احــــــــــلام قابله للـنـــزف

.

جيتك من اقصى حلم يستنزف الروح = حلم بقصيده /او قصيده بها احلام
احمل تلاويني والون على اللوح = رسمه رسمتيها على اللوح من عام
فيها دم الاعذار مسفوح /مسفوح = وبروازها مكسور من وقع الاوهام
دوزنت لك فيها من احساس مجروح = حومة فكر/ ضجة ورق / حفلة اقلام
ياسالفة صمتي/ وياجمل البوح = ياضحكةً تشتاقها/ شمس الايام
كيف ابتداك العمر ضحكات ومزوح = وكيف اجتمع في نظرتك كفر واسلام
لولا الجبين السمح ماقيل مسموح = ولولا ورود الشام مازانت الشام
طيفك يخاوي خطوتي وين ماروح = سوا سوا /ودروب الاحباب قدام
في كل ليله يسخن العطر ويفوح = ويمر بدر الليل وعيوني ايتام
وانتي حقيقة حلم يستنزف الروح = وانا اسير الحب !! في حكم الاعدام

.