يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ

اهداءات ساحات وادي العلي







العودة   ساحات وادي العلي > ساحات الموروث والشعر والأدب > ساحة الأدب الشعبي

إضافة رد
 
أدوات الموضوع انواع عرض الموضوع
قديم 06-08-2008, 12:57 AM   رقم المشاركة : 1
معلومات العضو
عضو فعّال
 
الصورة الرمزية ســـــاري
 
إحصائية الترشيح

عدد النقاط : 20
ســـــاري is on a distinguished road

قصص باللهجة الغامدية ..


 

.



السلاااااام عليكم .. كيفكم يالربع ( شباب .. شابات .. شيبان ) الله يطول بأعماركم ويمدكم بالصحة والعافية ..


عندي موضوع << منقوووول من منتدى ثاني >> بس شي خرافي وكاتبة الموضوع أبدعت في كتابته

وحاب اعرضه لكم بدون تعديل أو إضافات وارحب بأي تعديل أو إضافة .. والموضوع يحكي قصص

من الحيااااة على حلقااااات وأجزاء بس باللهجة الغامدية ..


يالله بسم الله نبدأ ..





عنوان القصة ( عمري راح هدر )


يمه يمه يمه


ها وذابك تصيح ؟؟؟؟؟

أبشرك تراني تخرجت من الجامعه

الله يبشرك بالخير

إن الله يسعدك لووووووووووو ( غطروفه من الأم )

حظنت الأم إبنها سعيد وأخذت تسلم عليه وتبكي

وذابك تبكين يمه

والله ياولدي من الفرحه

من يوم مات أبوك وأنا أستنى هذا اليوم

والحمد لله ماضاع تعبي يارب لك الحمد والشكر

عاد بسوي عشى وأصعق لأخوالك وأهلك

يمه ليه التكاليف هذي ماله داعي

لا والله مايمر يوم تخرجك زي أي يوم

يارب أفرح بك وإنت معرس

أقل بعد بدري

لاياخه ماهب بدري

أول ماتستلم الوظبفة بروح أخطب لك

والله شفت لك عروس تاخذ العقل

بنت مين ( ماصدق تجيب طاري العروس )

بنت عمك محمد ولد خال أبوك

البنت مثل القمر وأنا من زمان أدعي الله إنها تكون من نصيبك

ها شد حيلك ياخه ودور على وظيفة وخلنا نخطبها لك

خير يمة

وبعد شهرين لقي سعيد وظيفة مرتبها يعتبر جيد

يمه خلاص تراني لقيت وظيفة لكن راتبها كله 3000 ريال

ماعليه ياخه بنتعاون

الحمد لله البيت بيتنا الله يغفر لبوك ويوسع عليه

بنالنا البيت وإلي يجيني من التقاعد حق أبوك

نحطه مع راتبك وبيكفي

طيب تفكرين أهل البنت بيوافقون

وليه مايوافقون وش يعيبك

أنا بكلم أمها اليوم وأشوف وش رايها

كلمت أم سعيد أم البنت ورحبت بها

شفت ماقلت لك إنهم بيرحبون

مابيلقون لبنتهم أحسن منك

إنتهت الإجراءات من شوفه لقدمه وغيره من الأمور المعروفة قبل العقد

وفي يوم العقد

تعال ياخه أبخرك يارب لك الحمد إن مديت في عمري حتى وشفتوه عريس

يمه إنت في الحزن تبكين وفي الفرح تبكين

والله غصب عني ياولدي وذى أسوى

لكن الحمد لله إننا نبكي من الفرحه

هيا لاتتأخر عن الناس خذ المملك معك وادفع إنت الفوس

لاتخلي حد من أخوالك ولا من أعمامك يدفعون ( ودست في يده ألف ريال )

الله يخليك لي يمه ولا يحرمني منك أبد

هيا نحاهم يدقون الجرس بسرعه أخرج لهم

خرج سعيد وأمه تدعيله إن الله ييسر له ويوفقه

وبعد ساعتين رجع للبيت فرحان ومبسوط

واستقبلته أمه بالغطاريف عند الباب

والله يابكره في الملكه ما أوقف رقص ولا غطاريف

ها قلي وذى سويتم

والله يمه كله كان تمام لكن ...................

