قطر وحلم المونديال .... يوتيوب .........

.

*****

حلم السندباد

الحلم فاق احلامنا/ في شرقنا الاوسط وزاد = الله اكبر ياقطر / الله اكبر ياقطر
ياديرة كاانت /ولازالت تبرهن للعباد = ان التحدي من (عزوم رجال|) ماهو من بـطر
هذي امتدادت الحضاره/ من ارم ذات العماد = فيها تأطر للوفا والمرجله / كل الأطر
تاريخها صبراً على الدنيا /وعزمً واجتهاد = الله كم وجه احترق / الله كم قلب انفطر
واليوم شفنا عيدها يوم ان رب البيت اراد = ترسم حضارتها / ووتتفيا سحابه من عطر
من طيبها لعروقها في منهل الطيب امتداد = ومن وجوه رجالها / لاحت تباشير المطر
المونديال العالمي / ماهو مجرد اعتماد = المونديال العالمي/ من القصيد اجزل شطر
ابن خليفه قايد الدوله طموحه بازدياد = غيث السحاب المنهمر / زيزوم في وقت الخطر
هيبة اميرً مقتدر /قامت على نهضة بلاد = بين السطور المبهره /صارت قطر اجمل سطر
هذي قطر بنت البحر / اخت العطر/ ياسندباد = هذي قطر ياسندباد /احلامنا هذي قطر

الأخ الكريم سليمان الشدوي

صح لسانك ، وسلم بنانك ، وعلا شأنك
قصيدة رائعة وقطر تستاهل

لك خالص تحياتي وتقديري

*****