انه يقول المعنى ... يا ناس قلبه تعنى

.

*****

انه يقول المعنى
يا ناس قلبه تعنى

والزين ما سال عنا
وش عاد حضرة جنابه

ضاقت عله الوساعي
والفكر ما عاد ياعي

ذا جرح ماله مداوي
والحال يشويه شاوي

يا زين ويش انت ناوي
قلبي تزايد عذابه

لو قال زادت همومه
لو كان ما جاه نومه

يا صاحبي لا تلومه
خله يضمد صوابه

فداك يشكي جروحه
تكفى ترفق بروحه

والمعذرة والسموحه
لو صاح من حر مابه

كان الغلا ما يبينا
والا تغلا علينا

ما عاد وده يجينا
من باعنا ما لنا به

الود ما هو غصيبه
واللي رحل وش نبي به

دام الوفاء ما يجي به
ما أظن ينفع جوابه

ما نطرد اللي تغلا
واللي تغلا يخلا

ما دام عني تسلا
يا ناس عادي غيابه

رحمة شعور ندية
في صورة هاتفية

تحكي مشاعر خفية
والفكر عاند سحابه

هذي هي آخر علومي
في روحتي والقدومي

ما بين ليلي ويومي
والعلم هذا كتابه

*****

 

 

كلمات أكثر من رائعة ومن أنسان حبيب وأكثر من رائع .

يشرفني إضافة رابط الكلمات في شيلة متميزة

 

 

.

*****

حياك الله يا استاذ علي
اسعدني مرورك ومشاركتك

لاك خالص تحياتي

*****

 

 

أستاذين قديرين يعطيكم العافية
متميزين الله يحفظكم