.
*****
كلمات معالي الأستاذ/ تركي بن عبدالمحسن آل الشيخ
____
ما عرفنا يا قطر .. وش وضعكم
وشكنا فيكم .. تأكد باليقين
يوم شفنا .. في العروبة
وقعكم يا خياناتٍ لها .. يندى الجبين
..
كان يتوجب علينا .. ردعكم
وكل قاسي تحت سطوتنا .. يلين
وكان ملزومٍ .. علينا منعكم
وعن فعول اقزامكم .. تبت يدين
..
يوم خليتوا الخيانة .. شرعكم
ثم شفتوا مننا .. الحق المبين
كم تحملنا كثيراً .. نطعكم
وكم تحملنا غدر .. كل السنين
..
خطنا أحمر .. ويوجب خلعكم
والوطن دونه رجال .. موحدين
يا غروس الشر .. واجب قلعكم
من تماديتوا .. وحنا صابرين
..
اسمعوا بعقولكم .. وبسمعكم
النوايا الخافيه .. لازم تبين
ما أنتم بربعٍ .. ولا احنا ربعكم
دامكم .. من كل طيبٍ فارغين
..
لو تباكيتوا .. كذوبٍ دمعكم
من متى وأنتم .. ثقاة وصادقين
وأن قطعناكم .. حلالٍ قطعكم
تعطب اليسرى .. وتقطعها اليمين
..
من مضرتكم .. ما شفنا نفعكم
ومع صهاينة العرب .. متصهينيين
والغدر .. يا أهل الغدر من طبعكم
كل يوم .. وكل وقت .. وكل حين
..
بوسعنا شيء .. ما هو في وسعكم
نقلب الدنيا .. على المتآمرين
والزمن ما يستحي من صفعكم
دامكم ما انتم .. من الله مستحين
..
وان تجمعتوا .. نشتت جمعكم
جمعكم خاسر .. وأنتم خاسرين
ودرعنا الضافي .. ماهوب ابـ درعكم
وبالطرابيش .. وبأهلها .. محتمين
..
بالحيل .. أنتم طفيتوا شمعكم
وشمسكم غابت .. وصرتوا مبلسين
يوم شايبكم .. بكاء من ورعكم
ما عرفنا .. وين أنتم .. رايحين
*****
اهداءات ساحات وادي العلي
12-24-2018, 02:59 PM
ما عرفنا يا قطر .. وش وضعكم .. وشكنا فيكم .. تأكد باليقين
العرض العادي
