الوداع

كان الوداع أصدق فصول الروايه=بحزم متاعي وأرحل اليوم وأغيب
ودام الجراح أخر سطور الحكايه= يكفي طعون بالحشا عيت تطيب
ياما تمنيتك تكوني معايه = بس للأسف مالي معك أدنى نصيب
كنت الأمل ياكل حلمي ومنايه= كنت الوطن اللي حضن خوف الغريب
روحي بطريقك كود بلقى عزايه=في دمعة نجري على الخد وأطيب
وفي زفرة بالصدر تشرح شقايه=للي سألني وش علامك ولا اجيب

 

 

.

*****

مرحبا بك أخي العزيز عبدالعزيز حسين

للشاعر طلال الرشيد قصيده في الوداع

ودعتها واخفيت عنها دموعي =خايف تحس بحسرتي والتياعي
ودعتها والقلب مني جزوعي =جزعٍ من الفرقا قليل المساعي
حيث الفراق لمن تولع يلوعي =لوعات فرقاه ماوراها اجتماعي
في لحظة التوديع هديت روعي =بيني وبين النفس قمة صراعي
اخفيت ما حسيت بين الضلوعي=خايف عليها لا تحس بضياعي
قالت فمان الله وانطر رجوعي =واشرت بالتوديع حال استماعي
ساكت ولا رديت ماهي طبوعي =من عبرتي تفرض علي امتناعي
حان الرحيل وحان وقت الفجوعي =واقفت وأنا عيني عليها تراعي
بين الرجا واليأس صبري يموعي =على الوداع اشلون قلبي استطاعي
من عقبها اسهر مسندي راس كوعي = لأنام خالي البال تميت واعي
تومي بي الحسرات من غير طوعي = هذا الغلا ماهو غرام صناعي
اقنب كما ذيبٍ تقفاه جوعي = لامن ذكرت فراق حلو الطباعي
اللي لاجله هان عندي خضوعي = والله مانسى دمعته في وداعي

*****

 

 

أخي الكريم عبدالعزيز حسين,,,

نورت منتدانا..وتألقت بما طرحت ..

دوما للأمام وننتظر جديدك الجميل..

تقبل تحياتي ودمت بود.

 

 

أخي الفاضل ** عبد العزيز حسين **

أحسنت الذوق والإختيار

تحياتي لك

 

 

للأصدقاء الكرام الذين عبرت أعينهم على شواطئ كلماتي

لكم كل الود والتقدير