قصائد الشاعره عيده العروي الجهني (وحيدة السعودية)

.

*****

الشاعرة عيده العروي الجهني من مواليد المدينة المنورة ذات عيد
تحمل شهادة البكالوريوس في العلوم الاجتماعية تخصص تاريخ

تعمل معلمة ومتزوجة ولها عدد من الابناء ومقيمة في المدينة المنورة

من قبيلة جهينة

شاعرة وكاتبة وفنانة تشكيلية تكتب الشعر بشقيه الفصيح والنبطي

لها ديوان مطبوع وهو ديوان ( راعبية غصون ) تولى طباعته وقدم له بقلمه وشعره الشيخ محمد بن راشد آل مكتوم وقد صدر الديوان عام 1419هـ

الشاعرة وحيدة السعودية بدأت النشر في سن الخامسة عشر عبر الصحافة الكويتية والسعودية فازت بجائزة ابها الثقافية للشعر النبطي التي يشرف عليها صاحب السمو الملكي الأمير خالد الفيصل عام 1410هـ فازت بالعديد من الجوائز التكريمية من سمو الشيخ محمد بن راشد آل مكتوم والذي تولى طباعة ديوانها الأول( راعبية غصون ) وقدم له بقلمه شاركت بكتابة زوايا في عدد من الصحف السعودية وكتبت في مجلة الصدى مقالات أسبوعية تحت عنوان ( من على الشداد ) لعدة سنوات ثم كتبت زواية ( نوازي ) في مجلة جواهر الاماراتيةفازت بجائزة صحيفة المدينة لإكمال بيت من الشعر والتي اعدها ومولها الأمير الشاعر عبد العزيز بن سعود ( السامر ) فازت بجائزة فواصل السنوية الكبرى 2005 م والتي تمحورت حول إكمال أبيات السامر في ذكر مآثر خادم الحرمين الشريفين الملك فهد بن عبد العزيز طيب الله ثراه كما فازت بمسابقة المبدعون والتي تشرف عليها مجلة الصدى الاماراتية في مجال القصة القصيرة والشاعرة وحيدة السعودية لها باع طويل في كتابة الشعر النبطي والفصيح وتتميز بطول النفس في القصائد إذ أنها تكتب القصيدة ذات الخمسين والثمانين بيت حتى المئة بيت بدون أن تختل حبكة القصيدة أو تفقد جمالها وهي متمكنة من جميع الطواريق فيكفي سماعها للبيت حتى ترد عليه بنفس الطاروق الشاعرة بدأت قرض الشعر في سن مبكرة لم تتجاوز الثانية عشرة ونشرت بعد ذلك بعامين ساندت الشعب الكويتي في محنته أثناء غزو العراق وكانت قصائدها تبث بصوتها من إذاعة الرياض على مدار الساعة رصيد الشاعرة من الامسيات 4 امسيات في المدينة المنورة وأصبوحة شعرية في جامعة طيبة وأمسية شعرية في دبي وأمسية شعرية في مدينة الرياض تعد الشاعرة حاليا ديوانها الثاني وكتاب يجمع شتات مقالاتها المنشورة على مدى سنوات وهي مقلة في النشر حاليا لعملها معلمة مغتربة منذ 8 سنوات أثرت سلباً على تواجدها على خارطة الساحة برغم حرصها على التواجد بين فترة وأخرى كلما أمكن لها ذلك

(منقول)
*****

 

 

.

*****

( ربعي جهينه )

يومن كلٍّ في ربوعـه عـازي = قافي بربعي لعتـزو متعـزوي
ربعي عذاب الخيل يابو غازي = لاصاح صيّاح الضحى بالغزوي
كم من عدوٍ جالهـم متـوازي = ردّوه جزوٍ ناقصٍٍ لِـهْ جِـزوي
لاهيب جـمٍ دونـه الأحـرازي = له ورّدو بالفعل قبل الحـزوي
ربعي جهينه فوق حيدٍ نـازي = يبدي لعين النّاظـر المتنـزوي
ربعي ليا بعض الرّبوع إنحازي = مِنْزَالهم بالخشم ماهو مـزوي
ربعي ودار المـال للمعتـازي = شرّاية البيضا بسـومٍ جـزوي
ربعي صميل المِدْرك المِجتازي = شط النّوى به من ثِقيل الرّزوي
ربعي جميع اللّي هواه حجازي = قولٍ صحيحٍ ماغشاه الهـزوي

وحيدة السعودية - أبو ظبي 29 - 1 - 2009 م

*****

 

 

.

