ديون سعد بن جري الشهري - شاعر نظم وعرضه وقلطه

في منتدى بني شهر وغيره من المنتديات مجموعة من القصائد للشاعر سعد بن فايز بن جري آل محيا الشهري من بادية بني شهر وهو شاعر نظم وعرضه وقلطه ويسرني تقديم عدد من قصائده في هذا المنتدى

يارب مقفـي الأزمنـة والمقابيـل=وكل ٍ خلقت ولـوح الأرزق تـوّه
يا خالق جيـل ويـا مفنـي جيـل=يا محتمي بيتـه ومهلـك عـدوّه
يا منزل بالحـق لـلأرض جبريـل=وحي على الصادق الأمين بهـدوّه
يالله تجنبنـا هـل القـال والقيـل=مبـدلـة ود الـمـلا بالشـنـوّه
قطاعـة الساقـة كبـار التهاويـل=اهل يا طيـب فـلان لـولا ولـوّه
بعدٍ عن الجهال عدلٍ عـن الميـل=والصمت حكمة واللغو بـه غبـوّه
من الغباء مجاراة هـزل الأقاويـل=خبلٍ بمـا يطـري عليـه يتفـوّه
أبعد وأشوم لرفقة أهـل التنافيـل=اللـي لصحبتهـم مـذاق وطـروّه
منحريـن البـل وذباحـة الحيـل=سعد الخطاطير الخمـاص اللفـوّه
أهل تراحيـب وتهالـي وتسهيـل=ولكل ضايق بـال بسـط وسلـوّه
ومقنديـنٍ غالـي البـن والهيـل=من غالي الأسواق مشـرى نقـوّه
خولاني يشـرى لغالـي المعاميـل=من شان لاجا الضيف يلقـاه تـوّه
بـدلال رسـلانٍ ملـي نواحـيـل=يشـدن لخفـراتٍ حلاهـن يتـوّه
كواعـبٍ ومخـصـراتٍ مثاقـيـل=في عشقهن كل أبلـج لـه نحـوّه
حلوات ريق راق عـذب سلسبيـل=عذب تسلسل مـن شفـاه شفـوّه
ترياق باس عماس رأسٍ له صهيل=من شـدة الخرمـة لجـوج يـدوّه
مثل الخضاب إليا إنسكب بالفناجيل=بكفـوف غيـد مترفـات الربـوّه
مع ماعطن الباسقـات المحاميـل=مـن حالـيٍ مثـل الثريـا قنـوّه
ولا مباكيـرٍ غضـاضٍ منـاويـل=مدلـلات عنـد راعـي رعــوّه
يسوقـه قـروم سلايـل رجاجيـل=معربـيـن أنسابـهـم والعـنـوّه
والعود الأزرق مثل سحبٍ مظاليـل=طيب يكود الـلاش مبلـغ شـروّه
يشريه راعي الجود للجود تكميـل=حرٍ لكسب المرجلـة شـب ضـوّه
في مجلسٍ لأهل الأدب بـه تعاليـل=أهل الشكالـة والشيـم والمـروّه
أهل التقا الأبـرار قوامـة الليـل=السالكيـن دروب هـدي النـبـوّه
مكثريـن السبحـنـه والتهالـيـل=وكلٍ عبى التقوى لنفسـه عبـوّه
غضوا البصر عن أمهات الخلاخيل=بنـات حـواء الفاتنـات الغنـوّه
وإستغنوا بما حلل الشـرع تحليـل=وقايـة عـن المحـرم وســوّه
غاياتهـم ماهـي قريبـة مداهيـل=وأهدافهـم ماهـي دنيـا دنــوّه
تواقـة للحـور فـوزٍ وتحصيـل=بأوصافهن سمعـوا المنـوه ينـوّه
وتقصوا الأخبار عنهـن بتفصيـل=وعن كل ما يلـزم لنيـل المنـوّه
وليا الأمر يحتاج صملـة مشاكيـل=شجعان غير الله ما يخشون قـوّه
لمواجهة ألـد الأعـداء المغاليـل=النفـس والشيطـان وأبـو لغـوّه
متلغوي نفاق وغوايـة وتضليـل=ويفسد بها بين الخـوان الأخـوّه
يا كل ذا لـبٍ وشجـاع وحلحيـل=ولا كل برقٍ تشفـق لطـش نـوّه
أعـد للأعـداء رهـافٍ مصاقيـل=لو كنت عود تعـود فيـك الفتـوّه
إن كان صار الصبر والعزم لك خيل=وسلاحك إيمانٍ وهبـت السطـوّه
من لا يكيل إعداه ويزيد في الكيـل=تسموا العدا فوقه ويسقـط سمـوّه
وتمد له الأعداء خيـوط المحابيـل=إن هلك ولا عـاش حـي مشـوّه
ومن لا أدرك المظهار قبل المداخيل=تضيق به الآفاق لو بـه ضـروّه
ومن لا عرف نقض الحبال المفاتيل=عليـه يابـو حبـل لفـه ولــوّه
لاصار مابـه لا نعـاره ولا حيـل=ماجاز لك بأمـره تسويـه سـوّه
هين الإرادة فاتر عـزوم وحليـل=ماله جدى لا إنظـام كـود يتـأوه
ومن لا نهل من صافيات المناهيـل=حكمة وعلم ومعرفة ويـش هـوّه
يعيـش تبـعٍ والعـوارف دواليـل=هشاش ماش مشاش مابه جـروّه
ومن حل بطن السايله شاله السيل=وان كان مـا خيّـل خيـال بجـوّه
سماه لو مابـه غيـوم وهماليـل=سيل أسفل الوادي يجي من علوّه
من عاش بالغفلة يجـر المواويـل=ولا شاف من دنياه ميـل وقسـوّه
لا بـد مـن يـومٍ بليـا مراسيـل=اللآهي يفاجـا وهـو فـي لهـوّه
مازرعٍ إلا له حصـاد ومحاصيـل=وكلٍ ومحصوله على السوق جـوّه
وهناك تثميـن السلـع والمكاييـل=ووزن بقسطاس وعـدل ورضـوّه