تكفى يا بو متعب زعيم الأمة

يــا الله يــا ربــي عظـيـم الـشـانـي
يــا رافــع ٍ سـبــع ٍ بـــلا عـمـدانـي
انــك تجملـنـي مــع اهــل الشـيـمـة
بالفـعـل والحكـمـة وقــول لـسـانـي
وانـــك تـعــز الــديــن وتـخـارجـنـا
مــن كــل فتـنـة خلـفـهـا شيـطـانـي
ومــن شـلـة الأرهـــاب والحـوثـيـة
والـرافــضــة عــبُـــادة الأوثــانـــي
الـديـن واضــح مــا يبيـلـه كـاهــن
ولا حــديـــث مـعــمــم وعـلـمـانــي
الله بــيُــن كـــــل شـــــي بـكـتـابــه
وسـنـة رسـولـه تـشـرح الـقـرآنـي
وحنـا علـى السنـة نـمـوت ونحـيـا
ونــرد الـوغـى والباسـنـا لكـفـانـي
لو تنشد اصغر طفل يدرس روضة
عـن منيـتـه مــن خـالـق الأكـوانـي
يـقـول امــوت شـهـيـد دون الـمـلـة
ويـعــز ربـــي دولـتــي واوطــانــي
الــحــمـــد لله عـــزنــــا بـكــتــابــه
ولا فــي بلـدنـا تـرفــع الصلـبـانـي
وحكامـنـا روس الـعـرب والـسـادة
وربــي عطـاهـم هيـبـة وسلطـانـي
فــي ظلـهـم لـسـلام عـالــي شـانــه
بامـر الولـي مــا يلحـقـه نقصـانـي
والفـرس وامريـكـا مـعـى روسـيـة
لا جــا اسمـنـا يصيـبـهـا خـذلانــي
تكفـى يـا بـو متعـب زعـيـم الأمــة
يـا مزبـن ملـوك الـعـرب والجـانـي
نـبـغـى قـــرارات ٍ تـجــي فــوريــة
مـن قـبـل مــا يصـيـر عـلـم ٍ ثـانـي
حنـا صبرنـا لـيـن صـرنـا ضحـكـة
وبترولـنـا مـــا يـاصــل الجيـعـانـي
تـجـارنـا حـــرب ٍ عـلـيـنـا مـعـلــن
ورواتـــب ٍ مـــا تـقـضـي الـديـانـي
لاتسـتـمـع رأي الـوزيــر الـفـاســد
مــــا هــمــه إلا راتــبــه خـيـبـانـي
والمجلـس الـشـورى عليـنـا نكـبـة
يبـغـى الـمـواطـن دائـمــاً فـقـرانـي
مــا يـنـشـد إلا راتـبــه والمـنـصـب
ولا لـمـانـة كـــان يـــا مـــا كـانــي
وباب الرجـا دون الوظائـف مغلـق
وعيـالـنـا مـــن فـقـرهـم سـرقـانـي
وحـنــا نـنـاضـل بـيــن ذي وذيــــة
مستقبـل ٍ غامـض وحـاضـر بـانـي
لـيـه المـواطـن ينـحـرم مــن حـقـه
كــان الأراضــي حـكـر للبـطـرانـي
واجب علـى الدولـة وشـي الزامـي
تعطـيـه لــرض وتـدعــم البنـيـانـي
حـــــق عــلـــي ابــيـــن الـحـقـيـقـة
لانـي صـريـح وهرجـتـي برهـانـي
مـانـي مـداهـن خـايـف ٍ مــن ظـلـه
واكـذب وانافـق لاجـل عيـن فلانـي
ياللي ما تعرف منهجـي واسلوبـي
لا تـعـتـرض دربـــي ولا تـنـهـانـي
خلـك فـي دربـك ليـن ترثـع رجلـك
وتـرجـع بــلا غـتـرة ولا حـذيـانـي
شـهــادتــك مـبـيـوعــة ٍ مـشــريــة
وحطيت نفسك في البحـر غرقانـي
هـاذي سـوات الـلـي يسـانـد عـمـه
يبـغـى يعـيـن وصــار مــا ينعـانـي
تـمـت وصـلــى الله عـلــى سـيـدنـا
وعــداد مــا يـصـرم مــن الحبـانـي
ابن شليه