زمهرير الشـــــــتاء

استاذي العزيز / سعيد راشد

اعجبني الاختيار ... فاحببت المشاركة :

برائعة من روائع الشاعر / ابو بسام .

دمعي شعر

هو بس أنا من بين كلالمخاليـق == اللي عــزاه (بساعة الضيق حِبْـرَه)
دمعي شِعِر يـــرثي وفاة التوافيـق == و حظّي كسير وما قوى الوقت جبره
والكون واسع بس أنا احس بالضيق == مـــــا كني الاّ سلك في خرم الابـره
واللي بكفينـه لَعَـبْ بالمعاليـق == أقفى مَعَـــهْ مـــن ظلم الايـام عبـره
روّح وهو ضامي وانا ناشف الريق == وفصـــدورنا لاصوات الاحزان، نبره
وَدّع ْوِحَملّني (تَعَبْ) فوق ماطيق == مُنْهَك جِسَــد ووجيـه الايام غبـره
وانا معلّق في رجا الوقـت تعليـق == ومـا لي على تصريف الاقدار دبـره
أدخل بغيبوبه من الحـزن وافيـق == والقى زماني مثل ماكنت اخَبْـره
با لضيقه يجــــدّد معـاي المواثيـق == حتـى تحــــدانـي زمــــانـي بكبـره
وما دمت انا طير وجروحي مسابيق == قلبي على هالضيـق ياقـوّ صبـره
ومــا دام ما للطيـر نزعـه وتحليـق == لا والله الاّ بـــا قـي العمـر ثَـبْـرَه
وتــدري بخير:الله يحييـك يالضيـق == جيتك جنـــازة ميــّتٍ وانـت قبـره


لك الود وباقة ورد