليه البنات مجمهرات
أمه الله يخليك
هاه وذا قلتنه
وتسرع أمل وسعاد بالذهاب إلى غرفتهن حياء
وتروح أم عمر لأبو عمر وهي تضحك
ها يم عمر هرجتي البنات
إيوه هرجتوهنه
وذى قلنه
والله ماردينه
أمل وسعاد ماردينه
والله لو شفتاهنه ووجيههنه حمرتها كما القوطه كان ماصدقت
أقل ليتني خليتوهنه إلين يكفتن المطبخ
خلين المطبخ وإصطكين في الغرفه
خليهن البنات يستحينه
يعني أرد على آخي خلاص
رد عليه مابيلقون أحسن من عيال عمهن
وبعدين الأولاد منا وفينا
على بركة الله
طبعا إنتهت الإجراءات الرسمية وقبل ليلة الزواج كانت الأم تنصح بناتها
الوحده تغدي حره
وتكرم عمها وعمتها ولايسمعون منكنه شي يزعلهم
بيجي قصور وبيجي زعل ولكن الحره اللى محد يدري عن سرها
الشيبان طيبين وأنتن راعوهم لادخلوا عند الوحده
تقهويهم وتتهرج معهم وتكرمهم
تراكن ماتزددن غير حب وكرامه
الله يوفقكن ويبارك فيكن ويسمعني عنكن كل طيب
وتقوم سعاد وأمل بتقبيل رأس أمهن.
وانتهت هذه الحلقة والجااااي ترى احلى ..
تحيــــــــــــــــــــــــــــــــــــــــــــــا تي
.