الحلقة الرابعة عشرة
لعيونكم كمان هذي محادثه مكاويه
معتوق / يواد يابو سراج
عمر / هلا ابوالأمجاد
معتوق / كيف الأحوال
عمر / خليها على الله ياصاحبي
معتوق / بلا في شكلك ... خاربها من بدري ... اشبك
عمر / لا بس البزوره وأمهم جابولي الصمرقع
معتوق / صفقهم ياواد أحسن لك
عمر / يابن الحلال الحرمه دي زي المرض قاعدتلي زي اللقمه في الخانوق
معتوق / ياواد اندر من البيت ولاتقعد خلقتك في خلقتها طول النهار
عمر / ندرت عينك من حقها ، هوا أنا ايش اللي مقعدني في البيت إلا الطفر هادي الأيام حايفني من جد
معتوق / من جد ... سيبك يا واد من الهرج ..... المهم أنا رايح المركاز
عمر / والله انت مره رايق ......وآنا تراها قافله معايا بالدشيش
معتوق / افا يا ابوسرج روق المنقا .... يبغالك حجر باعشن وبراد منعنش يصك الرأس وصكتين ضومنه على كيفك .
عمر / يقولو تور قال احلبه ......أنا ما قتلك إنك رايق وفايق
معتوق / ياواد البس التوب والبقشه وحط الغبانة ، وقابلني قبل مركاز العمدة عند رباط المريعاني ، ابغاك في هرجة .
عمر / من جد ... ابشرولايهمك يا ابوصدقة
معتوق / خلاص بعد شوية أمرك
عمر / هيا لا تتأخر ..
معتوق / بس ترى أنا أمر على الوجيه من عند أبو معتوق وقافي واجيك
عمر / افا عليك يا واد لا تشيل هم .. جيلك على طول
معتوق / الله عليك يا ابوسراج .. يالله احصلك في المركاز
عمر / على خير* *
معتوق / هلا ابوسراج عسى ماتأخرت عليك .
عمر / لا ولايهمك بس وغوشتني ايش الهرجة ، عسى مافي خلاف .
معتوق / ايشبك ايش الهرجة بينك وبين ام العيال ولا انا غريب
عمر / افا ياصاحبي انت اكتر من اخو ، بس الولية تبغى طلبات كتيرة قبل مانطلع الموسم شي دقيق وشي حمص وشي سمن بري وشي تمر عشان المعمول والغريبة وزي مانت عارف السنة ماكرينا البيت الإيرانيين دي السنة قليلة والبقية مايدفعو كروة طيبة ، ياسيدي ماابغى اوجع لك راسك بهمومي وانت تعرف البير وغطاه ، بس انت ندرتني من البيت على ملا وشي عسى مافيه خلاف يالله قوللي تراك وغوشتني .
معتوق / الهرجة ومافيها عندي كم قرش ماني محتاجها دحين وخليها عندك فك فيها حاجتك ومتى ما اسغنيت عنها ردها بعد الحداره ،
عمر / مستورة والله يا ابوصدقة وشايلك لعوزه ياصاحبي .
معتوق / وحيات ربي ماتردني الله يشكر فضلك ونردها لك بلأفراح ياصاحبي ، وربنا ييسر ويكون الموسم هادي السنة طيب واسددك من يوم ما ينتهي الموسم
معتوق / قوم ياواد بلا بكش وخلينا نروح المركاز نعمر حجرين واغلبك صكتين ضومنه وهرجك لايكتر ويمكن يجي الدلال ويجيب معاه كروه للديوان والمبيتات حقتك بس انت قول يارب .
