وجهة نظر . . . من الشرقية

المشاركة الأصلية كتبت بواسطة ابوفارس

..

حياااكم الله ( والله ماحد يقوم من مكانه )

.....

والقصه الاساسيه لـ ساردين احمر طويل ماتنقال

لكن عندي قصه ثانيه عن الساردين نفسه

كنا سنه رابعه واول مره يصير عندنا مادة تعبير ... وعندنا مدرس اردني اسمه عادل القيسي ( اكيد جيلنا يذكرونه )

واول حصه قال لنا اكتبوا موضوع عن رحله ( انحن ماندري وش معنى رحله يمكن لان حياتنا كلها رحله )

المهم وشهي الرحله يااستاد قال يعني تطلع انت ومجموعه من اصدقاءك لمنطقه خضراء ومياه تجري ..

ومعكم اكل وفاكهه وتلعبون ... . . . . . . وباقي الكلام المنمق

وترجعون تكتبون .. عنها


والله اتفقت انا وعبدالرحمن ابوعلامه وعبدالله منصور وابوتوفيق ( الاسماء ماني متاكد ) نطلع رحله ونكتب عنها

وعلمنا اهالينا بنطلع رحله يوم الجمعه ( وقتها باقي الخميس دراسه )

وقررنا محل الرحله شعب عبود ( الله يرحم عبود ويرحم فضيله ويسكنهم فسيح جناته )

وطلعنا كل واحد معه كسره خبزه ومعنا علبة تونه وكفكيره مليانه ماء وعليها تلقيمه سكر وشاهي ..

ماوصلنا لين تكبكب نصها من الخضخضه

قعدنا على صلي في الشعب مدرقين عن الوادي .. وحطينا خبزنا والتونه ولكن مامعنا مفك

وبحجر حاولنا نفك التونه تفقعت واختلطت بكسار الحجر وابت تخرج وقطرت فوق الصلي وتجمع النمل

... الخبزه ناشفه ماتنوكل ..

قام عبدالرحمن الله يرحمه .. وبدا من طرف الجبل يصيح ... يامسفر .. يامسفر ( مسفر في البيت راقد )

وخرج مسفر .. فوق الجون


وصاح .. قال له جب لنا طاسة حقينه وجب كوفيتي ( كل اهل الوادي سمعوه )

... ورجعنا بيوتنا ... تعبانين وجياع

... ان شاء الله لي عوده

.

*****

كأنه الآن يا أبا فارس وقبل عودتك للموضوع هذي صورة أخذتها لشعب الحلبوب بعد عيد الفطر المبارك 1429هـ وطبعا اسفل شعب الحلبوب بير عبود وخيمته وكنت سأكتب عن هذه الصورة في موضوع جلسه تحت الخوط ولكن اعتقد ان سرد هذه القصة مناسب لادراج الصوره ليتضح مكان الرحلة

لك أن تتخيل هذا الشعب في تلك الفترة كيف كان وكيف اصبح الآن بعد سنوات الجفاف



لي عوده على الموضوع بإذن الله

*****

 

 

الله يحييك يابو فارس

دوبي عرفتك ... احنا اخوالك

والمثل يقول انسب الخال ياتيك الولد

والله وانعم بالولد والاخوال والله انك ترفع الراس وفخر لنا جميعا

الله يسعدك ويحييك

 

 

المشاركة الأصلية كتبت بواسطة عبدالرحيم بن قسقس

*****

كأنه الآن يا أبا فارس وقبل عودتك للموضوع هذي صورة أخذتها لشعب الحلبوب بعد عيد الفطر المبارك 1429هـ وطبعا اسفل شعب الحلبوب بير عبود وخيمته وكنت سأكتب عن هذه الصورة في موضوع جلسه تحت الخوط ولكن اعتقد ان سرد هذه القصة مناسب لادراج الصوره ليتضح مكان الرحلة

لك أن تتخيل هذا الشعب في تلك الفترة كيف كان وكيف اصبح الآن بعد سنوات الجفاف



لي عوده على الموضوع بإذن الله

*****

..

هلا بك ... ياابوتوفيق ...

وبصورة شعب الحلبوب ... لقد كان هذا الشعب من اجمل المناظر



يقولون ان الارض تحب من يحبها .. وتحزن لفراقه



رحم الله عبود ... هو من كان يحي هذا الشعب



.. لك الخير


..


..