هل هو جحود ام حب للتغيير

اشوف الناس هجرت الجمس واقبلت على اليوكن ولاادري هل هذا من الجحود اوالتطور ولكني اعتقد انه من اصحاب المصانع غيرو الإسم ولم يغيرو فيه شيئ اساسي وسمعت قبل ايام قصيدة عن الجمس وبحثت عنها في النت ووجدت عدة قصائد عن نفس الموضوع احببت ان اعرضها عليكم .
القصيدة للشاعر / ناصر الفراعنة

حييّت يا جمـسٍ جـدادٍ iiمشاريـه عبّارتيـنٍ بميـة ألـفٍ iiشرينـاه
أربع ميا وخمسين من عند iiأهاليه آخر موديل بعالـم الشـرق iiعـزّاه
حالف حرام إني لاسوقه iiواعدّيه يوم إن ولْد أمّه قصـر مـا iiتهقـواه
جمسٍ ليا شفته عزالك iiتقهويه يا ِطيْب طِيْب القهوجـي كـان iiقهـواه
تقول معزومٍ لحفلة ii(سواريه) جاك امتشيّـك وامتعطّـر ومـا احـلاه
سوّاه لطوال الشوارب iiمسوّيه ما يركبـه يـا كـود حامـي iiحمايـاه
حرٍّ كفخ من روس عالي iiمباديه قـرمٍ تلطّّـم وأشقـر الكنـت طفّـاه
يا ليت راعي الجمس يومه iiيسمّيه على اسم عنتر والا بو زيـد سمّـاه
حيثه شنب يستاهل المدح iiزاهيه ملعون أبو من لا قمـز لـه iiوحيّـاه
من عزته ما ركبو أهل الدلع iiفيـه ولا سوّقـوه أولاد بابـا ومامـاه
ولا ساقه الخكري ولا احمر عتاريه وبنات المدينة ما تعلّـن iiزوايـاه
الجمس أحبّه حبّ غالٍ iiلغاليه حـبٍّ عظيـمٍ حـبّ نمـرٍ iiلوضحـاه
ومن حشمته لا جيت اسافر iiاماليه ولا خلّص المشوار جيت iiآترضّـاه
يا شيب عيني يوم آجي له والاقيه مثل الذي وسط الخلا شـاف iiلامـاه
خطرٍ ليا ناديته يقول: iiلبّيه ومـن دون سايـق يشتغـل مـن ورا iiذاه
هو ميّتٍ فيّه وانا ميّتٍ فيه ولو هـو حديـد أحـب شوفـه iiوطريـاه
لا قمت المّس فوق بديه iiواداريه بـلا شعـورٍ قمـت ادوّر iiشفايـاه
ليته هنوف لأجل اضمّه iiواحضويه غروٍ تضوع المسك صافي iiثناياه
حالف يمين اني لاابيعه ولا iiأهْفيه لوربّحونـي بألـف ألـفٍ iiمـدلاّه
يوم الجبان يبيع صاحبْه بجْنيه والله ما ابيعـه دامهـا أمّ الطلـي شـاه
حتى وأنا في المسجد الفرض iiاصلّيْه أدعي لجمسي يا عسى الخلد iiمثواه
وان كان عنّي راح ماني iiبناسيه كود البـدو حـب المقاطيـن تنسـاه
وتحرم علي نوره حرامٍ iiمقفّيه وتحرم علي البيض مـن كـل منحـاه
يا وين أبلقى لي حريص ٍ أوصّيه لا غبت عن جمسي يزوره iiويرعـاه
في ذمّتي بغالي الـروح iiلاافديـه ولأملّكـه عمـر المعنّـى ومخبـاه
ومن جلدي البالي لاوقّي iiسماريه ومن هو سعى للجمس ما خاب مسعاه
يا لايمي في الجمس غادي iiوسفّيه بلاك ما شفتـه ولا شفـت حليـاه
لي جمس مابه جمس مثله iiيباهيه ولا في جموس الشرق تلقى iiسجاياه
