يامل قلبي

يامل قلبي كل ماقلت ياحال



وياشوق عيني من ضناها تضمه



ياراحل(ن) عني والك قلب مازال



الحب جاري في عروقه ودمه



خليتني في غربت الفكر والبال



كني طفل محروم من شوفة امه



تركت قلبي بين هم(ن) وغربال



عليك همه ومايهمك همه



ليتك تشوف الخد والدمع لا سال



اللي على خدي وسومه رسمه



تلعب بي الدنيا من الحد للجال



عيت معاليقي جروحك تلمه



جتني همومك راسيه كنها اجبال



حسبي عليك ان كان جبت المطمه



حاولت ارقع في ظروفي والاحوال



ليقت نفسي مع وجودي كاعدمه



قضيتها في سكت البعد رحال



ضامي وانا اللي وارد(ن) مّر جمه



كل ماسألك القى جوابك سؤال



وّتم أدور في ظلامك عتمه



الصبر مقدورن وله ناس تحتال



وكل(ن) على الدنيا نصيبه وقسمه



يامل قلبي كل ماقلت ياحال



حسبي عليك ان كان مافيك ذمه



شاعرها غير معروف لدي

 

 

مقبول ماجا منك ياكامل الزين
تسلم أناملك يارائع تقبل مروري
ودمت بود0

 

 

سلمك الله يا اباخالد لانأتي الا من بعدك لك كل المحبه والتقدير

 

 

ما اروعك وما اعذب كلمات نقلتها

هنا نرتشف الشعر من غديرك

هنا يكون للشعر حضور

بكلمات الشاعر الفنان

دمت ودام نقلك خوي ابو ميس




ولك مني كل الود

 

 

شرفني مرور مبدع بقامتك اخي العزيز غمداوي ولا ناتي الا من بعدكم اخي الكريم انت من المبدعين الكبار في هاذا المنتدي لك كل الموده والتقدير