أزمة غضاريف الحقوا؟

أزمة غضاريف الحقوا؟

يقول صاحبي الدنيا تغيرت والاسعار فالعلالي وكل يوم ازمه وش رايك نسوي ازمه قلت كيف يعني قال ازمه زي ازمة الحديد والاسمنت والحين البيض قلت البيض ازمه قال ايوه يقولون الدجاج ماعاد يبيّض الا بالواسطه لي يومين ادور بيض مالقيت وصل الطبق 20ريال قلت منحن تجار عشان نخنق الناس قال الا معنا شي نقدر نسوي به ازمه قلت وشهو قال الغضاريف قلت الغضاريف كيف قال نسري على لوز الناس ونجتنيه وندسه وماناهب فالسوق منه الا شويه وشوف الناس لاتخابطوا فوقه حتى اللي مامعه سنون عشان انحن شعب يحب يصف سرى في كل شي وحتى مسؤلينا ينبسطون من الزحمه ويفرحون لاشافوا الناس محتاجين وحد خانقهم قلت وبعدين قال بعدين لاشفنا الناس غزلت عالغضاريف وارتفع سعرها حملنا ونيتك كراتين وبسطنا به وخليناهم يصفون سرى عندنا وبعنا بالسعر اللي نحب قلت طيب ولاحد اشتكى ومسكونا قلت ارقد ماحد عندك لوبيمسكونا كان مسكوا اللي قبلنا الدينا خربانه وماحد عندك قلت تقولها قال اقولها بس زهب كشافك وكراتينك والليله امر عليك لارقدوا الناس قلت طيب ماهو حرام قال واللي يسوونه فينا ماهو حرام لي شهر ادور 10 قطم سمنت مالقيت كل ماجيت عند سياره وصفيت سرى مايصلني لين يبيح تقل الناس ماتاكل الا سمنت قلت طيب ولا يبست الغضاريف قبل نبيعها قال بسيطه نسوي ازمة لباب بلدي لاتخاف كل ازمه عندنا لها ازمه انا صح والا غلط؟

منقول من مقالات الكاتب الساخر(السيدغلط) موقع ومنتديات العقشان

 

 

حياك الله يا ابا علي وحيا صاحبك سيد صح تراحيب المطر .
من بابة الازمات فرأي الرجال صح 100% وش الي يمنع من ازمة الغضاريف ؟ وكل حر في غضاريفه ما دام كل يختلق له ازمة ، السمنت فيه ازمة والبيض فيه ازمة والشوارع في جدة كلها ازمات . فمن عنده غضاريف يسوي ازمة والا يتسرق غضاريف الناس ويسوي ازمة وديتها كشاف وقفة يا هب الغضاريف فيها .
شكرا لك يا حبيب الجميع وسلم لي سلام خاص على السيد صح وقله كثر الله من امثالك وانت دائما تضع اصبعك على الجرح .
ولا تنس تسلم لي على الغضاريف تكفى والله يا غربتها .
وهذي عينة منها .

 

 

مقالات ساخره اكثر من رائعه بل اقوي من مقالات كتاب كبار في الصحف ميزانيات بارقام خياليه والبلد تعيش في ازمات لاتنتهي ويا زمان العجايب وش بقي ماضهر صديق عزيز من اهل المدينه همس لي بكلمه اضن انها ستبقي عالقه في ذهني قال انا واخويه ندور في مخابز المدينه المنوره نبحث عن خبز ما نبحث عن استكوزا وجمبري اشاره منه الي زمة الدقيق اخيرأ الله يسمعنا خير وبس شكرأمن خارج الحدود والشكر موصل للاستاذ صح

 

 

حياك الله من خارج الحدود وحيى صاحبك السيد صح فعلا نحن نعيش الأزمات
وكل يوم نسمع عن أزمة كذا أو كذا ومايمنع أن تعملو أزمة غضاريف كان
الله في عوننا نحن الغلبانين ومن أزمه إلى أزمه وياقلب لاتحزن يعني من جرف
لدحديرا إسمح لي فقد قمت بنقل الموضوع لعدة منتديات لشدة إعجابي به ولأنه
يحكي واقع ملموس تقبل مروري ومت بصحة وسلاااامه 0