من شاف فوقيّه وطالع iiبحدريه والله ان يمـوت بساعتـه داه iiبـرداه
رمز الفخامه والاناقه مع iiالتيه الحسـن والابـداع والعقـل iiوالجـاه
ذي اس از انترناشيونال عند iiقانيه ما يكسح اللـي للمهمـات iiيقنـاه
مخروط والمخروط صعبٍ iiتحدّيه ويصعب على متن البسيطه iiمجاراه
ومكينته على أربعين iiوحواليه وعموده على العشريـن حنـا خرطنـاه
لاقـام بنزينـه تشختـر سِواقيـه الكلبليتـر أزمــع أمــره وودّاه
وعلى المكينه والبساتم iiيودّيه وحمـر التوانـك جمّهـا مـا iiذخرنـاه
يا دوب تحترّ البساتم وتوذيه طـشّ الرديتـر غترتـه وألحقـه iiمـاه
كن لون بنزينه بصفّايةٍ iiفيه أحمـر شفايـف عضّـه الزيـن iiبشْفـاه
وكن لون زيته يوم تكشف معاريه ذهب جواهرجي على الكف iiراعـاه
وقزوز بالشكمان رجليه iiوايديـه بمكينـة(ٍ بالخـام الاسـود) مغطّـاه
ونـوع الكرونـه رقـم 7 بطاريْـه ورقـم 3 احتياطـي iiحفظـنـاه
وتروسها حجم 4 يا iiمقدّيْـه مثـل القـلاده فـوق صـدر iiالخونـداه
مثل المسدّس يبرمه من iiيعبّيه أبو محالـه لا وطـا التـرس iiماطـاه
يفترّ سير المروحه من iiتواليه وسيـرٍ بـراس الدينمـو قـام iiيشعـاه
المروحه هفّـت وضفّـت سوافيـه ذعـذاع غربـيٍّ تقافـت عشأيـاه
وسرندلٍ حمر البساتم iiتلاليه وعمـود تيمـن غرهـدن فـي حجأيـاه
صمّـام بوجيّـه بنـارٍ iiيغذّيـه وتولّـدت شرارتـه وأكمـل اغـذاه
واليا لذع فيه البليتين iiناريـه كنّـه شـرَر لحّـام فـي بـابٍ iiاوزاه
ومفتول دفرنسه عن القاع حاميه عن صكّـة القيعـان يدفـع iiمنايـاه
الجمس كنّه متّهم جاء محاميه دفرنـس والقاضـي غـرازٍ iiبصحـراه
وكبر المطبّه مـا يغيّـر هقاويـه ومساعداتـه عـن يمينـه ويسـراه
والاذرعه عن ميلةٍ به iiتواسيه كنْها عضـود مْلاكـمٍ شـرب غرشـاه
وان شال حملٍ ما يكثّر iiشكاويه يا وش يهمّه والسسـت كلهـا iiافـداه
كن رفرفين حول حوضـه iiمداويـه شيهانتيـنٍ دوّمـنْ iiبالخضيـراه
وكن لون كبّوته ولمعة iiعراويه خدود (أصاله) بأحمر اللـون iiتطـلاه
وكنّه (كلوديا شيفرٍ) في iiتمْدريه تعرض لنا آخـر موديـلات الازيـاه
وكن زول بدْيه يوم يغريك صافيه (مارلين منرو) وسـط فلـمٍ iiلفتنـاه
وكن الكفر لا جيت بالوصف ابدّيه حبْ خالٍ ب (سندي كروفرد) iiشفناه
ولا له شبيهٍ في نعومة iiتمثنيـة الا (نعومـي كامبـل) لْمـن تمثنـاه
وكن نقشة جنوط الكفر في iiمحانيه سجّـاد شيرازيّـةٍ فـي iiمصـلاّه
وصقلة قزازه يوم أردّ النظر iiفيه من وجنة (كلودا الشمالـي) حلايـاه
ولون المرايه من يراعيه iiيلهيه من خلقته كن أطـرق العـود iiيجـلاه
