البيض فال عبدالحميد

	أخي الحبيب: عبدالحميد بن حسن السلام عليكم ورحمة الله وبركاته ماذا أقول وقد سبقني الإخوة الكرام بكتابة ما تستحقه وقد أجادوا. ولكن معي طمعة في الكسوة ولو ماهلاّ عمامة كريشي وعقال مقصّب، ورأيت أن أدخل مع عبد الله رمزي بقصيدة قلطة ، ولكن للأسف لا أجيد نظم ما يليق بك ، فبحثت في قوقل عن قصيدة للراية البيضاء ولقيت قصيدة للشاعر فائز بن أحمد البكري يمدح بها الأستاذ / علي بن سليمان. وقمت بتعديل بعض الكلمات لتتناسب مع شخصك الكريم ، فخذها بحصلها مع الاعتذار للشاعر وممدوحه، والله الله في الكسوة .. لا تنساني منها ، وإن كان تبغى مكْسَر لها فحدده وأنا حاضر. ْ والقصيدة المعدلة تقول: يابو ياسر هذي بعض المشاعر كنها الهتان=مشاعر مثل ذوق الشهد في الارواح نسكبها مدحتك وانت تستاهل ولا لي عذر في التبيان=ومن لا يمدح النشمي فلاهو كفو يكتبها نيابه عن الاعضاء مصابيح الدجى العتمان=رجال صيتهم فوق النجوم الزهر وشهبها يقولون انت راعي الاوله وافعالكم تنصان=نشل الراية البيضا وفوق البيت ننصبها وراعي الاوله يذكر بفعله ما له النكران=ولا يمكن يجازى لو نظل الدهر نحسبها ثوابك أبا ياسر يسجل في رصيد انسان=ثوابك عند رب البيت محصيها وكاتبها عسى ربي يطول في بقاك ازمان بعد ازمان=واساله يحفظك من جور الايام وتقلبها ويجزيك المثوبه في جنان الخلد والرضوان=وتلقى الروح والريحان محفوف باطايبها وأهديك سلامي ، وعظيم احترامي.