عتاب محب

المشاركة الأصلية كتبت بواسطة عبدالله رمزي

أنا ما ادري لمن العتاب وعلى من الزعل ولكن طالما أن الموضوع يهم الغالبية وأدخلهم أبو خالد في متاهة ويقول إنهم محرقين عشاش ونارهم ما تنطفي . فالشور شورهم والحق لهم وأنا معهم وغالبية الردود تقول يبون الحق من بيت أبو خالد واشترطوا شغل بيت ما هو شغل مطاعم .. أبي أبو خالد يقبل هذه الأبيات رداً على أبياته وياخذ حذره ..

يا صاحبي ما ينفع الصيح والنوح ... أخشى تكون المخطية من حبيبك
هذا عتابا مالنا فيه مصلوح ... وش دخّل الأخوان بينه وبينك
ظلمت شلتنا تقل نارهم فوح ... محرقين عشاش ( قولك يدينك)
خذها نصيحة اترك الباب مفتوح ... الربع ناوينك وربّي يعينك

يامرحبا بشاعرنا ابي سامي الله يحييك انت ومن تحب البيت واسع والصدر اوسع وانا ماقصدتك
الا ان كان انت منهم انا قصد اهل الكباريت علي وابي توفيق 0000الخ وعموما شاكر مرورك
وتعليقك وردك المفحم وانا بغيتك لي عون تطلع 0000تقبل تحياتي ودمت بصحة وسلامه 0