رسالة إلى سيده الحلوين

ألا يا شمعة ضوت

بدربي كل شيء زين

ألا يا مهجة الخاطر

ألا يا عطر أوقاتي

ألا يا سمحة الخاطر

ترى قسوتك عندي لين

وقولك يا حبيبي لي

تزيل الهم عن ذاتي

أبوصفها وش أوصفها ؟

ملاك كاملة بالزين

وزاد الله حلاها

يوم صورها بنظراتي

جمال الغيد في كفه

وهي زادت بعد ضعفين

خلق مع دين مع رقه

وصبرا فوق طاقاتي

أنا داري دواويني

بتعجز عن سداد الدين

وأحس إني مقصر لو

كتبت الشعر وأبياتي

عرفتوا من لها أبياتي



ومن هي سيده الحلوين؟


هذيك أمي يا هيه أمي

لها بالقلب نبضاتي

أنا قصرت يا يمه

وأبي منك سماح ولين

وغفران الزلل يمه

وأنا عيبي بزلاتي

أنا ما أبي سوى جنة

تحت رجلينك الثنتين

وأبي ترضين عن ولدك

وأبي تمحين غلطاتي

أنا لي قلب يا يمه

وبي خوف ولي كفين

ما دامي حي يا يمه

أبدعي لك بخلواتي



استمع للابيات

هنا

أبيات سمعتها فتذكرت أمي رحمها الله


رحم الله موتانا وموتاكم وموتى المسلمين




تحياتي
...........