"يسعـد صبـاحــكــ "

.

"يسعد صباحك"






يسعد صباحك ياحبيبي حالي طيب..

كل شي مثل اللي كان...المدامع..والمواجع..والأمان اللي اختفى لحظة غيابك..

والليالي اللي مضت..مثل الليالي اللي مضت..

الهم عازف.. والدمع نازف.. والعمر في غيبتك حاير وخايف..

حتى جراحك وسط قلبي مثل ماهي..

وفي شفاهي باقي نفس الكلام اللي بقى آخر لقى..

مثل ما انت ياحبيب الروح شايف..كل شي مثل اللي كان وحالي طيب..


.. يسعد صباحك ياحبيبي ..


هذا انت... كل ماضاقت بي الدنيا تغيب ..

وكل ماضاقت بك الدنيا تجيني ..

هذا انت... إن كساك الهم صرت أوفى حبيب ..

وإن نساك الهم تتياهى بأنيني ..

مثل ما انت ..دايم تجي في وقتك حبيبي بعد ماوقتك يروح..

يا آخر دموعي وشجوني ..وأول إحساسي جروح..

مابقى بي من عذابي ياحبيبي إلا انت

وهذا انت ياحبيب الروح شايف..كل شي مثل اللي كان وحالي طيب..

.. يسعد صباحك ياحبيبي ..



هذا ضي الصبح.. أو هو بعض نورك ..

هذا همس الورد.. أو دافي شعورك ..

من هو مثلك في غرورك....

جيت متأكد بسامح.. راسم الطيبه ملامح ..

ماهو بدري...؟

انت تدري..ماقتلني غيابك أكثر من حضورك..

ايه كان العمر داكن..ايه كان الهم ساكن وقتي بعدك..

بس أنا ياضي عمري..كنت عودت الأماكن تألف بعادك وصدك..

.. ياللي مايرضيني ضعفك...

مدري أنثر فوق كتفك أغلى دمعي.... أو .. أردك...؟؟






لـــ عبدالرحمن بن مساعـد


.

,

 

 

*

قصيدة من اجمل ماكتب الشاعر الامير عبدالرحمن بن مساعد 00 سلمت الانامل
واقبلي مني هذه القصيدة تعبير عن اعجابي بالموضوع00

يسعد مساك الله يمسيك بالخير = والله يجمّل في حياتك حياتك
ويسعد صباحك كل ماغرد الطير = والله يحقق لك جميع امنياتك
غيرك ترا ماله مع الوقت تأثير = ولا له من اللي تملكه من صفاتك
انت الوحيد اللي فقط بس لاغير = لو قال روحك قلت سهله وجاتك
دقيت في قلبي ثلاثة مسامير = وعلقت فيها ياحياتي غلاتك
الحب والاخلاص وشوق الغنادير = وصايفك من طيب اصلك وذاتك
(بنت) الرجال اللي تقود الطوابير = والطهر والعفه توشح عباتك
هل ياترى بنساك واترك للغير !! = انت مناي دامني لك مناتك
وكانك تبينا نسكر الحب تسكير = اذكر ترى نزّع المسامير فاتك !!
مصيرنا فاللوح مافيه تأخير = ساعة وفاتي تختلف عن وفاتك
لو افترقنا فرّقتنا المقادير = والله يصبرني على ذكرياتك
آمر تدلل مابي منك تبرير = والله يحقق لك جميع امنياتك

للشاعر/ مسعود الحويزي

معاند الجرح

*

 

 

.

*****

مشيـنـا فـالـدروب ومــا لقيـنـا للجـفـا عـنـوان = أخـاوي نبـض خطواتـه وهـو مثلـي يخاويـنـي
تشابه لون طيفه في عيوني والوصـوف ألـوان = ولا مـنّـه تـكـدر خـاطـري بالحـيـل يرضيـنـي
ولو جار الزمان إللـي جمعنـا بالطريـق وشـان = مصيـر الحـي يتـلاقـى ومهـمـا غـبـت تلقيـنـي
أنا مهما ذبـل وردي وبانـت حيريتـي.. إنسـان = أعانق قلب وافـي مـن خمـور العشـق يروينـي

(منقول)

*****

 

 

.

الأخ معاند الجرح

الأخ عبدالرحيمـ بن قسقس

اضافتكمـ أعطت الموضوع بهاء

شكرا لتواجدكمـ

.

 

 

السلام عليكم ورحمة الله وبركاته

شموخ اسم شامخ في كتابته في عطائه في تواجده في بقائه دوما.

ننتظرالمزيد منك لاعدمناتواجدك.

 

 

.

أخـي " مشرف الأدب والقصة "


يشرفنـي تواجدك فلقد وضعت بصمـه بتشجيعك


عطاء دائمـ من الجميع

شكرا لك

.

 

 

 

 

موضوع جميل وكلمات أجمل لشاعرمبدع وفنان...

تقبلي إضافتي.


اسألوا دمي


اسألوا دمي .. وسعادتي وهمي



اسألوا التوفيق ..

والكدر والضيق

اسألوا الطيب في صفاتي ..

والدعاء اللي في صلاتي

واسألوا شهودي ..

الدموع اللي في سجودي

اسألوهم .. واسألوا دمي ..

عن غلا أمي

 

 

كل صباح أحسه يمر بلا معنى ..
إن لم أُبادرُك فيه بكلمة
.. صباح الخير ..
كُلَ أيامي تجيء ناقصة مُملة
عارية من رونقها إن لم تكُن أنت
أول من أراه ..
فقط .. حين أراك تُطل من شرفة الوقت
كياسمينٍ يفوح منه رائحة النقاء والطُهر

.. أقول ..

صباح الخير
صباح العمر الذي أشتهي
صباح الدفء الذي يحتويني
صباح الندى والرحيق
صباح الدقائق التي تستحيل حين قدُومِك
عُمراً يتوهج بالعشق الأبدي ..

وحينما نلج في بوابة البوح أُبصِرُ في أ حداقك
البحر يهبُ اللؤلؤ والمحار
أبصرُ العصافير تتلوا نشيدها
والمطر الذي يُعشب الأرض بالأمنيات
والحقول بالآمال
تداعب كلماتك مسامعي
كنسيم يربت على كتفي المُثقل بوعورة الأيام
كُل يوم أنتظرك
بشغف اللهفة .. وأنت تحمل في أناملك أجنة الزهر
أنتظرك .. أنت فقط
لأفتح نوافذي للشمس وشعري للريح وجداولي للعذوبة
أنتظرك ..
لأنطلق معك من كهوف الليل إلى رفقة ينابيع الضياء
نُحلق معاً وننتقل إلى مدائنك
من زهرة إلى زهرة
فمدينة الورد مدائنك وعنوانك
وفصل الربيع شهادة ميلادك الفتي ..
أنتظرك ..
ومعي تنتظر الكائنات مجيء صباحك البهي

..صباح الخير ..
أيها المتشح أبداً بوشاح الجمال ..
حضورك يعني مواكب الجمال وأعراس الربيع ..
حضورك يعني أن تخرج الأرض كنوزها ..
فيا لحضورك الجميل الآسر
أُحبك ..
أُحبك .. أيها العاشق
وأُحب حريتك الجميلة
ومدائنك .. وحقولك ..

..أقرئني لأخر مرة ..
((.سأفتح لك عيني))

 

 

.

أخـي ~ ساهر الليـل ~


إضافـهـ مميزهـ من أخ مبدع بتصميمـ البطاقـات


شكرا لك

.