مابين ومابين

مابين حق النفس والدنيا وحق الوالدين
ومابين تجريح العباد وهرجها وسكاتها
ومابين رغبات اليسار ورغبه اصحاب اليمين
انا ضحيه عالم(ن) تمشي وراء شهواااتها
طيب واحب الطيب وامشي في سلوم الطيبين
لكن قلــــــــــــــــــــوب الناس تصدمك نياتها
الطيب فاقدله عرب والحق فاقدلـــــه عوين
والحســـــــد اكبر ظاهره تنشر علي راياتها
والحب نغمه مـــــابها غير التوجد والحنين
كم سربت ناس عاشت وماتت مالقت غاياتها
العفن يلقى حاجته والخبل صار هو الذهين
والناس فزة للعفون ودورت مرضاتها
البارحه فكري يقلبني وراء ذاك البطين
وتطري علي سلمى وتطري علي جلساتها
الله مزينها وجاعلها متاع الناظرين
بنت الرجال اللي تهيب منخاتها
حنا تربينا على الهيبه مع العقل الرزين
مانحني الهامه مثل اللي حنت هاماتها
رجالنا لوهو ضعيف مايجنبك السمين
يومنها بعض العرب تبلشك في لجاتها
وترا الحيا ساس المراجل ينفعك دنيا ودين
والمرجله لابد مانته تعرف اوقاتها
والفخفخه والطخطخه والكبر للقلب اللعين
والعقل هو سوق الرجال اللي علت قيماتها
وانا ليا قربت ثم طالعتني عين(ن) بعين
عرفت وشلون الاسود تهابها بسكاتها
مماراق لي