مجموعة قصائد الأمير خالد الفيصل ( دايم السيف )

أنا السعودي رايتي رمـز الإسـلام .... وأنا العرب واصل العروبة بـلادي
وانا سليل المجد مـن بـدأ الأيـام ... الناس تشهد لي ويشهـد جهـادي
دستوري القـرآن قانـون ونظـام .... وسنة نبـي الله لنـا خيـر هـادي
أمشي على الدنيا وانا رافـع الهـام .... وافخر على العالم وانا اجني حصادي
إذا تأخـر بعضهـم رحـت قـدام .... واذا توارى خايـف قمـت بـادي
إن جيت ساحات الوغى صرت قدام .... وإن صرت بلحالي فلانيب عـادي
واظهر على غيري إذا صرت بزحام .... عقيـد قـوم بالطبيعـة ريــادي

 

 

.

*****



*****

 

 

ماجد الشهري

تسلم يالغالي مبدع في اختيارك وذوقك

تسلم الفكرة وصاحبها

 

 

الأخ ماجد الشهري :
أبدعت في إختيارك أجمل ماكتب الأمير خالد الفيصل
لك تحياتي وبالتوفيق .
علي بن حسن

 

 

المشاركة الأصلية كتبت بواسطة علي بن حسن

الأخ ماجد الشهري :
أبدعت في إختيارك أجمل ماكتب الأمير خالد الفيصل
لك تحياتي وبالتوفيق .
علي بن حسن

الاستاذ علي بن حسن

وجود في موضوعي شرف كبير ودعم لي

الله يطول عمرك ويمدك بالصحه والعافيه

 

 

تسلم ياماجد ابو توفيق والله فتحت ابواب مقفله من زمان

 

 

المشاركة الأصلية كتبت بواسطة ابو الفوارس

تسلم ياماجد ابو توفيق والله فتحت ابواب مقفله من زمان

عسى الله يسلمك ويفتح لك ابواب الرزق

 

 

يا شايل الظبي

يا شايل الظبي بيــــن أيديه = يستاهل الظبي مـــن شاله
بالهون بالهون يـــــــــا مغليه = معطـيك ظـبي الفـــــلا حاله
غزالك ارتاحه مـــــــع راعـيه = يبـي على الصـــــدر مقياله
الشوق لـــك بالهـوى طاويه = والنفـس لـــــــك دوم مـياله
ظبيك طبيبك خوف الله فيه = وهـو يـداويك بوصــــــــــــاله

 

 

تنشد عن الحال

تنشد عن الحال حالي كيف ما شفته=وانا احسب انك قبل ذا الوقت تدري به
في خاطري لـــــــــك كلام مير ما قلته=أجنبك ما يحسك لـــــــــــــو حياتي به
هـــــــــــــــم جديد على الأول تحملته=عنك اتحمل كبير الهـــــــم وامشي به
رحــــــــــــــــت اتمثل بطبع لك تعلمته=لى صــــــار لك غالي لياك تشقي به

 

 

فدوة عيونك

فدوة عيونك لـــــــــــــو غدت روح مغليك=وش عاد لـــــــــــــو راحت لعينك عشاير
ابيع مــــــــا يغلى على الكون و اشريك=و اسوق لَـــــــــى جتني علومك بشاير
و ازعّل جميع الناس بــــالحيل و ارضيك=و اصبر ولو دارت علَيّ الـــــــــــــــــدّواير
و آخذ من ايّامي لك ايــــــــــام واعطيك=وان راح عمـــــــــري لك فلا هو خساير
احب انا شوفك و صوتك و طــــــــــاريك=دايم وفكري فيك هـــــــــــــــــايم وحاير
بالصمت اهوجس بك و بالصوت اناديك=و الله عليم البيّنـــــــــــــــــــه والسّراير
انـــــــــــــا و قلبي و الهوى بين اياديك=عنـــــــــــــــــدك مفاتيح الهنا للضماير
مــــن روحي احبك ومن روحي افديك=يــــــــــــامن غرامه و الحسن فيه ثاير