خيــمة الحمّـاية : شـعـب جعملة يحييكم ويستضيفكم في خيمته التراثية

لا على كذا بنعيد النظر
بس ايني واياك تعود في كلامك
والا قل على الثور والجنبية افلحت

 

 

جبل الشعبة ...
ما عاد ينفعني دهاني وقطّاري .. والجرح من سد الضلاعين قد طاري

الثور رايح رايح ... بس فكر زين لات تغدي الجنبية ..

 

 

.

*****

في منتدى الأصيل طرح احد الأعضاء قصيده جميله في بنته تهاني على اللحن والطرق الحضرمي

وحبيت نقلها إلى خيمتنا العزيزه لعلنا ننسيكم اليتيم جبل الشعبه

فيقول أبو تهاني في بنته حفظها الله

الشوق بعيوني يجنـن ديـره= وطيف المحبه دائمـاً بعيونـي
طول النهار الشوق هو والغيره= يتنافسو في خافقي وجفونـي
غيره وخوف مغلفه بالحيـره=من كثر هفواة الزمان الدونـي
يا الله تلهمني الرِضى الخيـره=في وِد من قلبي بهم مفتونـي
مالي غِنا عنهم ولا لي سيـره=إلا سعادتهـم بهـذا الكونـي
اشد حيلي دوم فـي تطويـره=وجدان يغليهـم بليـا هونـي
واخص منهم صاحب التصويره=من يحسب الدنيا سلا وفنوني
لِساه ما يـدري بهـا دوّيـره=تشبه مسماها عديـم اللونـي
عفوية التخمين فـي تفكيـره=تجعله يحسبها فلـم كرتونـي
تدرون من هي حلوتي لصغيره=هذي الحلا روح الغلا (تهوني)

ولكم تحياتي


*****

 

 

سلام والعون والمعونة

وجدت هذه القصيدة ضمن أوراقي وهي قصيدة يحفظ كثير منا الرد منها لجمعان البراق رحمه الله تعالى

ويغيب البدع أحببت أن أذكرها لأهل الخيمة آربهم يعودون الخيمة ويحييونها لجل إن الصيف كله الطير

والجميع لاهي عنه لكن ما معنا بصيرة وش نسوّي بذولا الصُّفَّة صفة أربطعش ما هم الواحد

الا وين أُسْمر ومن معه تنباك...خذت عقولهم سميرة توفيق ... ووضحى وبن عجلان ...

ويا مَشْكل يقعد الواحد ساعة والا نص ساعة هم قال با أروح معي ضيعة....

إلا معي مشوار ويلا الباحة ... إلا من يندر معي....

البدع
حي الله سيفا شبيٍّا وحدَّه فيصلي

لا هوى يَرْبَع صِلي

يسقي اسرائل سُمّ ومايْ مِن رماه

سيف ما نلقى كماه

لا هوى ياخذ في الصدر ميه والف رَوْد

والحرس عنده حدود

يكتب التاريخ من جنب حده والقصاص

بَتَّ راس بعد راس

والمشاكل حلها والدول ما الداخليه

يُرْقب اللي يعتني به ويرقب سوريه

الرد

الله يوم جتنا الروادي بموت الفيصلي

سار تحت اربع صلي

يالله اني ادعيك ترمي بسهمك من رماه

رمي ياجي من سماه

ليش يالملعون ترمي ملكنا بالفرود

جعل مثلك ما يعود

مثل ابو عبدالله ما كان يرمى بالرصاص

وانت من قوم القصاص

بالله يا خالد توافق وزير الداخليه

ترقبون الجيش والجيش يرقب سوريه



وسلامة الجميع،،،،

 

 

فديت خشمك يا احمد بن فيصل قصيدتك هيلة وهبلنا كماها كماها .
قعدت اتعي وش اكتب الا والراس فاضي خوة دوة سامحني ما عاد معي هرجة اقل علي عني تبلكمت مع السلامة .

 

 

الليلة قلت اجي واعلمكم بهذه القصيدة التي بدعها من الأخ ابو زهير في منتدى الديرة وطلب منّي الرد عليها ..
البدع :ابوزهير

ياابن رمزي خذ نصيحة من العصيب.
السماء تمطر على كل حي وحيد.
مايها مايختلف يروي العليل.
لكن الفرق إب يجي في ثرى الصعيد.
بعضها تشرب وتنتج لنا تمر.
والبعض تنتج لنا الشوك والعشر.
واودية مافاد فيها غزير الناوي.
كلها قيعان وش ترتجي لها.

الرد / عبدالله رمزي
لا تذكرني زمانا مضى عصيب
كل واحد عاش في ذا الزمن وحيد
خذ كلامي ما باعله لكم عليل
وافتكر وش حالة الناس فا الصعيد
يالله لا تجعل سنين القسا تمر
علّم التاجر يخرّج لنا العشر
من زكاة المال للفقرا لو ناوي
ثم قل له كان دمّرت جيلها

 

 

البدع=
حي الله سيفا شبيٍّا وحدَّه فيصلي=
لا هوى يَرْبَع صِلي=
يسقي اسرائل سُمّ ومايْ مِن رماه=
سيف ما نلقى كماه=
لا هوى ياخذ في الصدر ميه والف رَوْد=
والحرس عنده حدود=
يكتب التاريخ من جنب حده والقصاص=
بَتَّ راس بعد راس=
والمشاكل حلها والدول ما الداخليه=
يُرْقب اللي يعتني به ويرقب سوريه=
الرد=
الله يوم جتنا الروادي بموت الفيصلي=
سار تحت اربع صلي=
يالله اني ادعيك ترمي بسهمك من رماه=
رمي ياجي من سماه=
ليش يالملعون ترمي ملكنا بالفرود=
جعل مثلك ما يعود=
مثل ابو عبدالله ما كان يرمى بالرصاص=
وانت من قوم القصاص=
بالله يا خالد توافق وزير الداخليه=
ترقبون الجيش والجيش يرقب سوريه=