نداء لحسن الدوسي

.

*****

حسب رأي الحبيب الغالي الشاعر حسن الدوسي سنقدم في هذه المشاركة المجموعة الأولى من القصائد التي قيلت بدع ورد لنفس الشاعر

( 1 )

الـــــــبدع / من وسام الساحات =
_ =
سلام لك ياحسن حنّا نحبك ونغليك =
أحرمت ساحاتنا شِعرك وذا ما يصّحْه =
مدري افتح الباب واناقشك ولاّ نسكِّر =
عوّد علينا لك التقدير واعلام هيله =
_ =
الــرد / من وسام الساحات =
_ =
ياشاهي الكيف يتوجب على الجمر نغليك =
خصوص لا صار مايك عذب من ماي صحه =
وقهوجيك عرف مقياس شاهي وسكّر =
يجحا له الجمر كي يتخدّْر على مهيله =

( 2 )

البدع / حسن الدوسي : =
_ =
يا مرحبا عِند غامِد مقتنين البلاجيك =
للحرب ماهو لمِعراضٌ وزامل ودحّه =
عدوّ غامِد صويب وطاح في منتع الذّر =
يواجه الموت فالملاقا وكُفِّن بخيله=
_ =
الرد / حسن الدوسي :=
_ =
بااجيك يا صاحبي فالخير وإلاّ البلاء آجيك =
والدّرب الاعسر بااعدِّل مِن مساره وادُحَّه =
عهدٌ عليّه لاجاوب دعوتك ما آتعذّر =
ما همّني ناقِص الهِمّه وكفٌّ بخيله =

( 3 )

البدع / سليمان الشدوي =
_ =
المعتمر يوم جاء واكمل جميع المناسيك =
اكمل طوافه وسعيّه ثم سبح بسبحه =
يطلب من الخالق الواحد يجيره من الشر =
ويحسن ختامه على حسن العمل والجميله=
_ =
الرد / سليمان الشدوي =
_ =
يازين يازين لو شيّبت ماني بناسيك =
حبك بحر واشغل ايامي بشرعه وسبحه =
ارسلت لك بالرسايل والكلام المنشر =
وصورت كل القصايد في معاني جميله =

( 4 )

البدع / وسام الساحات =
_ =
ما عد نبي اكل المطاعم غير طازج ولا بيك =
لحوم مستورده ودجاجٌ مكفن ابعه =
أكلك من البيت ياخي نعمةٌ ما تُقدّْر =
لو الزباين تعي تبقى المطاعم خلي له=
_ =
الرد / وسام الساحات =
_ =
وشبك تغيّرت عنّا لا تبيني ولا ابيك =
والحب من قلبك الرويان قد جفّ نبعه =
ما هو بكيفك ولا بهواك هذا مقدّْر =
السحر خلاّ الخليل اليوم يشنى خليله=

( 5 )

البدع / حسن الدوسي =
_ =
حسن يقول : الصّداقه ما بتُصلُح معاكِيك =
وإنّ المحبّه لها في داخِل القلب طبعه =
اللي بدى بالعلوم ولجل بدوي تحضّر =
انا عزمت آ تقدّم لا محلّه واجي له =
_ =
الرد / حسن الدوسي =
_ =
معي ولد ما يذوق إلاّ ( ميرندا ) معا كيك !! =
بعد العصيده نوى التّغيير ولقلب طبعه =
صحيح لا قالوا العُربان : بدوي تحضّر =
وانا ربيته وداري فين نِدّه وجيله=

( 6 )

البدع / أبو ناهل =
_ =
مادام عندي شبح سوبر وقيره تماتيك =
ومقاعده جلد ومجنط وف السقف فتحه =
تحمد الله ياقلبي ولاأبغي تبختر =
وادر أنها في النهايه ماهي إلا وسيله =
_ =
الرد / أبو ناهل =
_ =
هجرتني ياوليف الروح وحلفت ماآتيك =
وباب ياجي لنا بالهم ماأود فتحه =
إن حدني صدكم عني وخيرت ب أختر =
البعد عن وابل الفتنه ونبعه وسيله =

( 7 )

البدع / عبدالله رمزي =
_ =
يقول عبدالله يا زعلان وش فيك وش فيك =
اسمع كلام الذي يرشدك واقبل لنصحه =
سمحان لو ينكسر ما ظن عظمه يجبّر =
ومن عرف سكّته ما ياخذ أعمى دليله =
_ =
الرد / عبدالله رمزي =
_ =
اللي جهل علتك يا شيخنا كيف يشفيك =
إن كنت عطشان ودّي أسقيك من عذب نصحه =
واللي بعد ماروي ياشيخ من ماي جبّر =
يظّل عطشان جال البير ما يدّلي له =

وللجميع تحياتي

*****