يا صــاح للشاعر الأمير خالد الفيصل

يا صاح أنا قلبي من الحب مجروح = جرح عطيب ما لقـالـه مـداوي
لو ينشـرى قربـه شرينـاه بالـروح = ميـر البـــلا شوفـه غـدا به هقـــــاوي
أهل دمع فوق الأوجان مسفـوح = علــى الـذي مـا هــو باللغــدر نـــاوي
أنا أدري إنه مثلي اليوم مطـروح = لا شـــك مـا يقــوى ولآنــي بقـــــــاوي
لو لاي أداري سر الأحباب لا بــوح = وأبيــع بيعــــات الهبيــل الفــــــــداوي
لكنـي أجحـد فيه عن كل مفـضوح = خوفــ عليـه مــن الحكـي والدعـاوي
حسبي على اللي حط في الدرب ساموح = العاذل اللــي جـــر كـل البــــــلاوي
من أول بــاب المواصيـــل مفتـوح = يــوم إن عـــذال المـودة خــــــــلاوي
واليـوم سد البـاب لوح على لــوح = وأمسيت انا يا صـاح قلبـي شقــــاوي