ولو هي بها للعين فتنه iiوتمويه بها تشـوف اخريـم الابـره ومنشـاه
أصفى من اللولو بمحّار شاطيه مـعْ واحـدٍ فـي مبـرم السلـك iiدلاّه
وبغمزة (سميره بنت توفيق) iiأحلّيه لا أعطى الاشاره والمواتر iiتقفّـاه
كنْ مقدم الصدّام لا قمت iiاراعيه صدرٍ على (نجوى كرم) يوم iiتنخـاه
وصدّام خلفي ماش شيٍّ iiيحاكيه يمكن خذا من جسـم (ليلـى) iiمقفّـاه
مطربلٍ مثل الصوامـع iiعواليـه والا غبيـطٍ قـرّح الخيـل iiتتـلاه
والا وليفي واشقر القرن كاسيه مـن فـوق كرسـيٍّ تربّـع iiوواسـاه
والله فلا يلحـق موديلـه سفافيـه البهبهانـي مـن حفيـزه iiخطفنـاه
مفضّله عن نوع لكزس iiوكوبيه وحاشمْه عن من في حفيزه iiوجدنـاه
وله تندةٍ بيضـا تعلّـت iiمتاكيـه كنْهـا كنيسـة راهـبٍ يطلـب الله
وكن الجميحيّات من فوق iiأعاليه شمعٍ ببيت القدس ولّـع مـن iiأعـلاه
والا كما رجمٍ زمى في iiصحاريه على تليعة مرقبـه شبّـوا iiارطـاه
كن أيمن اصطبّه والايسر iiموازيـه عساكـرٍ كـلٍّ بيمنـاه iiمشكـاه
وعيون من قدّام توْضي iiمساريه كواكـبٍ يشبـح لهـا واحـدٍ iiتـاه
لا شعشعن والليل مِـرخٍ علابيـه مثـل الزمـرّد شرّعنّـه iiصبايـاه
والا مراية حاكمٍ عنـد iiعذْريـه قدّامهـا مصبـاح تعكـس iiشظايـاه
جمسٍ شهر بين الامم اسم iiراعيه تباشـروا فـي البيـت الابيـض خُبَـاراه
يـوم اكتمـل نموذجـه عنـد واليـه وتكامـل الهيكـل بكامـل مـزايـاه
وكـلٍّ هتـف للثانـي ok iiok ثـم صمّمـوا سبعيـن مليـون iiشــرواه
صنعة خباث الروس (جورج ,وخوزيه) وازرت عقول الشرق الاقصى iiتحدّاه
وان قال احد هو ليه شرقك iiمنحّيه الشرق الاوسـط كيـف حقّـه iiتناسـاه
بأقول ذولا ما عليهـم iiمشاريـه مثـل البهـم مكفـول رزقـه iiومرعـاه
هذا خلاصة علم مـن فكّـروا فيـه وتسعيـن عـامٍ ليـن زجّـوا مطايـاه
صنعة مريكاني مهو (ناه ناهيه) بيمـوت أبـو فلفـل مـا سّـوى iiسوايـاه
ولو فيه احدْ يقدر بصنعه iiيجاريه إن كان (كنق , وهنق) جابـوا لـه اشبـاه
من عذره الامريكي اللـي مسوّيـه متحكـمٍ فـي العالـم اقصـاه iiوادنـاه
جمسٍ يقـرّب مبعـدات iiالمناويـه دام الفتـى مـا حضّبـوا سـرّ iiدنيـاه
سحبـة غريـقٍ مـدّ للقـارب ايديـه سحبـة سويّتشـه راس مفتـاح iiأذّاه
واليا أشتغل كنّه يذكّرك يـا iiهيـه مسحـوب مشعـان الهتيمـي iiومَغْنـاه
وكنْ ريحته لا دسْت بنصه iiتحمْيه عطـرٍ فرنسـي مـن برافـان iiمجنـاه
وكـنْ حـسّ ماطـوره ورنّـة iiبواجيـه يِسْمِعْـك دلعونـه ولالا مـلالاه
وصوته إلى منّه مشـى يـا iiممشّيـه عـزفٍ كلاسيكـي بكـازا iiسمعنـاه
ونغمة صلنصيـره ليـا قمـت توحيـه تقسيـم عـودٍ والمـروّس iiتقفّـاه
