ازمة حمير؟

يقول صاحبي فيك من ياخذ بالنصيحه قلت هسلم قال المح لك من ذلحين حماره واشتر لك كم قربه قلت ليش خير قال عشان تاخذ ماء من الشيب قلت هوه لايكون شي ازمه قال اجل كم لك ماخذت ماء قلت لي شهر قال هافلح المح ذلحين كيف الزحمه والصيفيه ماجت اسمع كلامي وخذ اللي قلت لك قبل الصيفيه ثم تغلى الحمير وتصير ازمة حمير وقرب قلت يالطيف من ذلحين قال دوخونا وزارة المياه حفروا ومددوا ووصلوا العدادات للبيوت لهم سنتين وانسدت المواصير ماجو بالماء وسوو خزانات في كل مكان لك الله يامسلم يالخزان اللي سوو في بني ظبيان له 3سنوات ماهبوا فيه قطره لا وبعد ذلحين ذيب يمدون مواصير يقلون من الطايف يبغون يجيبون لنا ماء من الطايف قلت هم ان المظيليف اقرب هوه ماجو بالماء منها قال ياعمي قد صرفوا عالعدادات والخزانات والمواصير حقت الطايف ميات الملايين لو كان جابوا لنا ماء من المظيليف وسوو لنا تحليه كما الناس كان مانقص من الدوله شي المح انحن فالباحه قدامنا الطايف وورانا ابها وكلهم معهم تحليه الا انحن على وجوه المستحين لاجت الصيفيه صرنا نبات ونصبح عند الشيب قلت اقلك شي انحن فالباحه كما اللي يزوج بنته مايسأل عنها لين تجي تصيح وانحن جماعتنا مابعد صاحوا صار عندنا هزات وماذكرونا حتى فالنشره الجويه ودفنا الغبار ولاحد علق الدراسه عندنا وذبحنا الجفاف ويقلون المنطقه ماتحتاج تحليه لكن تدري ان كان تعرف حد عنده حمير خله يحجز لي ثنتين قال ليش تنتين قلت وحده نجيب فوقها ماء ووحده نبيعها لاجت الازمه خلنا نستفيد قال اجل من بكره شغل ونيتك وخلنا نروح نلقط الحمير من الحبقه ونبسط بها في سوق الغنم ونمر عالعمده اللي فالباحه ونشتري كل القرب من عنده قبل ماحد يعرف ويسبقنا قلت ضنك حماية المستهلك ماترفع علينا قضية احتكار انا صح والا غلط؟

منقول من مقالات ( الكاتب الساخر السيد غلط) موقع ومنتديات العقشان

 

 

ما اروع سردك 0 والحمير المطلوبه ولا زمانها ولا بقي الا حمير ناطقه 0 وحمير مستمعه وحمير تردد ما تسمع 0 كانت مشكلة الماء للباحة قريبة الحل ومن المضيلف 0 لكن كانت مشكلة التعويضات اكبر من تكاليف انشاء المحطة لان الناس اشتروا الاراضي اللي الخط بيمر منها ولا طلنا بلح الشام ولا عنب اليمن 0 وارفعوا ايديكم واطلبوا الله وانحن نقول آمين 0 خلنا من الحمير لا تفتح باب مغلق تحياتي 00

 

 

يا من داخل القلب ولست من خارج الحدود ويا سيد صح ولست والله غلط :
وضعتما ايدكما على الجرح ، ومنطقة الباحة من المناطق السياحية الجميلة جدا وجوها الصيفي العليل لا يخفى على احد لكن واه من لكن لكنها منطقة منسية او شبه منسية ولم تنل نصيبها الذي تستحقه من اهتمام المسؤولين ، ولا ادري هل الخلل من اهلها ام من مسؤوليها ، لاننا متعودين ان كل شيء ما يجي الا بطلب بل الحاح في الطلبات وتضحيات ، وخير مثال خط الجنوب سيء الذكر لم ينفذ مشروع ازدواجه الا بعد حصد عدد كبير من الابرياء ذكروا واناثا صغارا وكبارا وغالبهم في ريعان الشباب ونفذ اسوأ تنفيذ ولم يتم تلافي سلبياته .
وشح المياه في المنطقة بعد سنوات الجفاف اصبح ماثل للعيان ، وتركيب شبكة مياه دون مياه ليس حلا بل هو مسكن وضحك على الدقون .
السؤال الذي يطرح نفسه هو : اين المسؤولين من هذه الازمة ؟
حسبنا الله ونعم الوكيل .
شكرا يا سيد صح وشكرا يا من سويداء القلب وتقبلا خالص تحياتي وتقديري .