*****

( يابو ظبي )

يابو ظبي جيت لاوجْلَه ولاَ خجلـه = أمـد كفّـي لـدانٍ دنْ وأدنيـتـه
دندن ودندن ودندن لي وانا انسجله = من بردة الحرف لحني لين دفّيتـه
يادار زايد ودِيم الحرف ترهج لـه = وأركانه الغـرْ تعشـب لاتهجّيتـه
فيك الذي كلْ كبدٍ رطب يلهج لـه = الله يعزّه ويرحـم حيّـه وميتـه
جينا على دعوته وركابنا عجلـه = لبّاه قَبلي سَنَـى العليـا ولبّيتـه
والبدو عدّ المراجِل يوم تَنْهَجْ لـه = ماترجع إلاّ وكبد الطّيب مِرويتـه

*****

 

 

.

*****

( الكحيله )

عديت لي رجم على راس نايـف = باقي رسومـه للبلـى مستهيلـه
مبناه شرق اللي على الخيف لايف = وايمن مسير اللي يجـي للنفيلـه
وقفت به وانـا وقوفـي كلايـف = وارخيت له عن عبرة العين شيلة
له جابني من ماضي الحب طايف = يوم الهوى صادف نفوس بخيلـة
ماني على المقفي كثيرة حسايـف = ولا نيب للبرق المجنـب مخيلـه
مـادام ماوبلـه بقاعـي ذرايـف = وش لي بحروة بارقه كـل ليلـه
انا وفيت وشفت ماكنـت شايـف = والحب عفته يوم هـذي حصيلـه
لا ابديتها من هرجة الناس خايف = واليا سكت بوسط كبـدي مليلـه
لي صاحب لا قبل ولا هوب عايف = متحيـر بيـن الطمـان وطويلـه
على ذلولـه موميـات السفايـف = تبدي لقلبي مابـدا مـن رحيلـه
ضحكت له وابديت زاه الشفايـف = وارويت من نبع الموده صميلـه
ان رحت ياكثر الركـاب النكايـف = ماكـل خيـال يحـوش الكحيلـه

*****

 

 

.

*****

( الطنب المشلوع )

لاَ سَلَّـمْ الله يميـنٍ مِـنْـك صادَتْـنـي = يا مدمـي الهامـه الله عَنْـك مرفوعـه
أعيـاك راسـي وطـاوَلْ للسمـا مَتْنـي = وانت اسكنَتْـك الدنايـا جحْـر يربوعـه
ماني بمثلك سحابـي مـا يجـي هَتْنـي = أنـا تـرى وابـلٍ جَـرّتْـه مَتْبـوعـه
وان كـان الانـذال عابَتْنـي وْسَبَّتْـنـي = الوَرْد يغري دبيب القـاع فـي ضَوْعـه
أنعمنـي الله عليـك ورام بـك فَتْـنـي = والتِبْـر بالنـار يُجلـى للبشَـر نوعـه
دِنْيَـاً علـى غيـر مشهاتـي تولّتـنـي = وانا على السِّلْـم الاوَّلْ واتْبَـعْ سْنوعـه
كم نوّخَتْ بـي علـى اللوعـه وْخَلّتْنـي = أظمـا وعـن جَمّهـا رِجْلَـيّ مَمْنوعـه
فيهـا كمـا الـوَرْق للأغصـان حَدَّتْنـي = يبكي وهو يطـرِبْ المشتـاق بِسْجوعـه
وانا على الشوك مـن مبـداي مَشَّتْنـي = ولا هي بتصفى وعمري يَطْوي شْروعـه
للقاف مـن غِمْدهـا الموجـوع سَلّتنـي = لين انثنيـت لْحَشـاي آدوزِنْ وْجوعـه
كـم وَقّفتنـي علـى الأطـلال وابْكَتْنـي = على رجا فَجْرها اللـي مبطـي طْلوعـه
آشِـبّ نـاري علـى النايـف وْشَبّتنـي = بالله وش حَيّ تصلي جوفـه ضْلوعـه؟!
خَلَّيـت مـا لـي حبيـب خْطـاه لَبَّتْنـي = والريح تدوي وطنْـب البيـت مَشْلوعـه
وشلـون كَـفٍ روَتْ جالـي وْلَمَّتْـنـي = رَدَّتْ على الروض الاخضر تَحْرِقْ زْروعه
والنـاس هـذا شفـوق وذاك يبهتـنـي = والسـوّ لـه كلمـةٍ بالنـاس مسموعـه
أقفـت ركـاب المـودّه مـا تحَرّتـنـي = لين أشْهَبْ اللال جَـز الرَّكْـب وِمْتوعـه
ما بين يَمْنَـيً سطَـتْ وِشْمـال لَفّتنـي = حب انطوى بالعـذاب وْبَـادَتْ شْموعـه