 

 

تكفا يا من خارج الحدود ... تقول لصاحبك السيد غلط إلى سرى على لوزنا في سد الخيال فيه لوزه في الجناب الأعلى الثالثة على اليمين خله يخلي لوزها على جنب وإلى عدت صاف سرى على الونيت ووصلت عنده وقلت ياعم سيد غلط ورفعت اصبعي الشمال !!! على شان يدري انه أنا اللي وصيتك تتوسط عنده ويعطيني من الغضاريف اللي من اللوزة اللي علمتك عنها ...خلاص ؟.. تم ؟..بتعلمه ؟ بيض الله وجهك ووجه السيد غلط .

علي بن حسن

 

 

هلا والفين هلا بالغالين بني ...... قصدي سيد غلط آآآآآسف سيد صح صح ومليون صح
والظاهر انك تدق على اوتار حسااااااسه بمسامير صلب
لكن من يسمعك تنفخ في قربة مخروقه مشقوقه بعد الشغله خربانه وكل من ايده اله
وهذا حالنا من جرف في دحديرا والله المستعااااااان
وما حيلتنا ؟؟؟؟ الا
الصبر الين يفرجها ربي

المهم وقصره لك مني الف تحية وتحية على هذا الغلط
بس احب احذركم لوزنا ايني واياك تقبل عليه والا والله لا اهلوي سلابك انت وهو
خلك عاقل ومن بعيد لا يجيك علم ثاني
علم ياصلك ويتعداك انت ومن خارج الحدود ..

واخيرا ارفع الغترة والعقال واحتمال الطبقة العليا من الصلعة
تقديرا واعجابا بغلطك الي حدك عليه الزمان الاغبر الله يخارجنا وبس ..

تحياتي للحبيب من داخل القلب الذي اتحفنا بهذا الطرح الراقي
ولكم مني خالص الشكر والتحايا
ودمتم للوز حامينه
اقول اذا نويتم السرية على اللوز مروا علي تراني خويكم
وادلكم على احلى لوز في الوادي ولا تعلمون فديت الخنافر .

 

 

جت على الغضاريف ياسيد غلط ............ الناس يسرقوني وانا اسرق أهلي وجماعتي ..!!!

وإلا تبي تتعلم الحلاقه في روس الأيتام

بس انا شايفك صح .... لأنك ايقنت أن العالم كلها تسرق وتلهف وما احد يحاسبهم ... وأكيد قلت المسألة مدروسة مسبقاً ... ولنا في السابقين من الحرامية عبرة .. كل من سرق ترفع او ترقى أو اعفي من العمل من أجل يستمتع ويتفرغ لأعماله الحره بالملايين المسروقه دون حساب ...

صدقني ...... ازمة لي اسبوعين ادور اسمنت وماني محصل !!!

يمكن ما عندنا مصانع اسمنت ... او فيه حرامية في البلد وما حد شايفهم ؟

 

 

ان لحقتم شيء مع البنقاله حظكم طيب 0 الله يرحم ايام زمان 0 كانوا يمنعوننا من نجنيها خضراء لاجل يبيعونه لوز 0
وكل شي تغير والحاله اصبحت اكبرمن الكلام فيها 0 وما بكم من نعمه فمن الله وعلينا ان نتفقد انفسنا تحياتي 00

 

 

أهااااااااااااا هنا ياسيّد غلط منت صح
أوّلاً بتسوي أزمة سرقة ن لوز النّاس والسارق تقطع ايده ولامن يتشفع له

ثانياً- انت تبغي تحلّ أزمة الإسمنت بافتعال أزمة الغضارف ولاتحل سرقة بسرقة

ثالثاً مايصير نكون إمّعة مع كل من دق طبله قلنا انحن قبله!!

والخيرة فيما اختاره الله تعالى وأزمه الغلا بتعدي
وانت هدّي الله يسلمك وتعيش وتاكل بيض مسلوق
ويسامحك سيلت لعابنا على الغضاريف يمممممممي

ورد وود