حبك نسيته

وش فايدة قولتك ليته وليته
كلّ الغلا قلنا عليه السلامي

من دفتري لاشفت اسمك محيته
ماعاد لك طاري بصفحة غرامي

العام لو إنِّكْ عطيت وخذيته
ماكانت نهاية غلانا خصامي

عن هجرك وفرقاك قلبي نهيته
لاشك ماطاع المولَّع كلامي

من عقب ذاك الحب حبّك نسيته
ناظر عيوني كلّ ليل ٍ تنامي

قصر الغرام اللِّي لحبك بنيته
في المفترق راحت ركونه هدامي

وحكم القدر لك بالمفارق رضيته
آرَدْ على فرقاك ورْد الظوامي

ماجت لك الدنيا على ما بغيته
والبعد عنك اليوم غاية مرامي

 

 

رائع يارائع