مواقف

موقف
كان لي مجموعه من الزملاء في العمل ناوين على طلعة عشاء من ورى ظهري
والغريب إن طلعاتنا دائماً مع بعض عدا هذي المره تم الإتفاق بدون ما يعذرون عليه
المهم نسقوا مع بعض على الموعد والمكان وواحد عذروا عليه من برى العمل بس كان
ماشي هيله (يعني تعبان)
وعند الساعه الثامنه ليلاً جاني رساله على الجوال من أحد المنسقين منهم
ذكر لي فيها
إذا ظروفك تسمح الله يحييك على العشاء اليوم وترى كنا متفقين على المرجان وغيرنا إلى القلزم
الله يحييك تراحيب المطر وموعدنا الساعة عشره تماماً
المهم تقندلت ورحت لهم ويوم دخلت على جلستهم أنصدموا وفي داخلهم يبغون يسألوني وش جابك يالجني
تعشينا وإللي علينا بالخير وانا على نياتي أفكر أن الدعوة لي شخصياً
المنسق سألني بكل جرأه قالي وش جابك
قلت كيف وش جابني هذي رسالتك هي اللي جابتني
الكل ضحك مني وقالوا صرفناك يالهيل عشان فلان مابينك وبينه هيله وعشان لا نحرجكم من بعض ما زهمناك
والمنسق الفاغر أرسل الرساله لك بالخطأ ولا لاحظ إلى وقت ما وريته رسالته
قلت الله يعطيكم العافيه ويكثر خيركم وهذا رزقي وقطتي والله ما يدفها غير منسقكم الفاغر

العذر والسموحه على الإطاله
وتقبل تحياتي
..