كتاب اللواء .. وعزبة الناموس والكرم

.

... حياك الله ياابوفيصل

وبالذات في ساحة صدى الوادي ....


فكره جميله .. كتابة موضوع من كتاب مهمل وربطها بالعزبه .... وايامها .. ثم تاريخها

.. لديك اسلوب جميل في كتابة التاريخ ... ومزجه بالادب

...

... ولا يزال وعدك لي بكتابة رحلاتك مع الكشافه قائم وان شاء الله يسعفك الوقت ... وتسعدنا بها

.....


.... من كثر تحريق العشاش ... اتوقع الاداره تفتح فرع للدفاع المدني ... في الساحات



... دمت .. خير



.

 

 

المشاركة الأصلية كتبت بواسطة ابوفارس

.

... حياك الله ياابوفيصل

وبالذات في ساحة صدى الوادي ....


فكره جميله .. كتابة موضوع من كتاب مهمل وربطها بالعزبه .... وايامها .. ثم تاريخها

.. لديك اسلوب جميل في كتابة التاريخ ... ومزجه بالادب

...

... ولا يزال وعدك لي بكتابة رحلاتك مع الكشافه قائم وان شاء الله يسعفك الوقت ... وتسعدنا بها

.....


.... من كثر تحريق العشاش ... اتوقع الاداره تفتح فرع للدفاع المدني ... في الساحات



... دمت .. خير



.

يسعدني مرور أبو فارس


ويسعدني أكثر تواجدي في صدى الوادي


أما مسألة قدرة أبو فارس - ماشاء الله - على تحليل وتشخيص أفكار الكاتب .. فهذه مسألة واضحة وجلية

لا يجاريه فيها أحد


موضوع الرحلات الكشفية ..وعدي لك إن شاء الله لازال قائم .. وخاصة موضوع :


((استقبال .. أم حريم .. لنا بالكويت .. يوم صفقن .. وغنوا .. لأم سعودي ))



الأيام هذي أنا ناشب مع المحرقين


عاوزين الثور بتاعي يابيه ... وانا آعد لوحدي غلبان .. مش عارف .. أعمل إيه

 

 

يا لربع الظاهر إني قلت في أول رد على الموضوع أن بن ناصر وقع في مطب .. بصرف النظر عن الكتاب وملكيته ولمن تعود الملكية ..

وبعد الأخذ والرد شوفوا رد على ابو علامة والكلام الذي إقبسه من من ناصر ...

((أكيد سنجد لدى محرقي العشاش.. و ( ريح الله .. يا ريح الله ) : الإجابة السديدة .. وكلمة الفصل .. وقول الحق .. بلا مواربة ولا مجاملة .. ولا أماني أو مناني .. بتليين الضروس ))الرجل الله يصلحه اتهمنا باننا نقبل الرشوة حتى نميل مع واحد دون الآخر ..

اسمعوا وش اقول وبعدها لكم أن تحكموا هل لنا الحق في مطالبة بن ناصر على هذه التهمة الكبيرة ..

البدع
وش قصد بن ناصر أمسي بتليين الضروس
انحن ما نعطي رشاوى ولا نأخذ رشا
هذي التهمة كبيرة بقانون القضى
إما يأخذ حق وإلا فيعطينا حقوق
والكتاب اللي نشرته مثبت من شهوده
لو تنازل عنه لك حق في ملكيته

 

 

ابشر يا ابو عبد الله باحاول ارد الكتاب ونشوف موضوع الثور خاصة وان الرجال يوم سمع طاري ذبح الثور غدى عقله خاصة وان الوسمية قربت ويقلون انه حوالي شهار يدور واسطة تدخله المستشفى يرتاح له يومين ويدرق عنا او على الاقل يكشف بلاش واحمد بن فيصل الله يكثر من امثاله يدور لم المسائل على طريقته ومدنى ما اعجبه لو تهاب له ورك من ثور بن ناصر وتعطيه الجلد ما اقتنع وجا عبد الله بن رمزي زيره ينفح بالعصي ومعه طرق ثاني يغنيبه والرجال من شدة ما في قلبه هبا قصيدة والظاهر ان الموضوع خرج عن السيطرة وكذلك بن ناصر الله يفك له مثل ما قلت لك قاعد يهذري مرة مصري ومرة يرطن اردو ومرة يهذري بالكشافة وانا ما ودي عليه بخلاف جهدى ونا ما اخفيك والله اني احبه لكن فك عنا شوية وبنتشاور انا وعبد الرحيم وعلي ابو علامة ونشوف وانا ما نيب فاضي الايام هذي قاعد ابغر بلادي وشقى يشق الوجه .

 

 

المشاركة الأصلية كتبت بواسطة ابوفارس

.... من كثر تحريق العشاش ... اتوقع الاداره تفتح فرع للدفاع المدني ... في الساحات

.

