خيــمة الحمّـاية : شـعـب جعملة يحييكم ويستضيفكم في خيمته التراثية

اهل الجنادرية يا ابا توفيق طلبوا عرض الخيمة عندهم رحت الخيمة ادور لشعب جعملة واعلمه مالقيت لا خباط ولا مذري وما دريت الا وعبد الله بن رمزي يقل لو كان ما هوب انا كان ما سلمت من الجن لان بينهم وبينه ضحكة سن من عهد شكواهم من ابن عمه واعجبتهم قصيدته واصبحوا من ذاك النهار صحبة وعلمهم واحد هذا كل ما في الموضوع .

 

 

اصبحنا واصبح الملك لله

سلام ياهل الخيمة ... او ماتردون ... مافي الخيمة ولا اقبع
وينكم يالربع ..
وينكم ياهل الجنادرية
جينا نقهويكم وناخذ علومكم

حسبي الله ونعم الوكيل
يعني اخذ دربي بسفر... اعود
هيا ما معنا بصيرة باعود اغلق جمتي واحزم خريفي
وفيني وفيكم شوفة الله

مالنا نصيب في الطيب
بس سمعت ان فيه شعار اجانب بن هندي والدوسي
قلنا نحيي وناخذ علومهم ونعزمهم ..

هيا في امان الله

 

 

يقلون ليالي القمراء رائعة وفيها هدوء عجيب

بصراحة نحن نفتقد تلك الليالي

ما ودكم بكرة الجمعة بعد صلاة العصر نتقابل مكان ما نصبنا المخيم لهذا العام ونتعشى هناك ونستمتع بضوء القمر بعيداً عن ضوضاء المدن ..

قلوا تم

بالباي وبعضكم يجيب معه مصفاة قهوة وصحن تمر ولامانع من المكسرات ولايمنع بعض الكيكات من شان اللي مامعهم سنون ...

انا جيبوا لي معكم حميصة


لاتنسون وتقولون ما حد علمنا ... الليلة ليلة الجمعة يعني بكرة الإجتماع من يبي ساعة البسط لايتأخر ويحتصي معه بخمسين ريال أكيد بنرجع له الباقي لايخاف ..

 

 

اقلم اسمي معك يا ابا سامي وانا معي ثلاثة ريال والباقي من طلعت الحج ان شاء الله او تقبل مني معاريض وكفيلي علي ابو علامة كفالة غرم واداء ، هاه وش قلت ؟ ساحضر معي قهوة وحلاوى حلقوم اكراما لكل من معه تركيبة . ( وللتحذير من سطوة الحلقوم يقال ان احدهم اكلها في العيد ونشبت في التركيبة وراح بها في جيبة ) ومن انذر فقد اعذر وانا ما معي مع القهوة الا حلاوى حلقوم .

 

 

حسبي الله عليك
ما لقيت إلا حلاوى حلقوم شكلك تبي تسمع قربعه التركيبة في ثمّي لكن فداك من ذاقها
وما قعدت في حرى حلاوتك
جبت معي خرنوب وقسبة كياد فيك

 

 

المشاركة الأصلية كتبت بواسطة عبدالله رمزي

حسبي الله عليك
ما لقيت إلا حلاوى حلقوم شكلك تبي تسمع قربعه التركيبة في ثمّي لكن فداك من ذاقها
وما قعدت في حرى حلاوتك
جبت معي خرنوب وقسبة كياد فيك

قسبة وخرنوب حتة وحدة ؟!!! والله ما انتب سهل يا ابا سامي اجل باحتفظ بحلقومي وحكمي لي . ههههه

بكل صراحة كانت ليلة من العمر بارك الله في من كانت فكرته وكتب له الاجر وسرني واسعدني انها ستتكرر كل شهر بمشيئة الله اسأل الله أن يديم علينا فضله ونعمته ويديم المحبة بين الجميع شكرا لك يا ابا سامي من اعماق الاعماق .

 

 

يالله يا محيي الحيا

ياهل الخيمة ياهل الحميصة والشاهي
ياهل السواليف الزينه والقصايد والقصص
ياهل الطبخ والنفخ

يامدورة العيشة الزينة
وينكم خيمتكم قطعتها الرياح وناركم طافية
ومراحكم فاضي من الحلال

لا اله الا الله
اقول انا بانصب خيمة جديدة
بس فيكم من حضر ونعيد ليالي الخيمة

ها ردوا علي ولا تطولووووووووون .