سواليف بنات راجعين من عرس...ههههههههههه

اخوهم : اركبوا السياره وكل وحده تنتبه لا تصك باب السياره على عبايتها

وبمجرد ما انقفل باب السياره 00بدأ الأستديو التحليلي 00اسمعوا ما قاله وما يقوله النساء بعد كل زواج0

الأولى : ايش فيك تأخرتي؟

الثانيه : ساعه قاعده ادور على عباتي 00انتي ما شفتي الحريم يتضاربون عند العبايات 00العبايات تلخبطت

الثالثه : يا ليتنا ما رحنا زواجهم

اخوهم : ليش؟

الأولى : زحمه والبزران يتضاربون بقشر البرتقال ويلعبون بالمويه

الثانيه : ايش رايكم في الفستان اللي لابسته هدى؟

الأولى : مو حلو 00

الثانيه: انا اعجبني مكياج هند تقول ان زوجة خالها جابته لها هدية من باريس

الثالثه : هههههه من باريس 00تضحك عليك يا هبلا 00تلقينه من محلات ابو عشره

وقفه

***************

الغريب والعجيب انهم واثناء حديثهم في السياره يقولون لبعضهم 00خلاص يا بنات

بس 000ترى ما يجوز نتكلم على الناس0

تكمله

الثانيه : صح والله كلامك يا اختي 000ما يجوزنتكلم عليهم 00بس شفتي الحرمه اللي كانت قاعده جنبي على العشاء وتقطع لي لحم؟

الأولى : ايوه شفتها 00هههههههه متوصيه فيك 00شكلها بتخطبك لولدها

الثانيه : وجع في شكلها هي وولدها 00قاعده تقطع لي من اللحم الكبار اللي ما ينوكل

وهي طايحه في اللحم الزين0

العشاء

اخوهم: ايش رايكم في العشاء

الثالثه : دسم وكله شحم

الأولى : بارد

الثانيه :اللحم كبار

الثانيه : وفيه حريم ما تعشوا 00قاعدين على الكراسي اللي في الكوشه 00شايفين نفسهم

الأولى : حتى ام العروسه 00ما تعشت مسكينه 00طول الوقت قاعده تبكي

الثالثه : هههههههههه تبكي من الفرحه يا هبلا 00ما شفتي شنطتها منتفخه من الفلوس

بس 00خلاص 00ما يجوز 00

صح والله 000ما يجوز 000بس شفتي 000وشفتي 00وشفتي

واخيرا وصلنا المنزل

اخوهم:

شوفو لي حبتين بنادول اكسترا .......

هههههههههه