تصــــــــدقــــــــــــون !!!

تصدقون من ماتت أمي ما عرفتك يالهناء

تصدقون من ماتت أمي عيشتي صارت ضنا

واليوم جـــاوزت أربعين والحــــزن باقي والحنين

وأحس عايش في خــــــلا

لو أنتخي محــد(ن) فــــزع

لو اشتكـــــــي محـــــد(ن) درا

مشـــتاق أنــام بحضنــها

وارجـــع بأحـــلامي ورا

واذكــر ليــالي الزمـــهريـر

وأنا صغير وبحضنـها الــقي دفا

وان سـولفت رديت على الجـنب اليمين

وألصقت وجهي بصـدرها حـب وفا

كانت تحكيني عن الآم السـنين وبحشرجة

صوت حـزين وتنـهدت وأحيان نتنهد سوا

كانت تقــول إني يتيمـة من زمان

واضحـك وأسـال بازدرا ؟

يا ميمــتى أنتـي كبيرة والكبير

ماهـو يتيم وهـذا قضــا

واليوم أعيش إحساسها دار الزمن بكأسها

واسقاني أحزان اليتيم وشربتها بليا رضا

وأحـس أنــا باقي يتيم

رغم السنين والعمر ولي وانقضا

تصدقون المشكلة ما هي فراق اللي تحب

المــوت حق والدهر عمره ما صفا

المشكلة ذيك الجنان التي تحت أقدامها

بغيابهـا غــابت ووراهــا الثرا

وذاك الدعاء اللي كان يرسم لي أمل

ما ينقطع صــبح ومســاء

كانت أموري ميسرة كانت دروبي مسرجه

كان الزمان يطيعني واليوم ينظر لي بجفا

عشان أنا عايش يتيم وفاقد الحب والحنين

صار الزمان يضدني كني مناصبه العدا

حنانها ماله مثيل وحبها ماله بديل

حب فطرة الله من عالي سما

وارجع وأقول رغم السنين

أحس أنا عايش يتيم لكني عايش في رجا

منقول

تحياتي
...........