( صــقر خمسه )رثا المرحوم بأذن الله(عبدالله صالح الزهراني )

بسم الله الرحمن الرحيم

الحزن صعب / والاصعب ان تعيشه مرتين


دعواتكم للمقدم / عبدالله بن صالح الحريري الزهراني

بالرحمه والغفران
ولوالديه دعوه بالصبر والسلوان
والعوض الحسن بأذن الله
ــــــــــــــــــــــــــــــــــــــــــــ



وهنا لا املك الا ان اقول اللهم ارحمه واغفر له واسكنه فسيح جنانك
وابدله خيره من اهله وعوضه في حياته بالجنه والهم والديه واهله
جميعا الصبر والسلوان - وان لله وانا اليه راجعون
ــــــــــــــــــــــــــــــــــــــــ
صـقر خمســه

ياقصيدي طلبتك / وين ليلك سرى = مر عشرين يوم / ولا انته بيمّنا
قبح الله نزف ً ينزف وينثرا = كان ماهوب( للاحداث) متضمنا
الله الله/ ياطاري علينا طرى = ضمنا من قبل (عيد الفطر) ضمنا
والله الله/ يامن غاب تحت الثرى = هو اخونا/ ولا قلنا /ولد عمنا
المزارع /تعزي غصنها المثمرا = والجبال النوايف/ ضامها ضيمنا
يا ألم /كيف نلقى لك/ علاج/ وبرا = وياحزن / كيف لونك في مراسيمنا!!
المدينه /تسولف حزنها للقرى = والقرى /همها يزداد من همّنا
طاحت الطايره /وتأكد المصدرا = والدم اللي نزف/ محسوب من دمّنا
مات (عبدالله بن صالح) وعلمً جرى = يفلج صدورنا/ بالحزن ويغمّنا
ادري ان العمر محسوب / ومقدرا = غير(بعض المصايب) /تعصف بعزمنا
لوبكينا /وطار من العيون الكرى = من هو اللي / يذم الدمع/ ويذمنا
عذرنا /انا فقدنا صقرنا الاشقرا = وعذرنا / ان مضمون الخبر سمـّنا
صقر خمسه/ جميل القلب والمنظرا = طبعه المرجله /والرسم من رسمنا
صقر خمسه نزيه وطيب المعشرا = جعل ربي/ معه /بالجنه يلمنا
ابن زهران/ مايرجع ابد للورا = مات واسمه /رفع تاريخنا/ واسمنا
آه يالا ندلس /واللي انكتب وانقرى = في بلاط الشهاده / واضحً وسمنا
قبله الغافقي /قايد/ وامير اومرا = غيبته الحروب /بوقتها المُزمنا
عمنا صالح /الجنه لها مشترى = والعطا /والجزا /محسوب ومثمّنا
يا امامـً/ تعلى صهوة المنبرا = مثلك اللي يزيد الفهم /في فهمنا
مات عبدالله بن بن صالح/ وكلٍ درى = والله ان الحزن ياعمّنا/ عمّنا
الحزن / لو يقسّم/ كان جينا سِرى = وما يجي قلبك/ الا قِسم/ من قِسمنا
والقلوب /التي/ بالحزن /تتفطرا = حِلم ربي/ عليها /خير من نظمنا
الصبر/شيمة المومن/ بوقت الزرى = يستفيق الصبر/ من حكمة المومنا
كل كسرً / برحمة ربنا/ يٌجبرا = والصقر/ باذن رب الكون/ متيمنا
انكتب له شهاده/ باذن رب الورى = افتخر/ وارفع الرايات/ ياعمنا
فاله الجنه الخضرا/ وعينك ترى = علم ربي/ ولاهو علم /من علمنا
وان بكينا/ وطار من العيون الكرى = من هو اللي / يذم الدمع/ ويذمنا
ماتشح الدموع/ على المدن والقرى = وما تشح اللوازم / في ملازيمنا
رحمة الله /نهار العرض والمحشرا = وبالمصايب/ لرب الكون /تسليمنا
واختموا بالصلاه /على نبي الورى = بعد( فيضة مشاعرنا ) /وتختيمنا

وصلى الله على محمد


صقر خمسه = هو لقب للمرحوم بأذن الله عبدالله الزهراني
الغافقي = القايد المسلم عبدالرحمن الغافقي

بلاط الشهاده= معركة بلاط الشهداء