خير وذابك سكت وش فيه

أبوها شرط علي شرط

ماعليه كلهم يشترطون إن بناتهم يكملون الدراسة

خلها ياولدي تكمل مافيها شي ولك علي إني أسوي لكم الغدا لين تجون

لا يمه ما هو هذا شرطهم

ها وذاهو أجل ؟؟؟؟؟

كان شرط أبوها إنها لازم تسكن في بيت لوحدها

ها..... وش قلت لهم

والله يمه إني مادريت وش أقول

يعني وافقت على شرطهم ؟؟؟؟؟؟؟؟؟

وذى تبغين أسوي ؟؟؟؟؟؟؟

وتتركني لوحدي في البيت ؟؟؟؟؟؟؟؟

يمه أنا ما أقدر أستأجر بيت وإنت تعرفين راتبي مايتحمل

يعني وذى بتسوي؟؟؟؟؟؟؟؟؟؟؟

أنا أقول أضبط الغرفتين إلي في الملحق

وتطلعين فيها وأنا كل يوم أمر عليك وووووووووو

ماقدرت أم سعيد تجلس ماعادت تسمع ولاكلمة

تركت ولدها يتكلم وخرجت من عنده

دخلت غرفتها وقفلت بابها

وصاحت بأعلى صوتها

ياحسفي على عمري إلي ضاع معك ياسعيد

ياليتني مت قبل ما أسمع كلامك هذا

يارب تجيرني في مصيبتي وتخلفني خير منها





وانتهت هذه الحلقة والجااااي ترى احلى ..








تحيـــــــــــــــــــــــــــــــــــــــــــــــ ـاتي












.

 

 
























التوقيع

   

رد مع اقتباس
قديم 06-08-2008, 01:41 AM   رقم المشاركة : 2
معلومات العضو
عضو ذهبي
 
الصورة الرمزية أبوناهل
 
إحصائية الترشيح

عدد النقاط : 12
أبوناهل is on a distinguished road


 


هويه ياساري تقطعنا
يانافدا من جا وشرف
وقصتك هيله جهدا
فديت كفوفك ياخه

 

 
























التوقيع



   

رد مع اقتباس
قديم 06-08-2008, 01:41 AM   رقم المشاركة : 3
معلومات العضو
عضو ذهبي
 
إحصائية العضو

مزاجي:










إبن القرية غير متواجد حالياً

آخـر مواضيعي


ذكر

التوقيت

إحصائية الترشيح

عدد النقاط : 20
إبن القرية is on a distinguished road


 


فديت خشمك يـا خــه على تيه القصه

والله والله إنها هيله وتستاهل القرايه

الله يطعني عنك .. لا تنسى تكملها

وترانا بنقعد في حراك .. لا تحوي

علينا .. الله يسعدك يا ساري

 

 
























التوقيع

   

رد مع اقتباس
قديم 06-08-2008, 10:45 AM   رقم المشاركة : 4

 

قطع الله من جوف روحي هبشة مِلا إيدي يا ساري
هو يآبه ما جيت عندي وآنا آهبلك من هروج الديرة مِلا قفة .. آقل ياخه حكوتك هذي والله إنها هيله وتهني بالهنا
آنفدا زغودك وكراعينك يابه وزد هبلنا من تيه الهروج

..

 

 

   

رد مع اقتباس
قديم 06-08-2008, 10:53 AM   رقم المشاركة : 5
معلومات العضو
عضو ذهبي
 
الصورة الرمزية روعة الصمت
 
إحصائية الترشيح

عدد النقاط : 10
روعة الصمت is on a distinguished road


 



أخي ســـــــــــــــــاري

قصتك حلاه جهدا...لكن؟؟

عندي بعض التعديلات إن تكرمت..


((لا والله مايمر يوم تخرجك زي أي يوم ))

الأفضل والأنسب..

لا والله مايمريوم تخرجك كما الايام الباقيه.


((بنت مين ( ماصدق تجيب طاري العروس )))


الافضل والاأنسب..

لمن هي بنتُ..


((وليه مايوافقون وش يعيبك ))

الأنسب والأفضل..

