الجراح

عسى مازعلتك البارح وزودت الجراح جراح ...


عسى ما مرت الدمعه على اهدابك من اسبابي ...


جرحتك من كثر شوقي وخليت الكلام رماح ...


ولا ادري شلون ياعمري طعنتك حيل بعتابي ...


بدون شعوور صدقني ترى كثر الغلا ذباح ...


تعال وشوف بغيابك غلاك شلون سوابي ...


حرام تغيب من عمري وتعطيني الفراق اوشاح ...


حرام الدمع في عيني مناديله هي اهدابي ...


غيابك يشغل عيون الزوايا ويمتلي اشباح ...


وانا انثر صوتك بقلب المكان واشعل ابوابي ...


تلفت للامل دام الرجاء في عمري يلواح ...

اناديلك ولو شرهت وصولك تقطع اعصابي ...


ابيك الجاي من عمري انا ما ابيك شي وراح ...


ما دامك اجمل واخر ما دامك اول احبابي ...


ابي ارتاح يا عمري انا ادري هم تبي ترتاح ...


تعال وقبل ما افرح ترى تفرحبك ثيابي ...


احبك احبك ...


يا بعد عمر الحزن والجرح والافراح ...


احبك احبك ...


كثر ما نامت عيونك داخل اهدابي ...



لسالم سيار

 

 

تسلمي ويسلم السيار وابيات قمة الروعه وشكرا لذائقتك يامنال فلك تقديري بامتنان

 

 

ومع الجراح ننقل السمو

تعـال ارسـم بقايـا الحلـم وكـمـل بـاقـي الـصـورهـ .. وعلقـهـا عـلـى قـلـب يشـوفـك حـلـم يـهـنـى بـــه

وعلـي اتـرك ســواد الـوقـت والـويـلات وكـسـورهـ .. وتعال بشوفي واتغطـى عـن أيـة ريـح بأهدابـه

لشيلـك عـن ظـلام خـذ شعاعـي واهتنـي بنـورهـ .. واذا بك جرح حي الله راعي الجرح ومن جابـه

همـومـك هاتـهـا فـيـنـي احـبــك يـعـنـي مـقــدورهـ .. احبـك تنمحـي همومـك ولا لـك هـم تشـقـى بــه

انـا لـك مـن هـنـا حـتـى مغـيـب العـمـر وزهــورهـ .. الـى مشـرق مشيـب العمـر لـيـن يغـيـب بتـرابـه

نويـت اخـذك واعطيـك الخفـوق وباقـي شعـورهـ .. حـلالـك دمــر وعـمـر حبـيـبـي انـــت اولـــى بـــه

تظـلـل بالحـنـان ولــك غـيـوم الـشـوق ممـطـورهـ .. ولا تـفـكـر بـــأي لـحـظـه يـمـسـك قـبــي بعـتـابـه

واذا عاتـب انـا احشـه حبيبـي لـك مـن جــذورهـ .. واحبك فيك من قلبك هو اطهر قلب اسمى به

حبيبـي بـس تعـال ارسـم وكمـل باقـي الـصـورهـ .. وعلـي الباقـي لاتحاتـي جـروح الـوقـت وانيـابـه

 

 

نعم الاختيار قصيدة مليئة بالاحاسيس الصادقة والمعبرة عن الوجدان بارك الله فيك تحياتي لك