يالله يامطلوب ياعالي الشان = ياعالم البادي وما كان مكنون
ياعالم بالحال جيد ومنان = تدري بسري والعرب ليس يدرون
تغفر ذنوب العبد خافي وما بان = أمرك جرى ما بين كاف مع نون
اغفر لنا مازال في كل الازمان = قدام كتاب الخطايا يخطون
وارزقني التقوى مع حسن الايمان = عبدك لجودك في الدجى ساهر النون
فيارب حقق ظن عبدك بغفران = وتمم رجا من كان منكم بيرجون
ونطلبك في الجنه وعفوا ورضوان = ونعناك من نار لها الكفر يصلون
فلا ينفع الانسان خل ولا اخوان = ولا ينفعه مال ولا أولاد يودون
ولا ينفعه حضرا وتهما وبدوان = ولا أولاده الخاصه ولا الي مودون
ولا ينفعه في حضرة الرب سلطان = ولا دوله عند المحاسب يعينون
ولا ينفعه غير العمل حيث ما كان = اذ كان بالتوفيق والخط مقرون
فيحضى برضوان وجنات عدنان = وحورا وولدانا أمامه يزفون
فيا خالق الانس في الكون والجان = وكل جعل رزقه محدد ومضمون
ويامن رزق بالملك والعز سليمان = وخلا طيور العرش فوقه يظلون
وغربت موسى بعد ما كان شذان = شذان في قومه وفي جور فرعون
واغرقتهم في البحر شيبه وشبان = وأفنيت بالمقدور مال ال قارون
أطلبك حسن الخاتمه والتمكان = في خلقك اللي لك قيام يطيعون
يوم ان قلبي في رضا الرب طمعان = واما في الدنيا فلا انا بمغبون
لجل انها تلعب مع كل طربان = وقبل يدري تلبسه ثوب هيمون
وفي اقرب الاوقات تكسيه الاكفان = وتترك عياله في ذرى البيت يبكون
كم افنت مع القدره شبابا وشيبان = وكم غابن بالمال واليوم مغبون
انا اوصيك ياعبد العزيز اوص عثمان = ووصوا سعيد أوصيكم اوصيكم الدين
ترى الدين راس المال في كل ماكان = ترى الدين يبني دور ووديان وحصون
ترى الدين يمنع صاحبه شر عدوان = ترى الدين يبقى ساطي الحد مسنون
و اوصيكم الارحام من نسل الابوان = تواسونهم بالنفس والا تزيدون
ايضا ذوو الارحام من نسل جدان = ترى حقهم واجب عليكم ومسنون
وكونوا عن الزلات للجار عميان = وقوموا بحق الجار ولو كان مجنون
وايضا جماعتكم بني عم واخوان = تراهم لنا بالمال والنفس يصخون
ودعوى قريش الهوج شيبا وشبان = تراهم لدينا حضور يجيبون
تراهم ليوث الحرب في كل ميدان = وهم راس حال الجد عنا يفادون
وجمع العواني واصلوهم بالحسان = لو قصروا عنكم فلا انتم تردون
ترى مثلكم يعرف لعانيه حقان = قوموا بها لو كان عنكم يصدون
وصبيان غامد دولة اب ٍ وجدّان = لا شانت الأوقات هم ما يشينون
فالقوا الذي ياجي تراحيب صفطان = وقوموا بحقه لين عنكم يراضون
تراهم حمانا لا أجدبت جمع الاوطان = بالمال والشيمه علينا يجودون
ترى الضيف ضيف الله ويسعد بالاعوان = من يكرم الضيفان لوكان مديون
وحدان غامد راقبوها بالاعيان = ولموا عصا الشيمه مع اللي يلمون
ويا أولادي أوصيكم في السر واعلان = باكرم اهل العلم والفقه والكون
تراهم سراجا نقتديه في الاوطان = ونور لنا بالحق والرشد يهدون
و أوصيكم الله لا يفرق لكم خان = على زلة ابن العم دايم تغضون
وصونو مراجلكم بتعمير الاودان = تراها تخلي العرض عالناس مصوون
ومن لا يصون المرجله سار خجلان = وحقق لعدوانه منه ما يضنون
ترى راس مال الحر دينه وبلدان = اذا بارك الله في ثمرها يغانون
وانا أوصيكم الله جنبوا كل شيطان = من الانس كم شيطان في الانس يغوون
وقوموا مع أهل البيت بالطيب واحسان = وحثوا عليهم للفرائض يصلون
أقل لكم كونوا لهم مثل الاخوان = ورقّوا لهم بالقلب حتى يرقون
وهذي الوصايا قيّدوها بديوان = وقوموا بمعناها اذا كان تدرون
عسى الله يوفقكم ويجبر بالاحسان = ويمنحكم التقوى وصدقا مع دين
ويرزقكم الحظ الممسك بعمدان = ويبلغكم المقصود واللي تحبون
وصلى اله العرش في كل الاحيان = على المصطفى المختار سيد النبيين