من الذكريات

السلام عليكم ورحمة الله وبركاته

في حياة الوالد رحمه الله
في قديم الزمان وفي ذات ليله من اليال
إذا بإحدا نساء القريه تطرق الباب في بيتنا القديم فقال الوالدلوالدتي شافاها الله شوفي من عند الباب فإذا هيى واحده من نساء القريه تبكي ومعها عيالها الصغار
فسلمت على الوالده وقالت لها عمي دغسان راقد ( نائم ) وإلا لا فقالت لها لا مابعد رقد فقالت امي للوالد هذه فلانه وعيالها تبغي تهرجك قال وش جابها في اليل
ياالله علم خير قولي لها تدخل دخلت المراه وعيالها وهم يبكون فقال وش الي جابك في هذا اليل فردت عليه ودموعها تذرف فقالت ياعم دغسان ادخل على الله ثم عليك انك تنقذني اناعليه ظلم وقهر و جور من عائلتي مايعلم به إلا الله ثم انا
وللعلم المراه التي تشتكي من الظلم ارمله زوجها متوفي فاكملت حديثها مما تعانيه فقال لها تقهوي انتي وام عبد العزيز وعودي إلى البيت ولا احد يدري
انك جئتي تشتكين لي.
وبعدها سرت المرأه وعيالها والوالد يرددكلمة حسبي الله ونعم الوكيل لاحول ولا قوة إلا بالله.
في اليوم الثاني صلى الوالد صلاة الصبح وذهب إلى البيت الذي تسكن فيه المراه وعيالها مع تلك العائله ودعا رجالهم ونسائهم في ساحة البيت وقال لهم
انا سمعت انكم تضايقون فلانه وعيالها ماتتقون الله في انفسكم المرأه يتيمه ومحافظه على نفسها وعلى عيالها لاتاذي ولاتستأذي من يوم مات زوجها حتى يومكم هذا بدل ما تعطونعها وتكرمونها وترافون بها وبعيالها.
لاكن اسمعوا والله الذي لا اله إلا هو ان احد اخبرني بانكم اعترظتموها او ضايقتموها هي وعيالها في شيء مرة ثانيه فاني ساطلب من الجماعه تعزيركم واخذ الحق لها ولعيالها فردوا عليه بقولهم ابشر يادغسان انشاء الله ماعد يجيها شي , ومرت الايام واليالي فإذا بالمرأه نفسها تدق الباب مره ثانيه
فتحت الوالده الباب فقالت لها وش الي جابك عسى خير قالت عندي (جبه) صنعتها وهي مني لعمي دغسان انا ما انسى جميله الي سواه لي ولعيالي
سمع الوالد وقال من عندك وقالت فلانه قال وش عندها قالت جت (بجبه) تقول خلي عمي دغسان يرسلها عند احد يخيطها وياخذها له هديه من عندي عشان الي سواه لي ولعيالي والله اني ماانساه طول حياتي.
وقتها سمع الوالد كلامها وقال لها لاعاداشوفك تسرين في الليل مره ثانيه ,واما الجبه خذيها وبيعيها وبفلوسها اشتري لك بها (عدله ) من التمر تاكلين منها انتي وعيالك فعادت المرأه (بالجبه) فوق رأسها وهي تدعوا له بان يطول الله في عمره ويجعله ذخرا وسندا ويمتعه بالصحه والعافيه.
رحمه الله رحمة واسعه وغفر له وجعل مافعله في ميزان حسناته