وكنّه لمنّه قحّص أجراس iiتنبيه عن قصـف جّـوي سـور بغـداد iiمرمـاه
واليا احترك وانته على القار iiمْوطيه يدْخلك في الجو الرومانسـي iiبممشـاه
لا كنْ صياحه يوم بثنيـن iiتعطيـه عـذراً حشرهـا واحـدٍ شيـن iiعلبـاه
وان طبّ صبخا وانت عنها iiتِهَاديْه مـوال سعـدون ابـن جابـر iiأويـلاه
وان كان تعتع ألعن آبو iiمجانيه تقـل يحكـي عـن شعـر قيـسٍ iiبليـلاه
واليا دعس صاروخ وان خفّ iiيشديه شـيٍّ علـى الميـراج هفّـت زوايـاه
يظهر غميق الزيـت مـن جـوف iiواديـه اليـا نتلتـه والتوانـك iiمعبّـاه
وكنّ الحصا تحته ليا صاح iiجنّيْه صغـار البـرد لا شلّعـت مـن iiرفايـاه
والا هشيمٍ دقل سيلـه iiيدربيـه مـع فرعـة الـوادي لفـى بـه iiودربـاه
جمسٍ مشى مـن كـان قافيـه iiيعميـه غبـاره يضيّـع دليلـك iiويبـلاه
ولولا البريك وفرمله ما iiيخلّيـه مـع مسترقّيـن السمـع جـاه مـا iiجـاه
لا علّق البوري وصاحه يهدّيـه مـا فيـه موتـر مـا سجـد لـه iiولبّـاه
يهجل هجيل اللي عراض مقاريـه ساقـه شجيـعٍ فـي النحـر دزّ iiشلفـاه
واليا مشى مع راس طعسٍ iiيباريه مشية (ضحوكٍ) طبّـت السـوق iiتبغـاه
والا كمـا رقّاصـةٍ فـي iiكباريـه طبّـل لهـا الطبّـال عشـرٍ iiمجـزّاه
وفتـح لهـا مليارديـرٍ iiمخابيـه وقامـت تخشّـع عـن يمينـه ويسـراه
وان مال مع دربٍ طعوسٍ iiفيافيـه تقـل امبراطـورٍ علـى جـال مركـاه
ومن سرعه الرادار ما عـاد iiيمديـه يشوفـه ولا جنّـي سليمـان iiامـداه
وان كان مرْ جـاء فـي الـردارات iiتشويـه وهـم لله مـا شافـوه لله iiلله
هم ما دروا ان الجمس صعبه iiمراميه ويصعب على الرادار كشفـة iiخفايـاه
صحيح من لا يعْرف الصقر iiيشويه والجمـس صقـر وكـرّم الله iiملحّـاه
أرقام طبلونه خديعـه iiوتمويـه مـن شـآن مـا يِمنَـع ويخسـر iiوكـالاه
والا تـرى العـدّاد يـا جاهـلٍ فيـه ألفيـن كيلـو بالدقيـقـه iiحسبـنـاه
يـا لعنبـوا جـدّه وجَـدٍّ iiمثنّيـه الـيـا ركبـتـه والتـوانـك iiمعـبّـاه
متوجّـهٍ ماهـوب يحتـاج iiتوجيـه بينـي وبينـه كلمـة السّـر iiويـلاه
ويسوق عني ويوصل القلب iiأمانيه وكفّي ترى لَـيْ الدركسـون مـا iiجـاه
وكل المواتر له عبيـدٍ وهـو iiبيـه هـذا ولـد عنـزٍ وهـذا ولـد iiشـاه
مصنوع لاولاد البشـوات iiترفيـه وكـم واحـدٍ شـاف الملامـه iiتنصّـاه
جمس آتغزّل بـه ولا مـن مشاريـه كـلٍّ علـى ماحـب قلـب iiوهـاواه
ومن ذي وصوفه لو أقوصد iiوأغنّيه والله فلا ألحـق لـه نصيفـة iiمجـازاه
واعداد ما يذري من الشرق iiذاريه صلوا على من زعـزع الشـرك وانهـاه

