كل دقة قلب فيني لك قصيده "دايم السيف"

للإمير خالد الفيصل



ليه اذا حبيتك أكثر زدت قسوة
وان دريت بحاجتي لك.. زدت جفوه

وان عطيتك من حياتي ما تريده
ما كفاك وتحسب ان الحب نزوه

والله اني يا أحب الناس.. احبك
والله ان الروح لو ترضيك.. فدوة

والله اني تارك غيرك.. وجيتك
مزعل الزعلان والعذال عنوه

كل دقة قلب فيني لك قصيده
تكفي الدنيا مع الاحباب غنوه

وكل هاجس ما يجيب الا خيالك
سلوتي بالعمر.. في صحوه وغفوه

اجمع احساسي واشواقي واجيلك
والبس ثياب الهوى والعشق كسوه

وانتقي من سواليفي حسنها
والقصايد من غزلها كل حروه

وانثر العبرات والضحكات عندك
واقول اني احق الناس فضوه

ادري اني عادي ما فيه ميزه
وادري اني كادح ما حاش كروه

وادري اني في خريف العمر ماضي
ما بقى بيني وبين القبر خطوة

لكن اني صادق في ما اقوله
واطلب من الله عن الزلات عفوه

 

 

كل قصيده احلى من الثانيه
كما هي عادات خالد الفيصل
انت رائع يا ماجد

 

 

المشاركة الأصلية كتبت بواسطة الوهج

كل قصيده احلى من الثانيه
كما هي عادات خالد الفيصل
انت رائع يا ماجد

الله يجعل ايامك سعاده
مرورك الاروع

 

 

ماجد الشهري أنت رائع

ودايم السيف مبدع

اختيارات مبدعة وراقية

سلمت وسلمت لنا ذائقتك الجميلة

 

 

المشاركة الأصلية كتبت بواسطة سعيد الفقعسي

ماجد الشهري أنت رائع

ودايم السيف مبدع

اختيارات مبدعة وراقية

سلمت وسلمت لنا ذائقتك الجميلة

الله يجعل ايامك سعاده
مرورك الاروع