*****

 

 

.

*****

( علينا الدهر باللوعات )

علينا الدهر باللوعات أخنـا = وحنا تونـا مـا قـد قوينـا
نشوف الناس بالأيـام أهنـا = ومن أيامنا القشـر اشتكينـا
الين النجم فوق الـدو أسنـا = رفـع قـدره آلـه العالمينـا
وصار اللي بنا بالقول أشنـا = يبي منا الرضا لو ما رضينا
أخـي والله إن الله أغـنـا = عزيز النفس عن قولة عطينا
فلا بالمال ذا أرفع وذا ادنـا = وحنا من عيالك يـا حسينـا
ولكّن الدهـر للنـاس أفنـى = وأبقى ذكر نـاسٍ غانمينـا
ولا فاد الردي ولو قيل أغنى = إذا بالمال لـه فعـلٍ طمينـا

*****

 

 

.

*****

( من قصائدها في شاعر المليون الموسم الثالث ( بحة مواويل )

ياسيـدي الشعـر جيتـك مدنـفٍ بـاكـي = أسحب جروحي علـى بحـة مواويلـك
يومن رجع شدو عصفـورك لشباكـي = حلفـت لامسـح وجـع قلبـي بمنديـلـك
لي عام ما عانقت بك روحي افلاكـي = ولا ترحـلـت فــي رجــوى مخايـيـلـك
بـ..ارد عدودك واقيّل في ذرى الراكي = وارتاح عقب النهار الضنك في ليلـك
وارمي عباتي واوسد راسـي إنهاكـي = وانـام فـي حضـن تهليـلـك وترتيـلـك
تعبت من شكوةٍ مـا تنصـف الشاكـي = تعبـت أهلهلـك وامشـي فـي هلاهيلـك
تعبـت اغنيـك وردٍ واجـنـي أشـواكـي = وانزفك لوعه علـى رقصـة خلاخيلـك
واطرب بك اللي مريح القلب متباكـي = مايوم جرحه وطيت أقصاه في خيلـك
ياسـيـدي والليـالـي تتـعـب الـحـاكـي = يبطـي سنـا فجرهـا لا يسحبـه ذيـلـك
سـودٍ تجـر السـواد وصبحهـا خـاكـي = مـن بردهـا صاحـت القيعـان ياويـلـك
أشعلتهـا فيـك شـعـر ونــادت إيّـاكـي = مـن جـذوةٍ لا طفـت بـك بـايـدٍ حيـلـك
دوبك على المرهف اللي قـام يبراكـي = لا ارتد لك شعر يغرق هالدجى سيلـك
ياسيـدي يــوم جيـتـك مـدنـفٍ بـاكـي = أسحب جروحي علـى بحـة مواويلـك
لا تتـرك الشـدو عصفـورك بشبـاكـي = إمسح على الجرح في قافك ومنديلـك

*****

 

 

.

