.
*****
قصيدة ألا يالهبوب الباردة عجَلي هبي
للشاعر الكبير:
سعد بن جدلان
القصيدة بصوت الشاعر
محمد بن زميع القحطاني
ألا يالهبوب الباردة عجَلي هبي = على جاش من قامت هواجيسه أتلوبه
أنا مرةٍ أصحى ومره يغيبي = وأسَرح معا كثر الطواري بغيبوبه
ألا يادهر ماهو بحقٍ تلاعبي = وخليتني لمقَرد الخلق لعبوبه
أعبادٍ مغفلها الزمان وتعجبي = يحسبون قل المال فالرجل عذروبه
وأنا قانعٍ باللي علي كاتبه ربي = ومومن بمقدوره وقانع بمكتوبه
ولا أبغى عما الاريا برايه يجربي = وهو ماعرف ماجوب ربي وماجوبه
هذور المجالس راعي المدح والسَبي = وهو بالخلا لو جاه بنتٍ خذت ثوبه
يقولون لي جز من تصرفك وتحَبي = وهي توبتي من مجتمعهم هي التوبه
ديار الوباء من طبها راح متوبَي = وقرَابة الجرباء على الحول مجروبه
أنا عارفٍ منصاي إلا من بدانبَي = وعارف طريقي والذي باتجه صوبه
وأنا أعرف من أعادي وأنا أعرف من أحبَي = وبه ناس لاتعرف ولاهي بمحبوبه
*****