في خاطري كلمة

وشلون ماأحبك ولا عدت مغليك
............... وانت الدوا لـ انسان دونك يعاني


وشلون رحت وكل صوتي يناديك
............... ياهيييه اسمعني ترى العمر فاني


ماقلت لك من قبل ماني مخليك
............... ياكيف تنساني ــ وقلبك نساني ؟


كتبت لك في صدر الايام ... ابغيك
............... وكتبت لي :.. خلاص غيرك خذاني


حتى جدار الصمت لو التفت فيك
............... بكيت من صمته .. وضيق الثواني


عشقت كل لحظات عمرك وماضيك
............... ومعك : عرفت ان الأماني .. أماني


وسويت لك في داخلي شي يرضيك
............... وان كان مايرضيك ؟؟ ... سويت ثاني


نزعت فرحت خاطري .. ليت تكفيك ؟
............... وزرعتها في داخلك .......... ماكفاني


ضحكت لك وآنا من الحزن أسليك
............... وحبست دمعي لجل أقدم حناني


وصديت وقت الضيق .. مابيك مابيك
............... تشوفني أضحك .. وأنا اللي أعاني






ياهـ الزمن تكفى - طلبتك - وأرجيك
............... لاتبخل بـــ وصل الحبيب الـ أناني


قد قلت له : مقدر أفارق وأحاتيك
............... وقد قلت له : هـ البعد ياما كواني


لكن حسافه كل صوتــ (ن) يطريك
............... ياما معا نفسي ذكرتك .... أغاني


بـ ايديك كل اللي حصل اييه بـ ايديك
............... بديت احسك شي ... خااارج زماني


ودامك زرعت انسان غيري بـ أراضيك
............... فـ أنا ماحب يكون غيري ..... مكاني


بـ تغيب ؟ غيب ولكن اسمع محاكيك
............... قبل السفن تنوي بــــــ هجر المواني


في خاطري كلمة < ويمكن > تبكيك
............... ابيك تسمعها / . دقايق عشاني


لو الزمن يعطيك - ماهوب معطيك
............... شخص يحطك بين عوج المحاني !!


منقول مما راق لي

 

 

هذ الشاعر الرقيق وصف أدق وصف لمرارة الهجران من حبيب أناني

إختيار موفق لنقل هذه القصيدة الرقيقة ...ودي يكون ذكرت أسم الشاعر إذا كان موجود

لك تحياتي وتهنئتي بالعيد ولو أنها متأخرة يا سمي .


علي بن حسن

 

 

وسويت لك في داخلي شي يرضيك
............... وان كان مايرضيك ؟؟ ... سويت ثاني


دائماً تنتقي لنا القصائد الرائعة ايها الرائع ( علي فرحة )

 

 

.

****

في خاطري شي .. نفسي اقوله
متى ظروفي .. تسمح لي واقوله
في خاطري شي

نفسي اقول و عز الكلام ..
ودي معاك لحظة حنان ..
كفايا اسرح مع الاحلام ..
ضناني الوجد والهجران ..
في خاطري شي

ترانا في زحمة الاوهام ..
ما نقدر نطوله ..
تعالي ضاعت الايام ..
ابي واقع انوله ..
في خاطري شي

كلمات الشاعر المنتظر

مع تحياتي

*****

 

 

ما راق لك وما نقلته راق لنا باعجاب ولكن باعدت بين الاسطر حتى توهمت ان بينها فراغات لم تنقل تحياتي 00