سلام يا أهل الخيمة يعلم الله إن الخيمة دوبه بدأ وقتها خصوصاً في جدة أو مكة والسهرات دوبها زانت والجو رائع .. لكن أحيانا يأتي من ينغص علينا ويجعل بعضنا في دوامة وفي حيرة ..
والنوايا ما يعلمها إلا الله نفكر إحيانا أننا ماشين في طريق صحيح وتظهر من الواحد علوم تخلينا في شكك ..
أبو ناهل الله يسامحه أحيانا يستثيرني بقصيدة يجبرني على قول شي ما ودّي أقوله .. لكن على قولة ملاسي الله يرحمه القارعة ما ترحم وما أقدر أصيف عنها ..
جيت اليوم الخيمة قلت با سولف مع الرجاجيل ولقيتها مهبية وفي جنب الخوط معلق هذه القصيدة .. غنيت بها واستحيت من الرجال وخفت يجي ما يلقى الرد ويدري إني جيت .. هذا الرد يا أبو ناهل ..
البدع / ابو ناهل
انحن على عهدنا ذلحين وان شبنا
وللقا كم سعى قلبي وشيغف له
واهل الوفا مااتلقاهم بشيغابي
يسدنا كم تناحرنا وشيغبنا
أما الذي بين صدقانه وشى بغيبه
بازهله واترك طريق بها مشى عيبه
الرد / عبدالله رمزي
بغى يساير جميع الناس وأنشبنا
يحسب بساحاتنا همله وشي غفلة
مايدري إنا عرفنا شي وشي غابي
في وسط قلبي منه تعبه وشي غبنا
مادامت إنه بيتعبني وش ابغي به
إحنا بشر ما بنتحمّل مشا عيبه