قصائد الشاعره عيده العروي الجهني (وحيدة السعودية)

.

*****

( صفو الأيّام )

ودّي يعوّد صفـو الأيّـام ودّي = ودّي أنام ونومتـي مستريحـه
والواقع إنّي كل يـوم إمتـردّي = يوم أرتجيه ويوم أقفّيه صيحـه
لاجا نهاري جا بوجهٍ مصـدّي = وايضا الليالي في وجيهٍ كليحـه
كرهت من صفر الوجيه التّجدّي = وأنا فهيم وماعقلـت النّصيحـه
إليا أدبرت دنياك فانت استعدّي = طابور همْ وكل يـوم بفضيحـه
وين المهجْ وماعلى الدّرب عدّي = ومابالمفازه كود قرن النّطيحـه

*****