رحمك الله يا أمي

خايف عليها من الثرى غطاها و الا الحصى حافي اخاف اذاها

اكرم عليها بالكفن يا شيخ بالبيت ضل فراشها وغطاها

اكرم عليه بالكفن هذي امي و شهد عليها في ما عطت يمناها

هذي الضحى واليل يتحرونها هذي السماء و نجومه تنعاها

هذي السوالف مثلنا تبكيها والارض تنشد عن اثر لخطاها

هذي الكبيره كبر هذي الدنيا هذي العظيمه جل من سواها

ابكي عليها مو نهار و ليله و لا سنه تمشي وعد قضاها

ابكي عليها كثر ما شالتني و كثر الحنين الي اختلط بغناها

و كثر الاسامي و كثر من سموها و كثرالنجوم و كثر من يرعاها

ابكي عليها من القهر يا دنيا من لي انا عقب فرقاها

من فتحت عيني و لا خلتني و شوفوا ولدها بالقبر خلاها

هل التراب بوجها ما قصر شفتوا ولدها كيف هو جازاها

لوانها مكاني ما سوتها لاكن اعز عيالها سواها

يا دود يا دود شفها ذابله جنبها انا ولدها

و حاضر وأفداها قطعني هاك الذي تبغى من جسمي بس الكريمه لا تجي بحذاها

و وصيك امانه قل لها تعذرني و تكفى تروح تحب لي ماطاها

ابيها تغفر لي مثل ما كانت كل خمله مني بطيبها ترفاها

يالله عساها بنعيم الخالد و عساها في جنة عدن سكناها

يا فضو هذا الكون يا هو خالي يا ضيق هذي الدنيا يا مقساها

يا مر طعم فراقها يا مره ماني مصدق ارجع وماألقاها

و كيف اجي غرفتها ما هي فيها وش عذري لسريرها

وش اقول انا لدولابها واذا سالني حناها وعباتها

وماء زمزم والمبخره ودواها الكل في غرفتها

متفقدها حتى الجدار متفطر و يرجاها الكل يبكيها ماهو ناسيها

يالله صبرني وكيف انساها ياليتها مارحت و خلتني او وسعت لي بالقبر وياها

(رحمك الله ياامي رحمة واسعه وغفر الله لك واسكنك الله فسيح جناته وانا لله وانا إليه راجعون ) منقول