هويه مايوافقون وش يعيبك. **هويه**بمعنى ليش.


((ياليتني مت قبل ما أسمع كلامك هذا ))
الأفضل والأنسب..

ياليتني مت ولا سمعت هروجك تيه.


ســــــــــــــــــــــــــاري رائع

 

 
























التوقيع

   

رد مع اقتباس
قديم 06-08-2008, 03:26 PM   رقم المشاركة : 6
معلومات العضو
عضو فعّال
 
الصورة الرمزية ســـــاري
 
إحصائية الترشيح

عدد النقاط : 20
ســـــاري is on a distinguished road


 

اقتباس:
المشاركة الأصلية كتبت بواسطة أبوناهل مشاهدة المشاركة

هويه ياساري تقطعنا
يانافدا من جا وشرف
وقصتك هيله جهدا
فديت كفوفك ياخه

هلا بالغالي ابوناااهل وماشي قطعه ياخه انحاني >> هوووون << حلووووووه

يسعدلي الطله ياسيد الناس ..



.

 

 
























التوقيع

   

رد مع اقتباس
قديم 06-08-2008, 03:29 PM   رقم المشاركة : 7
معلومات العضو
عضو فعّال
 
الصورة الرمزية ســـــاري
 
إحصائية الترشيح

عدد النقاط : 20
ســـــاري is on a distinguished road


 

اقتباس:
المشاركة الأصلية كتبت بواسطة إبن القرية مشاهدة المشاركة

فديت خشمك يـا خــه على تيه القصه

والله والله إنها هيله وتستاهل القرايه

الله يطعني عنك .. لا تنسى تكملها

وترانا بنقعد في حراك .. لا تحوي

علينا .. الله يسعدك يا ساري

فديت زغودك ياعسل .. انا ماجيت الا عشان لاتتحرى ..

يسعدلي ايامك يالغالي ..




.

 

 
























التوقيع

   

رد مع اقتباس
قديم 06-08-2008, 03:33 PM   رقم المشاركة : 8

 

اقتباس:
المشاركة الأصلية كتبت بواسطة ساهر الليل مشاهدة المشاركة
قطع الله من جوف روحي هبشة مِلا إيدي يا ساري
هو يآبه ما جيت عندي وآنا آهبلك من هروج الديرة مِلا قفة .. آقل ياخه حكوتك هذي والله إنها هيله وتهني بالهنا
آنفدا زغودك وكراعينك يابه وزد هبلنا من تيه الهروج

..

هبشه >> هبشو خشمك ههههههه

والله ماكان ودي اهبلك شغله ياخه والا اعرفك ماتقصر ..

ألف شكر يابوصحب يالغالي على احلى مرور ..





.

 

 
























التوقيع

   

رد مع اقتباس
قديم 06-08-2008, 03:37 PM   رقم المشاركة : 9

 

.

مشكورة اختي بريق على سمو حضورك الكريم ..

أما بالنسبة للتعديل فكان في مكانه الصحيح ولكن

انا سبق واشرت بانني مجرد ناقل للموضوع وبدون تعديل او اضافة

واترك خيار التعديل لمشرف المنتدى إن احب ذلك !!


وأكرر شكري على تواجدك والتعديل وعساااك على القوة أختي الفاضلة.






.

 

 
























التوقيع

   

رد مع اقتباس
قديم 06-08-2008, 03:51 PM   رقم المشاركة : 10
متى تصيرين كهله يمه ..


 

.



عنوان القصة ( متى تصيرين كهله يمه )



لااااااااااااااإله إلا الله

الله وأكبر

هيا ياسفان قوموا صلوا الفجر

صالح .... محمد ............. علي

هيا الله يهديكم لاتفوتنا الصلاة

الله يخليك يابه خلنا نرقد شويه

أقل قوموا لا أجيب الماء وأحثيبه فوقكم

هيا يابوصالح افلح شوف للشيبه قام

وأنا بقوم السفان

لاتخلينهم يتأخرون عن الصلاة تراني بتحراهم

إبشر ولايهمك

هيا ياصالح قوم فديتك وقوم أخوانك

بروح أجهز القهوة والفال لين يرجع جدك وأبوك من المسجد

ابشري يمه بقومهم ذلحين

الله يبارك فيكم ويوفقكم
( أسرعت الأم لوضع القهوه على النار وآداء صلاة الفجر )