لا يابو توفيق لا هنت انت والربع

الدورة على ابو فارس ما تشوف وتقرا الي كتبه

يعني وش قصده ...

بالله هذا كلام ينسكت عليه؟؟؟

وينكم ياااااااا عزوتي

 

 

.

*****

ابداً ابداً ابداً
ما ينسكت على هذا الكلام وتصدق يا أبو اديب اني كنت افكره يمدحنا والله يجزاك بالخير ذا نورتنا الله ينور بصيرتك

وتراني معك يا جبلنا الأشم حتى لو ودك نبطل من الصلح فما يمنع

المهم ودنا نشوف رأي ابو سامي عسى الله يوفقه

*****

 

 

انا اشوف ان بن ناصر ما قصر وجاب الثور ورد الكتاب وما عاد لنا عليه طريق وما بقي عليه الا ياخذ بخاطر ابو سامي لانه رجال حساس .

واما ابو فارس فالرجال يتوقع فتح فرع للدفاع المدني تحسبا لاي طارئ ولا اشوف ان في كلامه خلاف والله اعلم وانتم ادرى .

(يعجبني اخلاص محرقي العشاش ما يبغون يفكون واحد الا ويستلمون الثاني وهذا من وجهت نظري اخلاص للمهنة الله يفتح عليهم ).

 

 

المشاركة الأصلية كتبت بواسطة جبل الشعبة

واما ابو فارس فالرجال يتوقع فتح فرع للدفاع المدني تحسبا لاي طارئ ولا اشوف ان في كلامه خلاف والله اعلم وانتم ادرى .

(يعجبني اخلاص محرقي العشاش ما يبغون يفكون واحد الا ويستلمون الثاني وهذا من وجهت نظري اخلاص للمهنة الله يفتح عليهم ).

والله اني اعتقد انا بنحول الشد عليك

اعتقد ان جلدك ياكلك وودك نصهدك بحلم والا حلمين

واهي حامت حداديك

 

 

الله يسعد صباحكم بكل خير

بن ناصر بيض الله وجهك وسمعت كلام عبد الله الزبير سمي الشاعر الفريض
والحمد لله إنه أشار عليك بالقبول ..

طالما أن الأخ نايف دخل في الموضوع فمثل ما قال الأخوة كلامه لايرد وله ما طلب ..
إضافة إلى أن على أبو علامة وقال دوننا ونحن من عادتنا نوفي كلام من قال عنّا ..

وأنت عزيز وغالي والحقيقة ما ودّنا تقعد حد الوسمية تدوّر لك على من يبغر بلادك ..
لكن نفسي اعرف كيف تقدر تتقود ذاك الثور ما شاء الله عليه ( لا تقول صكوه بعين )

يا جبل الشعبة (وبن رمزي سمحوا خاطره ما ودنا بتعبته وتعبت الشاعر تضر والشور شوركم وأنا مثل ما قلت ما اقدر أتقدم على الرفاقة لكن بنرد منكم إن شاء الله وما يكون إلا خير) .

إنا متنازل طالما أن الرجاجيل قالوا عنّي ... لكن الظاهر إنك أنت اللي تدور على رضوة .. وإلا كيف تقل ما تقدر تتقدم على الرفاقة .. الرفاقة قالوا عنّا كلنا ولا لهم إلا وفاية ..

أبو فارس .. لم يقل خلاف من حرصه على بقاء الساحات عامرة فقط لأنه يتوقع بين الحين والآخر أن دخان الحرايق سيعلو الساحات الرجال متعود على دخان المصانع ونارها يعلو المدينة الصناعية .. ومن كثر ما شاف من وحدات الدفاع المدني يتوقع ذلك ..
(ويبشر ببوسه) على جبينه لحرصه علينا .

 

 

كان هذا املي فيكم ولم تخيبوه وكنتم عند حسن الظن 00 الرجال من جماعتي ومن قربتي ومن لحمتي وبحسن نيه تصرف ما كان متوقع انكم جاهزين واحمد الله انكم عفيتم وصفحتم ومن عفا فاجره على الله 00 لكــــــن ارجوكم لا يبقى تحت الرماد ه 0 جمره 0 وتزيد تشتعل بفعل فاعل او غيرمتعمد بيض الله وجيهكم وترى حقكم عليه اجيبه لكم والا تكرموني تجون تاخذونه وتمنحونني شرف اكــــــــرامكم ورضاكم والرجال ما قصر وانا متأكد انه شـــــــاريكم 0 لكن0 انتم عيونكم0 حمراء 0 ويلينا 0 مدري 0 لجل 0ايش 0 وانحن ما نستاهل 0 لو ما يشفع لنا عندكم الا حبنا لكم وليت الناس مثل بن رمزي لا تتعذرون به كثر الله من امثاله وامثالكم جميـــــــع
وســــــــلامتكم وخــــــــاتمه