محاورة حسن الدوسي وبن درويش 25-3-1431هـ

محاورة حسن الدوسي وبن درويش 25-3-1431هـ شبكة الفنون الجنوبية 0

المحاورة كانت في موضوع إفرد عضلاتك وجرِّب قدراتك الشعرية - وهي على طرق قديم جدا جدا :

بــــدع / حــســن الــدوســي : =
حسن يقول الرّازقي ما يبين إلاّ بتشريق عـود =
في مزرعٌ ممتاز ومقدّرٌ بالفِعل عن مزرعيـن =
لكِن إلى غلّق زمان الزِّراعه وانتهى درج مال =
يا مِن غفل عن حقلة الرّازقيّه وش ترازم لها ؟ =
-- =
الـــــرد / بــــــن درويــــــش :=
مدري تبى بيع القعادين والا قـل بتشـري قعـود =
لا تنظر اِجمال العرب حافظ الاعيان عن مزر عين =
راع الحمول الكايده ما تلهوى وان تهـادر جمـال =
جَنّب عن اصناف الجمال العناوي واشتـرا زملهـا =
*=
بـــــدع / حـــســـن الـــدوســـي : =
حيِّيت يا مِن يعتلـي للجُبـال الشُّـمّ مِـن كُمـح سـود =
ومُعَاملاتك حَاضِره مـا تجـي بالدّيـن وإلحـاق ديـن =
يالشَّاعر ( بن درويش ) تِستَاهِل المكسى ومِن بُشت عال=
وصُحبتك وِدِّي بها .. حتّى بعد الفرقـى اعوشِـم لهـا =
-- =
الــــــرد / بــــــن درويــــــش :=
يا صاحبي يا كم تجينا من النظرات .. من كم حسود =
وانا تعبت اداري اهل الحسـد والظلـم والحاقديـن =
صغيرهم يضحك لنا واثر قلبـه يشتعـل باْشتعـال=
الله كـم مـن لمّـتٍ للحبايـب فرقعـوا شملـهـا=
*=
بــــدع / حــســـن الــدوســـي : =
يالشّيخ بِن درويش سوق الفلايس كم كلى مِن نقود =
واهل التِّجاره يحسبونه على الشِّده مِنشّـى متيـن =
انهار في لحظه وسبّب في اصدور التّجر قيلقال !! =
وجروح الاسهم زايدٌ فالخواطر واشلهـا واشلهـا=
-- =
الـــــرد / بـــــن درويـــــش :=
بعض البشر لامن حكى ما يجيب الاّ كلام النقود =
اللي حسبت إنّه يواسي لنا يطلع من الشامتيـن =
قفيّت ظهري للسذج لآ بدوا في هرجة القيل قال =
وانا لك الله يا حسن ما خفاني وش لها وش لها=
*=
بـــدع / حــســن الــدوســي : =
وِدِّي نُغيِّر مشْرب المُرّ بالحالي معَ بِن سعود =
مادَام باقي وقتنا طيبٌّ والعلم والجـاه زيـن =
ونوزِّع الرّايات للبِيض جالٌ بيْن والصُّفر جال =
والرّايه الخفّاقه ما تِحتِكِم للنّاس تحـت اللهاء =
-- =
الـــــرد / بــــــن درويــــــش :=
هذا وطنّا كّلنا تحـت ظـل ورايـة البـن سعـود =
اذا دعانـا مانتوانـا وحنّـا للـعـدا جاهـزيـن =
من دونه آلاموال وارواحنا .. وجيوشنا صف رجال=
والموت ملحوقٍ على كـل دولـه جـات تحتلّهـا=
*=
بـــدع / حــســن الــدوســي : =
حِنَّا حُماة المملكه نِحتِمِيهَا بالسّيوف الحـدود =
لنا عُزُومٌ تقهر المُعتِدِي فالحرب ولنا يميـن =
وشِرذِمة لارهاب لا جت تحلّل دُورنا بإحتلال =
نحُدّها ع الموت في ساعه لابوها وابو شكلها =
-- =
الــــرد / بـــــن درويـــــش :=
ايماننا بقلوبنا والجيـوش الحازمـه عالحـدود =
واهل العروبه رايهم صار بين الغشم والنايمين =
كنْهْم يقولوا: مالنا الاّ اْنترّقب دورنا باحتـلال =
وارض العراق اظن ما تقنع اوباما وبوش اكلها =
*=
بـــــدع / حــســـن الــدوســـي : =
مِن شِدّة المِقيَاض جاء للغُرُوس الزّينه حِتَّـات عُـود =
وآخاف ما يلقون حبّ الدُّخُن وإن تهمْـن الصّابريـن =
ولا عد ادري كيف بعد الوُقُوت الشِّينه يِبِني الحلال ؟!=
الوقت شقّاها وهي ترتجـي المرعـى علـى مهلهـا =
-- =
الـــــرد / بـــــن درويــــــش :=
يا زين غبت وما تذوق العيون النوم حتّى تعـود =
طوّل غيابك وآآتصبّر عنى وانته من الصابريـن =
اضحك معَ العالم وقلبي تقطّع حيل يابن الحـلال =
والدار ظلمى كل من شافها ينشد : علام اهلها ؟!! =
*=
بـــدع / حــســن الــدوســي : =
ختامها ذِكر الذي جاد بالخيرات ونعم وزود =
سُبحانه المعبود وإنحن على طاعته ومتايبين=
ميسِّر الابصار وبقُدرته جايت مُنح للمُقَـال =
لكِن بعض النّاس يِتعِب عيونه في قلوقا لها =
-- =
الـــــرد / بـــــن درويــــــش : =
يا تاج راسي يا حسن يا حزام الجمب ونعم وزود =
واللي وعدنا في ظهوره متى ياتينا واْمتى يبيـن =
الشاعر اللي في مقامه يوّرد لي من احلى المقال=
امّا تجيبـوا مثـل قولـه لنـا والاّ قلـوا قالهـا =
--=

وسلامة الجميع ؛؛