دعوه لابوسامي

الى الاخ ابوسامي اين انت عن المحاورات في منتديات العقشان انت مدعو للرد


الودطبعي ذا هرب مالنا به
يوم احتمت بقعى كشفنا غيابه
لامن كويته صاح بالصوت يابه
الصبر زين وكل مطرود ملحوق

وصريح وينه ماكتب له قصيده
خايف من الحيات لاتلقص ايده
الله يعلم نيته والقصيده
الصبرزين وكل مطرود ملحوق

وعثمان قاعد في فراشه لحاله
يراجع الدكتور بعد الاحاله
يالله يامعبود تلطف بحاله
الصبر زين وكل مطرود ملحوق

والقلب نابض ماهنا قلب نابض
في غرفته ذا داخل الحوش رابض
كني بجنبه يوم عااللي قابض
الصبر زين وكل مطرود ملحوق

ماباقي الا ذا المطوع هنيه
بسقيه بالطاروق شربه هنيه
والا اختبى مالحرب كنه هنيه
الصبر زين وكل مطرود ملحوق

 

 

هلا وغلا أنا جايكم هناك بس عندي شوية اشغال الله لايشغلنا إلا في طاعته

اسمع

ابشر وحاضر جيت من خارج احدود
جنبيتي بيدي وشي سيف محدود
على طريق المتلفة مأنت محدود
الصبر زين وكل مطرود ملحوق

 

 

يامرحبا ياللي دعيناه واقبل
مااقبل عليك المخطيه ياخ مقبل
خلك محايد واسمع الشور واقبل
الصبر زين وكل مطرود ملحوق

 

 

رد ابوعثمان من منتديات العقشان على محاورة ابوسامي

اشوف ربعي من العقشان تبغي تباري
وضيفنا اقبل معه مشعاب شبه انتحاري
واما المطوع سرى به ليل ماكل بخاري
الصبر زين وكل مطرود ملحوق

 

 

وهذا رد آخر يابوسامي

انا شربت الشاي مر(ن) وحالي
لاتحسبني خفت مانا لحالي
الله ذا يعلم بحالك وحالي
الصبر زين وكل مطرود ملحوق