سلة اوجاعي

وجع شعر وجع شوق وجع ضيقه
على كيفك و اهاك اختار سله اوجاعي

غلا و اسمع نزيف الجرج كلام الصمت ما أطيقه
أنا محتاج اسولف لك عن أول و اخر اوضاعي

و ابد لا يجرحك صوتي حياة طير تحليقه
و عليك الله تصير الكون و المسباق و الداعي

أنا أصدق طير بالدنيا عشق حتى مسابيقه
ولكني بديت أذكر معاك ايام مرباعي

تعال أفتح كفوفك حلم و زموت بيوم تحقيقه
تعال أرسم بحور العشق و كسر لو تبي شراعي

تعبت افتش الدفتر و احس بحزن تطبيقه
دخيلك غمض عيوني و خل الشوف لاصباعي

أبي غيم سرق ربعي و ذللهم بتشويقه
أكون أول بشر مجنون تزوره بالعطش قاعي

و حتى لو و هم تكفا أبتوهم بتصديقه
أبي ذاتي أبي مولد يوازي صرخه الناعي

أحس بداخلي عالم حرام اقتل مخاليقه
حرام ؟أسكت و انا صوتي نذرته وجه لاتباعي

يا اول قلب يبكي لي و تبكيني مواثيقه
انا اطباعي مهي زينه و لكن هذي اطباعي

تغرب بي قوافل موت اقول العمر تشريقه
اعيش غيبوبه واعرف ان الزمن واعي

اكمل لك وجع خوف وجع فقر وجع ضيقه
و على كيفك ترتبني حلالك بالهوى اوجاعي الشاعرسليمان المانع</b></i></b></i>

 

 

اوجاع في اوجاع يابو ميس

زين ما اخترت وسلم الذوق

وخذ هذي لنفس الشاعر

أرجوك تنسى الذكريات القديمة** تجديدها لا بد يجرح حدينا
ضحك القلوب الطاهرة والسليمة** جرح العيون بصمتنا لابكينا
خل التفاصيل الحميمة حميمة** كانت مجرد تجربة وانتهينا
ما للعتب من بعد نكران قيمة** ولا ينجبر كاسٍ تكسر بايدينا
خلك مثل ما كنت عندك عزيمة** وقل للذي يذكر هوانا، نسينا
للحب روح وللمحبين شيمة** لازم نشيل جروحنا لا نوينا
غرق هوانا وسط بحر النميمة** بس أشكر الله يوم حنا نجينا
ظلم انفصلنا وإن رجعنا ظليمة** طّول زعلنا لين فيه ارتضينا
نموت حزن ومستحيل الهزيمة ** حنا نكمّل دربنا لا مشينا

 

 

اختيار جميل وطالما أن اختياركما من قصائد الشاعر سليمان المانع

فسأشارككما له بهذه الرائعة من روائعه بعنوان العالم المجهول


العالم المجهول وش دخلك فيه
ردي ترى ماني للأشواق تمثال
دامي بقايا إنسان ليه اشتريتيه
ودامي طفل من علمك عشق الاطفال
لاتخجليني في كلام المشاريه
ولاتقتليني بالمواعظ والامثال
انا الجنون بروعته وبمباديه
يشقيك دربٍ معاندي كلما طال
وانا الذي لو عذبك مافهمتيه
عشت اغتراب الحب .. شاعر ورحال
قولي خيالي ياخيالي وأقول إيه
طبعي قبل لاأعرف طريقك .. ولا زال
اما اهجري ليل الغرام ومساريه
والا اقبليني مثل ماني بهالحال
قلبي عذاب مصارع الوقت يكفيه
وبعض الحكي من بيننا عيب ينقال

مع فائق التقدير للأستاذ أبي ميس