 

 

كل غربال جديد وله شدّه

بدأت سيارات البيجو تغزو عالمنا
ثم الجمسات ثم الصوالين ثم سيارات الفورد
والآن اليوكن لمحبي السيارات الكبيرة

وبيني وبينك في ظروف مدينة جدة الحالية
وشوارعها الرثّة أفضل سيارة هي
الوانيت أوعلى قولة أبوعبدالله (العرو)

دا إقتراحي في الئضيه بقى

 

 

وهذه اخرى لاتقل روعة عن الأولى

قصيدة محمد بن الذيب

قصيدة الجمس

أنا لأوزع على الناس أبتساماتـي ... ياميتين المشاعر ويش يحييها
حقك علي ماتدسم لي شنباتــي ... وفعايل الناس ماتشبه مباديها
والفرصه مواتيه والطاري مواتي ... والشعر حاجه تعنيني وأعنيها
لكن ماهو يعبر عن معاناتـــي ... ألا تعبر عن الدنيا ضواحيهـا
من تجربة ربع قرن عاشها ذاتي ... ماكل فرق يهز القلب طاريهـا
ولا تحرش هجوسي في بنياتـي ... تطابقت روس عجميها وياميها
والا أمبراطورك الخافق ومشهاتي ... تطربخ في بركة الخفاق رجليها
يا أول محطة غرام من محطاتي ... ليالي جمعتني فيك يسقيهـا
أجيك وأنا كبيراتن طموحاتــي ... وأروح وأنا محبلها ومعطيها
وعليك قلبي ورا الأضلاع ماباتي ... ولا يقرب ديارك يوم أنويها
ياكود جمس ماتنافى المسافاتي ... ملكع بأول الدنيا وتاليها
منحره لأقبل مع خشمه الطويلاتي ... منحر ذلول تزود بكبد راعيها
ومرايته دون كبوته عريضاتـي ... كفوف أمام مع دعوها ويدعيها
ولهولي يبخ بلوفه بلوفاتــي ... يولع النار والا مايطفيها
مابينه وبين اهل نجد علاقاتي ... لاهيب تدانيه ولاهوب يدانيها
وصوته لاريح بنمره عقب زكاتي ... تنهيدة اللي صدوق العشق كاويها
تناحي بالمحبه بالتناهاتـــي ... ولا لقت المحبه من يناهيهـــــا
ورفارفه يوم يصفق بالمطباتي ... ردوف بنت من النعمه تدربيها
لا ناطحه هوا يبيته عاتــي ... خايف انه من الزود متقفيهـــا
ومساحتينه لاقامت تقبل وتاتـي ... أصبع عجوز كثيرات دعاويها
عليها الأحياء تدخل جو الأمواتي ... وعليها الأموات مدري وين أوديها
الجكور أكبر عياله والبنياتـي ... اللكزس والبورش والبي أم وافيها
أن قلت يا الجيب خاوه قال ما احاتي ... ماكل ديره يواليها اواليهــا
يشرب فناجيلي ويكسر بيالاتـي ... يمد رجله على دربي ويثنيها
أن قلت يا الفورد قال الفورد سكاتي ... بعض الطواريق ماودك تناحيها
الجمس أبداع من كل أتجاهاتـي ... كنه قصيدتك ذيك اللي على أيها
مصدر من الفجيرة بأسم كرواتـي ... يدرس علوم الطبيعه في نواحيها
وشراه واحد سعودي من أماراتي ... وباعه على حضرمي رايحن فيها
والحضرمي كل ماخزن من القاتي ... الحاجه اللي على باله يسويهـــا
لابغى يرهب كبار الحكوماتــي ... رجله على قطعة الفرجه مضريها
والا خواطر خفوقي وآخر أبياتـي ... قصايدي كل أبيها قد سمعتيها
والله أني عشقت رضاك بالذاتــي ... مابه مساحه بقلبي ما مشيتيها
يانيلي العذب يا دجلاي يافراتــي ...ياديرة الحب شارعها وكبريها
يا أبلغ قصيده عليها من حركاتـي ... تلتفت بالدهشه لعيني قاريها
والى انتثر دمع عينك سوي سواتي ... قولي بكمك كذيه ثم مشيها
الحزن يوم المفارق عاملا ذاتـــي ... فطرة فالأنسان مايقدر يخليها

 

 

وهذه ايضا عن الجمس للشاعر
بن ضيدان

راكب اللي ما تجيبه وكالة بالبيد
ولا يجيبه بهبهاني ولا وضيحي قطر

ادهم وسم الجميح على جنبه جديد
مهبل اللي يوم عرض يحسبنه شفر

جمس شكمانين ملقبينه بالوليد
من سرابه ما يغبط القصيبي والجبر

كاتبين في ضمانه حديده ما يبيد
تمرة قاري عليها حفيد ابو بكر

كن وجهه لا نطحته تشعشع صبح عيد
وان قفيته كنه السيل لا سال وحدر

وان عرضلك في مزاياه من عنق الفريد
وان ركبته تحسبنك على سطح القمر

دقته نغمة عبادي على سلم فريد
لا عزف الاول وجاوب على عاشر وتر

لا شتغل قالت شكامينه اركد ياحديد
والقزوز تقول للقاع روح يا فقر

كن في الشكمان الايمن صدى عبد المجيد
وكن في الشكمان الايسر صدى نايف صقر

والبلوف تقول للكهربه هل من مزيد
والسيور تقول للمروحه اين المفر

تحت كبوته من الفن طيران وعبيد
ما يغنون المسافه ولا طال السفر

كل اغانيهم على الدرب واصل ياعنيد
لين تلفي قصر شيخ على العليا شهر

سايقه من صلب ربعي وله باس شديد
ما يخاف البعد والليل والموت الحمر

من صناديد ال عرجاء هل العلم الوكيد
لابة من جن تمشي على هيئة بشر