•.°.•ஐ• |[ مشاعر طفلة يتيمة الأم ]| •ஐ•.

	يـــمـــه تكفين اسمعيني .. يمـه بسألك شي .. جاوبيني .. هو صحيح اللي مات داخل القبر يصير حي .؟ يــمـــه : أسمع أنــا صوتك .. كل يوم اسمعه .. واذا حاكيتك هاوشوني .. قالوا انسي .. روحي يالله العبي .! يمه تعالي ارجعي .. والله خلاص بسمع كلامك .. ما اخرب العابي .. وان قلتي يالله .. روحي نامي .. أروح حتى ماتزعلي .. يمه تكفين ارجعي .. اليوم حطت لي المديرة .. نجمه من فوق جبهتي .. يمه سمعتها تقول .. مسكينه هالبنت صارت يتيمة .. قالت لها أبله منيرة .. مسكينة توها صغيرة .. وش كانوا يقصدون .؟ يمكن عشاني صرت عاقلة .. ولا عشاني دايم اسرح .. يمه مريولي توسخ .. ماكان قصدي أوسخه .. بس تذكرت انك تقولي .. بعد شهرين .. بشتري لك لبس ثاني .. يمـه تعالي اشتري .. يمـه عرفتي مها .؟ صديقتي اللي معي .. زاعلتني .. تقول ماصرت أنا أضحّـكها راحت تدور غيري عشان تلقى أحد يونّسهـا يــمــه : يالله خلاص لاتمزحي .. يالله قومي .. تعالي معي للبيت ارجعي .. يمه .. يمه .. نسيت شي .. بقولك ترى بيتنا صار فاضي .. ماحد يجينا .. وكل اللي فيه أنا واخواني .. ليه وين اقاربنا .؟ وين خالتي .. اللي كانت تجينا .. يمه قومي يالله تعالي .. تكفين يالله تعالي .. ماودي ارجع لحالي والله خايفة .. ترى أمس جيتك .. مارديتي .. حسبتك نــايمة .. أو أقولك .. خلاص خلاص .. انا بجيك بكرى .. إذا راحوا من هنا الناس .. تكفين يمه بكرى اصحي .. تكفين يمه بكرى ارجعي .. !! مــــــــنـــــقــول !! حفظ الله والدينا وعافاهم ، ورحم موتاهم ..