صبحكم الله بالخير
( يسرع أبو صالح يقبل رأس أمه وأبيه )

يانفدى ولدي إن الله يصبحك بالرضا والعافيه

ها يابه نروح للمسجد

هيا نحاني جاهز فين صالح وأخوانه

ذلحين بيجون قلت لهم يلحقونا للمسجد

(بعد الصلاة يتجمع جميع أفراد العائلة في غرفة الجد والجدة

لشرب القهوة وتناول الإفطار

بعد ذلك يتجه أبو صالح لعمله

ويذهب الأبناء لمدارسهم

وأم صالح تذهب لتهتم بشئون المنزل

وأما الجد والجده فيخرجون من غرفتهم ويجلسون في الصالة

وزوجة إبنهم لاتغيب عنهم فهي بين الفينة والفينة

تحضر إليهم وتتكلم معهم تحضر لهم بعض الفاكهة ثم تعود لعملها مرة أخرى

عاد الأبناء من المدرسة وعند دخولهم يسرعون بتقبيل

رأس جدهم وجدتهم ثم البحث عن أمهم لتقبيل رأسها ويدها )

هيا الله يسعدكم غيروا ملابسكم وصلوا الظهر لين ياجي

أبوكم علشان نتغدى مع بعض

حضر أبو صالح من عمله وأول مادخل مر على والدية والجلوس والحديث معهما

كيف حالك ياخه

والله إني بخير

وين آبي

منسدح مارقد من الصبح

هوه يوجعه شي

أقل إسم الله عليك ماعليه خلاف

ماهلا طفش من كثر التسداح مامعه شي يسويه

هيا بروح أغير ثيابي وعندي لكم خبر حلو

باقوله لكم فوق الغدا

هيا بقيم أبوك علشان نتغدى مع بعض

وفوق الغدى

ها ياخه وذاهو الخبر الحلو إلي بتقولنا عليه

بنروح مكه بكره الأربعاء وبنرجع يوم الجمعه إن شاء الله

ها وش رايكم

إن الله يسعدك والله انه كان ودي نروح من زمان

خلاص يابه جهزوا نفسكم كلكم وبإذن الله

بكرة بخرج من العمل بدري ونروح

تجهزت عائلة أبو صالح لرحلة العمرة وانطلقوا بسيارتهم على بركة الله

وعندما وصلوا للحرم

قال أبو صالح

أنا باخذ آبي وأطوفه وبعدين أسعيه وبكون معه

وإنت ياصالح إمسك جدتك ولاتفكها لين أخلص

وإنت يامحمد إنتبه لمك وأخوك علي لايضيعون منك

ولو حد ضاع نتلاقى راس المسعى

ويذهب أبو صالح مع والده ليكمل له العمره

وأنهت أم صالح وإبنها محمد وعلى عمرتهم وجلسوا ينتظرون

والدهم وأجدادهم

حضر أبو صالح بعد قليل ومعه أبوه وأجلسه بجوار أبناءه

وذهب لكي يكمل العمرة لوالدته وابنه صالح

وبعد أن إنتهى من العمرة حضر إلى عائلته وهو يحتضن والدته وهي تتكئ علية

نظر علي إلى والده ومايفعله مع جدته وجده

وقال لهم يمه متى تكونين كهله كما جدتي

هوه ياخه تبغاني أكبر بسرعه كذه

والله إني أبغاك تكبرين بسرعه

علشان ودي أسويبك وبآبي زي مابتسوون لجدي وجدتي

حظنت أم صالح إبنها على والدموع في عينها

وهي تقول يارب تبارك لي في عيالي وتصلحهم وتهديهم

وترزقنا البر بشيابنا وتخليهم لنا.







وانتهت هذه الحلقة والجااااي ترى احلى ..











تحيـــــــــــــــــــــــــــــــــــــــــــــــ ـــاتي







.

 

 
























التوقيع

   

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:41 PM.


Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By Almuhajir