كتاب اللواء .. وعزبة الناموس والكرم

ابشر يا ابو عبد الله باحاول ارد الكتاب ونشوف موضوع الثور خاصة وان الرجال يوم سمع طاري ذبح الثور غدى عقله خاصة وان الوسمية قربت ويقلون انه حوالي شهار يدور واسطة تدخله المستشفى يرتاح له يومين ويدرق عنا او على الاقل يكشف بلاش واحمد بن فيصل الله يكثر من امثاله يدور لم المسائل على طريقته ومدنى ما اعجبه لو تهاب له ورك من ثور بن ناصر وتعطيه الجلد ما اقتنع وجا عبد الله بن رمزي زيره ينفح بالعصي ومعه طرق ثاني يغنيبه والرجال من شدة ما في قلبه هبا قصيدة والظاهر ان الموضوع خرج عن السيطرة وكذلك بن ناصر الله يفك له مثل ما قلت لك قاعد يهذري مرة مصري ومرة يرطن اردو ومرة يهذري بالكشافة وانا ما ودي عليه بخلاف جهدى ونا ما اخفيك والله اني احبه لكن فك عنا شوية وبنتشاور انا وعبد الرحيم وعلي ابو علامة ونشوف وانا ما نيب فاضي الايام هذي قاعد ابغر بلادي وشقى يشق الوجه .

 

 

المشاركة الأصلية كتبت بواسطة ابوفارس

.... من كثر تحريق العشاش ... اتوقع الاداره تفتح فرع للدفاع المدني ... في الساحات

.

لا يابو توفيق لا هنت انت والربع

الدورة على ابو فارس ما تشوف وتقرا الي كتبه

يعني وش قصده ...

بالله هذا كلام ينسكت عليه؟؟؟

وينكم ياااااااا عزوتي

 

 

.

*****

ابداً ابداً ابداً
ما ينسكت على هذا الكلام وتصدق يا أبو اديب اني كنت افكره يمدحنا والله يجزاك بالخير ذا نورتنا الله ينور بصيرتك

وتراني معك يا جبلنا الأشم حتى لو ودك نبطل من الصلح فما يمنع

المهم ودنا نشوف رأي ابو سامي عسى الله يوفقه

*****

 

 

انا اشوف ان بن ناصر ما قصر وجاب الثور ورد الكتاب وما عاد لنا عليه طريق وما بقي عليه الا ياخذ بخاطر ابو سامي لانه رجال حساس .

واما ابو فارس فالرجال يتوقع فتح فرع للدفاع المدني تحسبا لاي طارئ ولا اشوف ان في كلامه خلاف والله اعلم وانتم ادرى .

(يعجبني اخلاص محرقي العشاش ما يبغون يفكون واحد الا ويستلمون الثاني وهذا من وجهت نظري اخلاص للمهنة الله يفتح عليهم ).

 

 

المشاركة الأصلية كتبت بواسطة جبل الشعبة

واما ابو فارس فالرجال يتوقع فتح فرع للدفاع المدني تحسبا لاي طارئ ولا اشوف ان في كلامه خلاف والله اعلم وانتم ادرى .

(يعجبني اخلاص محرقي العشاش ما يبغون يفكون واحد الا ويستلمون الثاني وهذا من وجهت نظري اخلاص للمهنة الله يفتح عليهم ).

والله اني اعتقد انا بنحول الشد عليك

اعتقد ان جلدك ياكلك وودك نصهدك بحلم والا حلمين

واهي حامت حداديك

 

 

كان هذا املي فيكم ولم تخيبوه وكنتم عند حسن الظن 00 الرجال من جماعتي ومن قربتي ومن لحمتي وبحسن نيه تصرف ما كان متوقع انكم جاهزين واحمد الله انكم عفيتم وصفحتم ومن عفا فاجره على الله 00 لكــــــن ارجوكم لا يبقى تحت الرماد ه 0 جمره 0 وتزيد تشتعل بفعل فاعل او غيرمتعمد بيض الله وجيهكم وترى حقكم عليه اجيبه لكم والا تكرموني تجون تاخذونه وتمنحونني شرف اكــــــــرامكم ورضاكم والرجال ما قصر وانا متأكد انه شـــــــاريكم 0 لكن0 انتم عيونكم0 حمراء 0 ويلينا 0 مدري 0 لجل 0ايش 0 وانحن ما نستاهل 0 لو ما يشفع لنا عندكم الا حبنا لكم وليت الناس مثل بن رمزي لا تتعذرون به كثر الله من امثاله وامثالكم جميـــــــع
وســــــــلامتكم وخــــــــاتمه

 

 

وشرايكم يالربع تبردون حلوقكم بهذا الأسكريم ولعل وعسى ترشحوني بعد هذا الفاصل
بإستلام الكتاب من بن ناصر وتسليمه لأبو عبدالله

 

 

تابعت موضوع الكتاب بكل اهتمام ووددت أن ابن ناصر يكن رد الكتاب
وماخلاه( 37 )سنة عنده، لكن لأن ضميره أنبه فقد افتكر الكتاب وظن
أن صاحب الكتاب سيتنازل عن كتابه الذي هو أعز ما يملك من حطام الدنيا
وطلب المسامحة ولكن صاحب الكتاب في لحظة غضب
( الحقيقة إن صاحب الكتاب دائما في حالة غضب) المهم في
لحظة غضب تنازل وكاد الموضوع ينتهي لولا التهمة التي انتخشها
قصدي اكتشفها أبو سامي وهي تهمة الرشوة،و طلب رأي الجماعة
وصاغ ذلك شعراً فابديت له حكمي
في ردي على قصيدته
ولكم الرأي

البدع من أبو سامي
وش قصد بن ناصر أمسي بتليين الضروس
انحن ما نعطي رشاوى ولا نأخذ رشا
هذي التهمة كبيرة بقانون القضى
إما يأخذ حق وإلا فيعطينا حقوق
والكتاب اللي نشرته مثبت من شهوده
لو تنازل عنه لك حق في ملكيته
الرد من رفيع:
المعاني واضحة والحكَم من فض روس
زان علمك يا بو سامي فجهز لك رشا
حكمنا ف الثور ماضي ترى الحكم انقضى
بينجيب الحق لك لو يكن من صفح قوق
والنحل وان كان يوذي بناكل من شهوده
والذي يبغى المداوي تحمّل كيته

وسلامتكم

 

 

ابو فيصل طع شوري
وعذر في الثور
وزي ما قالك ابو عبدالله
في رده الاول
قل لهم آهو لكم وللجن
وفك نفسك من نشبة
عبدالله بن رمزي وربعه

 

 

.

*****

اشوف العلم زان ومحرقة العشاش رصوا صفوفهم واجتمعت كلمتهم وعاد معهم مخيله ومشجعين

المهم حددوا نوع الطبخ والمكان ولا تنسون تبردون على صدوركم باسكريم ساهر الليل

ودقي يا مزيكا عشان بعض الناس يهذري بالمصري

*****