أنا والغربة ومكتابي .. عايش جوّال ..

.

*****

من الادب المغربي قصيدة بعنوان: انا والغربة

انا والغربة

أنا والغربة ومكتابي
عايش جوّال…
لا تقهرني بحور الشوق..
ولا توقف فـي طريقي جبال
رمال الصحرا عارفاني..
وأرض الله…
وصوت الحبّ ناداني..
وتهت وراه..
نتخطى الشوك ونوصلّو
لو كان محال..
جوال أنا والغربة ومكتابي
عايش جوال

الليل وخّا يطفي نجومو
ما يخوّفني..
وِلى تحدّاني بهمومو
ما يرجعني..
الخطوة ثابته وطريقي حتما نمشيه
ما دام حبيبي ناداني…
وْلاغاني..
المسافة لازم تهون
ونوصلّيه..
ولمّا الغربة ترميني فـي الدوّامة
ودروبي تولّي مظلامه
موّالي يصبح رفيقي
قنديل كينوّر طريقي
ويتمنّى لي السلامة

احياني على الغربة

نبقى ماشي ليل مع نهار
مع التيّار
نتعذّب .. وخّا نتعذّب
ونتغرّب .. وخا نتغرب
حتّى يوصل ميعاد الحبّ
ونتلقّاه..
وترتاح الآه..
عايش جوال
كنت ومزال عايش جوال
والصبر ولفني وولفتو
ولينا صحاب
وبعد العشرة فتح ليا باب
وقالي هناك كاين الحباب
ذوبت الحزن اللي كواني
دويت الجراح اللي فيا
دويت وعييت ما نداوي
زرعت الورد في وجداني
رجعت البسمة الصبية
وقلت لعيوني ياعيوني
نهارك بان


*****

 

 

لكل فن شعبي محبيه ومريديه

كنت دوماً اعجب بالأغاني المغربية وأجد الجزائرية
أوضح واسهل فهماً من اللهجة المغربية
التي هي صعبة بالزّااااااف

والتونسية صعبة برشا

والليبية قريبة من لهجتنا هلبا

سلمت استاذ عبدالرحيم على جمال اختياراتك

 

 

من الشعر الشعبي المغربي ويا عيني على النعناع المغربي والشاهي المغربي
بْالوَرْد نْسْتَقْبَل و نْرَحَبْ بالرواد
اللمة دايمَه و تْدُوم فْ مَجمع لخوان,
لْكْلَام يْسْدِي لْحْرُوف بْرِيشَة وْ مْدَاد
المَعْنَى تْجَاوْب خَتْهَا يْتَاوِيهُم اللسَان,
وْ النَاعْم بْغْلَاوته بَارْز وَسْط لْعْبَاد
لقيَاسْ مْوَاتي القامة مَعْبُور ميزان,
العين تشُوف گامَه فْ قَاع لبحر و لواد
وشحال زينه ذيك لـگلسة وسط الجنان,
الورد و الياسمين و بو قنينه منه أحواض
و نزاهتنا تدوم عام ما بقصار فيها زمان
أتمنى أن تروق لكم مع إعجابي بتنقلاتك بين رفوف الثقافة تحياتي 00