من بوح دايم السيف

(دايم السيف) خالد الفيصل


[IMG]http://daimalsaeef.***********/134.jpg[/IMG]




( مرتاح أحبك)


مرتـاح احبـك ولا علَّـمـت
حتَّى انـت عيّـيت أبيّـن لـك

و البارحه يـوم انـا سلمـت
شكّيـت لـو عينـي تـدلـك

برقٍ لمع في العيون و خفـت
مواجـع القلـب توصـل لـك

عساك في ناظري مـا شفـت
كيف المعاليـق يومـنّ لـك

من خوفتي لا احتـرق جنَّبـت
هربت مـن شمسـك لظلّـك

اخشى عليك الهوَى لو طحـت
مـا تلّـنـي يـمّـك يتـلّـك

أبـي قليـلـك ولا حصّـلـت
بعضـك تركنـي مـع كلّـك

ما ادري صواب او خطأ ما قلت
إنـك حبيبـي و انـا خـلّـك



( لويبور)
لو يبور الملأ ما أحسـب حبيبـي يبـور
وأحسـب انـي أمـوت ولايمـوت الـوفـا
وأحسب انه على هـاك المـودة غيـور
ما احسب ان الشعاع اللي بقلبـه طفـا
كيـف يانـور عينـى وانـت للعيـن نــور
يختفـي نـور وصلـك فـي ظــلام الجـفـا
اثر قلبـك علـى فرقـا الولايـف جسـور
واثر طرفك اليـا سهـرت عيونـي غفـا
وين هاك الونين اللـي يشـق الصـدور
وين هـاك الدمـوع اللـي تشـق الصفـا
كــل حـــي ٍ الـيــادارت ليـالـيـه يـــدور
كــل قـلـب الـيـا عـفـت جـروحـه عـفــا
ويل قلب توالت فـوق جروحـه كسـور
كــل جــرح الـهـوي ياصاحـبـي ماكـفـا
التمس لك عذر لو كان ما أنت معذور
وان جحـدت المـوده بــان لــك ماخـفـا


(فدوة عيونك)

فدوة عيونك لو غدت روح مغليك
وش عاد لو راحت لعينك عشاير
ابيع مايغلى على الكون واشريك
واسوق لو جتني علومك بشاير
وازعل جميع الناس بالحيل وارضيك
واصبر ولو دارت علي الدواير
واخذ من اايامي لك واعطيك
وان راح عمري فلا هو خساير

(وسع الخاطر)




ياضايق الصدر بالله وسـع الخاطـر
دنياك يازين ما تستاهـل الضيقـه
الله على مايفـرج كربتـك قـادر
والله له الحكم فـي دبـره مخاليقـه
حلو العيون استهانت دمعها الحـادر
كف العباير حزين الدمع ما طيقـه
حسايف الحزن يغشي وجهك الطاهر
والورد في وجنتك حـرام تغريقـه
يفداك قلب على ما تشتهي حاضـر
يفداك باللي بقالـي مـن معاليقـه
ما فات خله ولاتهتـم مـن باكـر
واغنم من اليوم ما ساقـت توافيقـه

ليتني أستطيع أن أورد قصائد
أخرى ولكن حسبي أنني اجتهدت

لكم خالص الود ..