العشق بلوى

اختلفنا في الهوى نا وخلي=واختلاف الراي جاب الفشل
ماتبع شوري ومضمون عقلي=لاتخطم لي ولا ذا اعتقل

خله يولي والعرب كلين رزقه على مولاه=العشق بلوى من دخل في وسط بحره غيب الجاه

كان يعرفنا ويعرف محلي=كان له داخل فؤادي محل
كان يتبعنا كذا مثل ظلي=كيف له ضيع طريقه وضل

من قبل حلي جاتنا صكات منه ورى المحلاه =العشق بلوى من دخل في وسط بحره غيب الجاه

صاحبي مغشوش والغش يهلي=مايشوف الشهر لا الشهر هل
غصب يبغانا قد شرق صلي=كلما حاولت بلده صل

يخلي ويملي دوب بحره لاخلاه الهوى ملاه=العشق بلوى من دخل في وسط بحره غيب الجاه

بااسألك ياطير ياذا المعلي=حط ساعة فوق داره وعل
خبره عني وقله بفعلي=وانشده باللطف عما فعل

وارجع وقلي ايه لي قلته جميعه وهو قال آه=العشق بلوى من دخل في وسط بحره غيب الجاه