*****

( من قصائدها في شاعر المليون الموسم الثالث ( إيماءة شاعرة )

رقـيـت بْمـرقـبٍ تشـفـي هبـوبـه = أبي الراحه وقلبي مـا استراحـي
أرِدّ بْــه النـظـر مـنّـه وصـوبــه = واضيق وهالفضا حولي براحـي
شربت القاف لو هم حَثْربـوا بـه = أديـر أصفـاه مـن راحـي لراحـي
إذا غـيـري غــدا قـافـه ركـوبــه = يورّدهـا عـلـى الـجـال المـلاحـي
أنـا قافـي مــن المـزنـه سكـوبـه = قـراح وكــل مــا جـابـه قـراحـي
واذا ما الراس بالحيل مْعَصوبـه = تعلّتـهـا القـنـا مــن كــل نـاحـي
أنـا اللـي كـل ربعـه هَذْربـوا بـه = يجيه الهَرْج مـن واحـي لواحـي
إذا يــا رب هــذي لــي عـقـوبـه = أنــا تـايـب وراجـيــك الـفـلاحـي
تـرى قلبـي كمـا بيـتٍ عـدوا بـه = جيوش وْتَوّ نـور الصبـح لاحـي
واهيله يـوم عدوانـه غشـوا بـه = تغشّاهـم مـن المـوت الوشاحـي
فــلا عـمــده تـجـوّدهـا طـنـوبـه = إذا لـجَّــت جـوانـبْــه الـريـاحــي
وانـا قلبـي كمـا الـورْق اللعوبـه = لهـا بالجـو ممسـا واصطبـاحـي
على الغصن الشمالي مَعْ جنوبه = تـفـيّــا كــــل ظــــلٍ بالـبـيـاحـي
لـهــا نـــوحٍ تـعَـذْرِبْـه الـعـذوبـه = إذا مـا سِمْعـه المحـزون نـاحـي
دهـاهـا الـحـر والـيـوم بْغـروبـه = وّغَـرَّ بْهَـا الجنـاح أم الجنـاحـي
سمـت بالجـو مـا منْـه مْهَروبـه = وتلقّـتْـهـا وسـيـعـات البـطـاحـي
يــا أمّ الـطـوق والآه مْغَـصـوبـه = أبيحـي يــوم تثْخِـنْـك الجـراحـي
سبيـل المـوت للنفـس العجوبـه = أخيـر مْـن المهانـه والصيـاحـي
إذا مــا قـلـت يــا فَـــزَّاع نـوبــه = ولا مـن جَـرّدوا دونـك سـلاحـي
لـك القبـر إن تهايـل بـك جنوبـه = ولا وَقْفَتْـك فـي بـاب الشحاحـي

*****

 

 

.

*****

( قصايد حزن )

كنّ ماعشنا تفاصيـل الغـرام = ولا إتّفقنا عمرنا يقضي هنـي
ويش خلاّنـا بهالدنيـا حطـام = ويش خلاّ الشّوك للورده جنـي
هاجمت قلبي جحافيـل الظـلام = لين قلت إنّي عن الدّنيا غنـي
طير ياسي فوق قصر الحب حام = والدّجى عن نور جالـك لفّنـي
لو رحلت وشمت يلحقني مـلام = وإن بقيت أبرد ولا من ضمّني
ودّي أقصد فيك وأبكي والسّلام = ياقصايد حزن نوحـي دندنـي
واقعٍ عشتـه ولاهـو بالمنـام = للزّمـان المـر قبلـك ردّنـي
مر عام ومقتفي هالعـام عـام = وأنت ياقلـب الشّقـا ماتنثنـي
كل يومٍ فيك تعذيـب وخصـام = وماقدرت لكـل ريـحٍ تنحنـي

*****

 

 

.

*****

( قتيلك )

ياشوق أنا لـولاي عنـك آتعـزّا = بمبادع القيفـان يمـداي جنّيـت
يفداك قلـبٍ كـل ماأطـروك فـزّا = وروحٍ تهيّا لـك علـى ماتورّيـت
وجفنٍ لأجلك عن حلا النّـوم قـزّا = ودمعٍ على شانك من الوجد هلّيـت
تجفا وطيفـك واصـلٍ كـل حـزّا = وتقسا وفي عيني على الحال حنّيت
ماشفت مثلك فـي قتيلـك تهـزّا = حسيبك الله ويش أنا فيك سوّيـت
مالك سوى قلبي من الناس عَـزّا = وأنته تدوّر لي خطا كان ما اخطيت

*****