اخر الهرجة هذا اللي عندي بصراحه وأتمنى أن الموضوع يكون عجبكم وأي واحد عنده إضافات أتمنى انو ما يبخل علينا والله
يعطيكم العافيه * *
وهذه ابيات للشاعر الحجازي عبدالله دبلول :ــــ
الأيام المنسية
مشارب توته مبخرة ومغراف نظيف يلمع
وشربة مديني مشجرة وزير بغطا ومربع
وخارجه حلوه مرشوشه وجلاله عربيمفروشه
وطوالات زي الفل وكفوف بالحنهمنقوشه
وغرفه سقفها قندل وغوله متوسطهالروشان
وشنطه من ابو هندل تعزف لناالالحان
ونصبة الشاهي القديمه وطاسه وكمفنجال
وبراد عليه القيمه ودافور نفس شغال
وشيبه على جبهته سجدة متكي تكوةالعمدة
ولده واقف يروحله وعمال بتكبسةالحرمه
وتحكيله على اللي سار من فتووزغدته
وكيف طرطش عليها الزيت وكيفعدملها كرتته
وعن منه قليلة الزوق وكيف ندرتبشوشتها
قدام سعدو و مرة معتوق وكيف كسرتبقيمتها
وعم بكر اللي خلاها شماته قدامالحرمه المضروبه
روحيه مرة الفلاته داخل بشبشبزنوبه
عينه فيها شحاته والقورة مرقعهبالقوبه
وجانا اليوم المراقب وياما ندرلهبكر بالدف
سأله ليه ياواد غايب ومنته مداومفي الصف
وقبل الواد مايجاوب راح ناسفلكهو بكف
وقاله القوبه ادعكها ياخايب بتومواتكحل بال???
وقالتله عن اللبان اليوم زودنازبديه
ومن حظنا كان فرحان ومن بدرياتجبرت طبليه
وجانا الخضري بالدوار واخدنا منهملوخية
وبدنجان احمر وخضار وبصل للكشنهالمقلية
وعن اسعد ولد عثمان اليوم ودوهالصحيه
وقع في يد التمرجي امان وادالهشرنقه بس هيه
من ساعتها الواد ورمان وامهتكمدله هيه
زغر فيها وقالها كان الله يهدكيا وليه
نازله زي البغبغان وزوز وزوزياصفيه
جبتيلنا اسرارالجيران اخبارالامة المخفيه
هادا راديو ولا لسان زي الازاعهالمصريه
انا جاي الم حواسي والم الطاسهالمكفيه
واغمض عيني واقيل شويه لحدالعصريه
غمض عينه الشيبه ونام حط رجلهعلى المسند وشخر
غطته بشرشف مبلول بموية وردوكادي معطر
ولما ادن على طول قام لقى توبهمنشى ومبخر
حط على كتفه الاحرام وحسب نفسهانه اتأخر
قالتله اشبك يا صديق ماتبغى تخشالبيتلمه
ولدك ماسكلك ابريق والكحل معبنتك سلمى
قال سامحيني ياام شفيق لو انينغزتك كم كلمه
بس اني حاسس بالطيق وكفايهسامحيني ياحرمه
اندارت واخدت منه التوب وقالت لهاسكت ياشيبه
صابره عليك صبر ايوب علشان قلبكمليان طيبه
ودايمن ترضى تكون مغلوب ولاقدشفت منك عيبه
قصره نزل صديق السوق وراح جالس عالدكه
شويه وطب عليه معتوق وحط التكايهواتكى
وقله شوفت الواد المصفوق البارحعكله كم عكه
علشان عارفني مزنوق يعني هادياصول بشكه
زعل وقال كلام فاضي داه لازميتحمل ملبن
ويجيب كل المقاضي وحتى النفوستصفى
وأنت انساها ياسيدي وامسحها فيوشي خلاص تكفى
ونادى التاني وقاله شوف هاديماهي طبيعتنا
بالله مانته مكسوف تبغى تشوهسمعتنا
هادا راجل عنده ظروف ولاتنسى ولدحارتنا
بينك وبينه بالمعروف ولا تسيببشكتنا
قاله تأمر ياعمي واللي تقولهعلينا فرض
لو تبغى افصدلك دمي وكلمتكم ماتنزل في الأرض
شاهدنا انفض المولد واخدله جبنهوشريك
طلع البيت لقى فتوه وحمته بيدقواسويك
ومنه بتسوي طبطاب الجنه وسعدوهقاعده بتتحنى
وصفيه تولع في الاتريك شافوهحماده وصاح جدو
وقام الكل باس يده حس بالرضاوالحب
وانه ماحد قده كده كانوا ايامزمان
رضي وحب وعطف وحنان
والتسامح شيمتهم والأدب كان لهمعنوان
وهادي الأيام المنسية لسه لها فيالنفس بقيه
وكل عام وانتم بخير
و في النهاية أقول أهل مــــــــــــكـــة حمــــــــااااام * * و مالي شغل بالباقي